Error
  • Error loading feed data.

भारतमा सशस्त्र समूहद्वारा मारिएका तीन नेपाली नागरिक रहेको खुलासा

smaller text tool iconmedium text tool iconlarger text tool icon
८ लाख रुपैयाँ लुटियो, बन्चरोले हानेर हत्या-
रेवतीरमण सापकोटा, ओदालगुढी, (आसाम), मंसिर १२ - दुई दिन अघि भारतको सशस्त्र समूह नेसनल डेमोक्रेटिक फ्रन्ट अफ वोरोल्यान्ड (एनडीएफवी)ले हत्या गरेका तीन जना नेपाली नागरिक रहेको खुलासा भएको छ। प्रहरीका अनुसार केकाराजुली खोलाको किनारमा हत्या गरी फालिएको अवस्थामा भेटिएकाहरु नेपाली हुन्।

खोलाको किनारामा भेटिएका महेश घिमिरे हुन्। त्यस्तै मारिएका अन्य दुई नेपालीहरु अनिल पोखरेल र झलक श्रवण सुवेदीको शव प्रहरीले फेला पार्न सकेको छैन। नेपालबाट गुवाहिटी जाँदा यी तीनले सोझो बाटो बिराएर अन्यत्रै पुगेको हुनसक्ने प्रहरीको अनुमान छ।

प्रहरीका अनुसार नेपालबाट इन्डिका कार चढेर यी तीन जना भारत गएका थिए। कार भारतीय चालक भाग्य वसुमात्रियले चलाएका थिए।

प्रहरीले एनडीएफवीमा संलग्न रहेका धनेश्वर वासुमात्रियलाई पक्राउ गरेको छ। उनले तीन नेपालीको अपहरण गरी हत्या गरेको स्विकारेका छन्। शान्तिपुर गाउँमा नेपालीको हत्या गरिएको उनले स्विकार गरेका हुन्। उनले नेपालीबाट ८ लाख रुपैयाँ लुटेको बताएका छन् भने उनीहरुलाई बन्चरोको प्रहारबाट मारिएको स्विकारेका छन्।

उनीहरुको अपहरणमा गंगापुर गाउँका नेपाली भाषा जान्नेहरु समेत संलग्न रहेको उनले खुलाएका छन्। मारिएका नेपालीको नाम पहिचान भएपनि उनीहरुको ठेगान खुल्न नसकेको प्रहरीले जनाएको छ। प्रहरीले मारिएका नेपालीहरु गैडाको सिङ किन्न भारत आएको हुनसक्ने अनुमान गरेको छ। प्रहरीले घटनाको अनुसन्धान गरिरहेको छ।
प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
WebNagarikNews.com
nagarik-news print edition epaper
CSW


प्रवास

From Republica

new-traveld