Error
  • Error loading feed data.

टेलिकमको मोबाइल गुणस्तरहीन : प्राधिकरण

smaller text tool iconmedium text tool iconlarger text tool icon
काठमाडौं, मंसिर २१ (नागरिक) - नेपाल दूरसञ्चार प्राधिकरणले गरेको अनुसन्धानमा देशका तीन ठूला टेलिफोन सेवा प्रदायकहरुमध्य नेपाल टेलिकमको जीएसएम मोबाइल सबैभन्दा 'गुणस्तरहीन' ठहरिएको छ। अनुसन्धानबाट टेलिकमको ल्यान्डलाइन फोनको गुणस्तर समेत सन्तोषजनक नदेखिएको प्राधिकरणले जनाएको छ।


  झण्डै तीन महिना लगाएर अनुसन्धानकर्ता संस्था सेडाले तयार गरेको टेलिफोनको गुणस्तर प्रतिवेदन अनुसार टेलिकमकै सिडिएमए, एनसेल (तत्कालिन स्पाइस नेपाल) र युटिएलको सेवा भने 'राम्रो' देखिएको छ। टेलिफोन सेवाको गुणस्तरको बारेमा आलोचना भएपछि अध्ययन गर्न प्राधिकरणले स्वतन्त्र रुपमा अध्ययन गर्न सेडालाई जिम्मा दिएको थियो।

'यो अध्ययन गर्ने समयमा टेलिकमको आधारभुत टेलिफोन (ल्याण्डलाइन) र मोबाइल फोनको गुणस्तर ज्यादै कमजोर पाइयो,' प्राधिकरणका प्रवक्ता कैलाशप्रसाद न्यौपानेले भने। तुलनात्मक रुपमा टेलिकमकै सिडिएमए, एनसेलको जिएसएम र युटिएलको सिडिएमए फोन शत प्रतिशत नभएपनि मापदण्ड पुरा गर्नेमा अघि देखिएका छन्।

अनुसन्धानबाट सार्वजनिक गरिएको तथ्य अनुसार टेलिकमको जिएसएम मोबाइल फोनबाट कल गर्दा ९५ प्रतिशतभन्दा बढी सफल हुनुपर्नेमा ९२ प्रतिशतमात्र सफल भएको पाइएको छ। यो मापदण्डमा टेलिकमकै ल्याण्डलाइनले ९६ प्रतिशत, सिडिएमएले ९५ दशमलव ९०, एनसेलले ९६ र युटिएलको सिडिएमएले ९५ दशमलव ८० प्रतिशत अंक पाएका छन्।

प्राधिकरणको मापदण्ड अनुसार हरेक एकसय कलमध्य ९५ प्रतिशत कल राम्रोसँग सफल भएर दुबै पक्षबीच कुराकानी हुनसक्नुपर्छ। यो मापदण्डमा सबैभन्दा कमजोर टेलिकमको जिएसएम मोबाइल ठहरिएको प्राधिकरणले जनाएको छ।

गुणस्तरकै अर्को मापदण्ड सर्भिस एक्सेस डिले रेट (ग्राहकले फोन गरेपछि मोबाइलमा सुरुको घण्टी बज्न लाग्ने समय) १५ सेकेन्डभन्दा कम्ति हुनुपर्छ। यो मापदण्डमा सबै सेवा प्रदायकका मोबाइल र ल्याण्डलाइन परेका छन्। टेलिकमको ल्याण्डलाइनमा झण्डै ८ सेकेन्ड, जिएसएम मोबाइलमा ९ सेकेन्ड, सिडिएमएम मोबाइलमा ८ दशमलव ८० सेकेन्ड, एनसेलको मोबाइलमा ८ दशलमव ७० सेकेन्ड र युटिएलमा ८ दशमलव १० सेकेन्ड लागेको छ।
टेलिफोनका ग्राहकले डायल गर्दा बीचमा कुनै अवरोध नभै कम्तिमा ४५ पुरा हुनुपर्ने प्राधिकरणको मापदण्ड छ। यो मापदण्डमा सबै सेवा प्रदायकका ल्याण्डलाइन र मोबाइल फोनले पुरा गरेको प्राधिकरणको अनुसन्धानले देखाएको छ। यो मापदण्डमा टेलिकमको ल्याण्डलाइनले ५६ दशमलव ३० प्रतिशत, जिएसएम मोबाइलले ५५ प्रतिशत, सिडिएमएले ५४ दशमलव ९० प्रतिशत, एनसेलले ५५ दशलमव ६० प्रतिशत र युटिएलले ६५ दशमलव ५० प्रतिशत पुरा भएको देखिएको न्यौपानले बताए।

टेलिफोनको कल क्वालिटी (बिना अवरोध कुराकानी स्पष्टसँग गर्न सकिने) ९० प्रतिशत भन्दा माथि हुनुपर्ने मापदण्ड छ। एकसय कलमध्य ९० वटा कल कुनै अवरोध र समस्या बिना ग्राहकले सजिलैसँग कुरानी गर्न सक्ने हुनुपर्ने मापदण्ड छ। यो मापदण्डमा कुनै पनि कम्पनीका सेवाहरु नभएको अध्ययनले देखाएको छ।

