Error
  • Error loading feed data.

मनीषाले भनिन्- व्यक्तिगत प्रश्न नसोध्नू

smaller text tool iconmedium text tool iconlarger text tool icon

स्मृति ढुंगाना, काठमाडौं, मंसिर २२- आफ्नो पछिल्लो नेपाली फिल्म 'धर्मा'को प्रवर्द्धनमा जुटेकी अभिनेत्री मनीषा कोइराला मंगलबार राजधानीमा आयोजित कार्यक्रममा उनी निकै खुलिन्।

'मेरो व्यक्तिगत विषयमा जिज्ञासा नराख्नु होला,' सम्भावित प्रश्नलाई निषेध गर्दै उनले भनिन्, 'सुटिङमा आफ्नै नेपाली भाषा बोल्न पाएँ। यो नै रमाइलो अनुभव थियो।' अन्य कुरामा भने बलिउड र नेपाली फिल्मको सुटिङ खासै अन्तर नदेखेको बताइन् उनले।


पोखरामा सुटिङ गरिएको फिल्म 'धर्मा'को प्रवर्द्धनमा युनिट सोमबार त्यसतर्फ जाने कार्यक्रम रहेको छ। दर्शकको प्रतिक्रिया बुझ्न मनीषा विभिन्न हलमा पुग्ने निर्माण पक्षले जनाएको छ। 'दर्शकको मूल्यांकन बुझ्न हलमा जान लागेकी हुँ,' प्रतिक्रिया बुझ्ने सिलसिलामा गृहनगर विराटनगर पनि पुग्ने योजना बनाएकी छिन् मनीषाले।
मनीषाले काम नगरेको भए फिल्म नै नबनाउने सुनाइन् निर्मात्री दुर्गा पोखरेलले।

फिल्मलाई विदेशमा समेत देखाउने योजनामा जुटेकी पोखरेलले भनिन्, 'सबटाइटलको काम हुँदैछ। वैशाखको पहिलो साता विदेशमा रिलिज गर्ने योजना छ।'


नयाँ फिल्म 'खग्रास' सुटिङ गरिरहेकी पोखरेलले फिल्म प्रिमियरका लागि ठूलो हल नभएकोमा गुनासो गरिन्। प्रिमियरमा राजनीतिज्ञ, साहित्यकार, व्यापारीका साथै नेपाल र बलिउडका फिल्मकर्मीलाई समेत निम्ता गरेको उनले जानकारी दिइन्। 'हामीले एक हजार जनालार्ई बोलाएका छौँ। हलको क्षमता केवल ८ सयको छ,' उनले मओवादी नेता बाबुराम भट्टराई, कांग्रेस सभापति सुशील कोइराला र सुजाता कोइराला प्रिमियरमा आउने बताइन्।
पत्रकार भेटघाटमा फिल्मका नवकलाकार संयोग पोखरेलले फिल्ममा नेपाली बोल्न समस्या परेको बताए। 'तर, फिल्ममा त्यो कमजोरी लुकाउने प्रयास गरेको छु,' उनले भने। निर्माता पोखरेको छोरा संयोगले अभिनयमा निरन्तरता दिने पनि उल्लेख गरे।

मनीषाको साथप्रति आभार प्रकट गरे निर्देशक दीपेन्द्र के खनालले। 'मनीषा दिदीले हामी जस्तो युवा पुस्तालाई साथ दिनुभयो। कथा राम्रो भए पनि केही डर लागिरहेको छ,' खनालले भने।

'धर्मा' मार्फत २२ वर्षपछि नेपाली फिल्ममा मनीषाको पुनरागमन भएको हो उनीसँगै 'फेरि भेटौँला'मा काम गरेका अभिनेता प्रकाश अधिकारीले सम्झिए, 'एकदिन मनीषाले नेपाली फिल्मलाई फेरि भेटौँला भनेकी थिइन्। बल्ल भेटिन्। उनको आगमन ढिलो भए पनि राम्रो भयो।' बलिउडसँग निकै परिचित मनीषालाई उनले निर्देशनमा लाग्न सुझाव दिए।


फिल्ममा मनीषाका साथ राजेश हमाल र निखिल उप्रेतीले अभिनय गरेका छन्। यो फिल्म शुक्रबार देशभरका करिब ६१ हलमा रिलिज हुने बताइएको छ।

प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
WebNagarikNews.com
nagarik-news print edition epaper
CSW


From Republica

new-traveld