टेलिकमको ल्याण्डलाइन ८१ दशमलव १० प्रतिशत, जिएसएम फोन ६९ दशमलव ६० प्रतिशत, सिडिएमए ७६ दशमलव १० प्रतिशत, एनसेल ८४ दशमलव ५० प्रतिशत र युटिएलको ८० दशमलव ८० प्रतिशत कलमात्र गुणस्तरीय हुने अनुसन्धानले देखाएको छ।
कल गर्दा बीचमै टुट्ने प्रवृत्ति तीन प्रतिशतभन्दा कम हुनुपर्ने मापदण्ड मोबाइल टेलिफोनमा छ। तर टेलिकमको ल्याण्डलाइनमा समेत यो प्रतिशत मापदण्डभन्दा माथि छ। ल्याण्डलाइनको 'कलड्रप रेट' ३ दशमलव २३ प्रतिशत छ। टेलिकमकै जिएसएम मोबाइलको यस्तो रेट ३ दशमलव ७३, एनसेलको शून्य दशमलव ९० प्रतिशत छ। तर टेलिकमको सिडिएमए र युटिएलमा कलड्रप एक प्रतिशत पनि नभएको अनुसन्धानले देखाएको छ।

'हामी यो अध्ययनका आधारमा सबै कम्पनीहरुलाई आफ्नो सेवाको गुणस्तर प्राधिकरणले तय गरेको मापदण्ड भित्र राख्न निर्देशन दिने तयारीमा छौं,' न्यौपानेले भने। प्राधिकरणले निश्चित समयसीमा तोकेर सेवालाई गुणस्तरीय बनाउन निर्देशन दिने तयारी गरिरहेको छ। समयसीमा भित्र सुधार नगरे सेवा प्रदायकहरुलाई कारवाही गर्ने प्राधिकरणले जनाएको छ।
'यो अध्ययन प्रतिवेदन लोडसेडिङले हाम्रो सेवा सबैभन्दा प्रभावित भएको समयको हुनुपर्छ,' टेलिकमका एक अधिकारीले भने। उनले अहिले टेलिकमको सेवा पहिलेभन्दा निकै स्तरीय भेसकेको बताए।

प्राधिकरणलाई सेडाले यो अध्ययन गत अप्रिलमा बुझाएको हो। प्राधिकरणका अधिकारीहरुले पनि अहिले यो गुणस्तरमा केही तलमाथि भैसकेको हुने स्वीकार गरे। 'हामी कसको सेवाको स्तर के छ भनेर नियमित रुपमा नियमन भने गरिरहन्छौं,' उनले भने।

प्रतिक्रियाहरू (9)Add Comment
0
Raj
December 08, 2010
115.211.115.196
भोट: +0
...

नेपाल टेलिकमको इन्टरनेट र जिएमएस दुवै खत्तम छ।

0
Samriya
December 08, 2010
202.70.66.58
भोट: +2
...

Ok i studied this article very seriously. And i m not supported this article at any cost. i m Also the Customer of NTc, And I fell That it is the Splendid company. Nepal telecom as a customer i think it is far best than others. Why NTA did not response NEA, Though the branch is difference as i know. 2&50 Crore Nepalese can tolarate that kinds of bitter loadshedding. If NT Barriers 5 min all lines, what massages goes to the customer, Did NEA think anything. So nothing is possible at 100%. That is imagination and fantacy matter. NTA exaggerate that Ncell & UTL are the very best, what types of fantacy subjects u have published, Is that Possible? every items prices has been increases day by day but NTC Tarrifs rates are decreases day by day and added many many facilities. I think I have doubt that NTA Authorities are sponsered by NCELL& Others private operators. SO Please stop this kind of biasness. NTC is the public property, keep it in yours minds. Thanks

0
govindasaa
December 08, 2010
202.52.233.248
भोट: +0
...

मलाई चाहिँ विश्वास लागेन। एनसेलको बेलुका कार्यालय समय हेरे थाहा हुन्छ कुन चै सफल हुन्छ?

0
Sailesh
December 08, 2010
202.79.60.25
भोट: -2
...

no one will believe in this. i think this is done in the best part of mobile coverage. try outside ktm and there will be total different picture. try calling to Ncell from NT GSM, success rate in not even 12% forget 92% success rate. call drop is another significant problem in NT mobiles, like voice clarity is never acceptable in NT. Ncell and UTL are far far far better in service and quality।

0
lalu yadav
December 08, 2010
113.199.245.204
भोट: +1
...

देशभरिमा सबैभन्दा धेरै सेवा दिने कम्पनी हो नेपाल टेलिकम। यति धेरै सुविधा दिँदा त हल्का समस्या भइहाल्छ नि।

0
prakash bhandari
December 08, 2010
110.44.113.254
भोट: -1
...

नेपाल टेलिकमको धेरै नराम्रो समाचार सुन्नु परो।

0
sanu sharma
December 09, 2010
113.199.224.228
भोट: +0
...

I don't believe on this report. I am 100% satisfied with the NT service and quality.It is the real fact that customer service is slightly poor in NT.It may be due to the poor management from the Govt and NT officials.
Every one should keep in mind that NTC is a public company and the money it earns from the service provided is for and from nepali people.But the case is quite different in case of Ncell and UTL. they earn money from Nepalese and take this money for own benifit.
Another fact to remember is that NT is the first tax payer and i hope will remain in lead position if all Nepalese support this company. Just imagine Ncell says it is increasing its customer base but is paying lower tax in comparision to previous years.where does this money go?
Another favourable point for NT is that it is providing employement opportunities for many nepalese people but Ncell has its higher mgmt from abroad and is considering zero employee concept.
So frens just boycott such company and stay loving NTC.Cheers

0
DM
December 09, 2010
113.199.221.195
भोट: +0
...

टेलिकममा बढ्दो भ्रष्टाचार र गुटबन्दीले गुणस्तरमा ध्यान नदिएको हो किजस्तो लाग्छ।

0
User
December 09, 2010
180.171.97.59
भोट: +0
...

Truth Is Bitter for NTC and Its Staff.
Please provide service what commited.
Thats all.

प्रतिक्रिया लेख्नुस्
 
  संकुचित | विस्तृत
 

busy
WebNagarikNews.com
nagarik-news print edition epaper
CSW


अर्थ

From Republica

new-traveld