घरमा शौचालय नभएसम्म चुनावमा उठ्न नपाइने

E-mail Print
(0 votes, average 0 out of 5)
परासी, असार १- घरमा शौचालय नबनाएसम्म कुनै पनि चुनावमा उठ्न नपाउने गरी नवलपरासीका राजनीतिक दलले प्रतिबद्धता जनाएपछि यहाँ यसले निकै चर्चा पाएको छ। नवलपरासीमा क्रियाशील राजनीतिक दलले २०७१ सम्म नवलपरासीलाई खुला दिसामुक्त जिल्ला घोषणा गर्ने प्रतिबद्धता व्यक्त गर्दै नौबुँदे नवलपरासी घोषणापत्र जारी गरेका छन्।

सन् २०१७ सम्म सबैका घरघरमा चर्पी पुर्‍याउने लक्ष्यका साथ अभियान सुरु भएको जिल्ला खानेपानी तथा सरसफाइ डिभिजन कार्यालयका प्रमुख रामचन्द्र काफ्लेले बताउनुभयो।

जिल्लालाई खुला दिसामुक्त जिल्ला घोषणा गर्न जुनसुकै कदम चाल्न राजनीतिक दल तयार रहेको नेपाली कांग्र्रेसका जिल्ला सभापति देवेन्द्रराज कँडेलले बताउनुभयो।

एकीकृत नेकपा (माओवादी), नेपाली कांग्रेस, नेकपा (एमाले), मधेसी जनाधिकार फोरम लोकतान्त्रिक, तमलोपा, मजफो नेपाल, तमलोपा नेपाल, सद्भावना पार्टी, राष्ट्रिय जनमोर्चा, राप्रपालगायतका दलले आ-आफ्ना दलका जिल्ला, गाउँ, वडा, नगरसम्मका तहमा परिपत्र गरी सबैको घरघरमा शौचालय निर्माण गर्न परिपत्र गर्ने प्रतिबद्धता गरेका डिभिजन प्रमुख काफ्लेले बताउनुभयो।

दलले जारी गरेका नौबुँदे घोषणापत्रमा बन्द-हडताल नगर्ने, शौचालय नबनाउनेलाई कुनै पनि दलले कुनै पनि निर्वाचनमा उम्मेदवार बन्न नदिने, तोकिएको समयमा जिल्लालाई खुला दिसामुक्त जिल्ला घोषणा गर्ने, गाविस, नगरपालिका र जिल्ला विकास समितिले यसका लागि आवश्यक बजेट विनियोजन गर्नेलगायतका प्रतिबद्धता व्यक्त गरेका छन्। रासस

प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper

ब्लग

विकास कार्की हिजो प्रधान मन्त्री बाबुराम भट्टराईले राजा ज्ञानेन्द्रलाई उछिने। लोकप्रियतामा सो...

- विकास कार्की

फुर्पा तामाङ गत जेठ ११ गते बिहान करिब १०:३० बजेको समयमा मेरी आमा न्हीमा ल्हामु तामाङले ७२ वर्...

- फुर्पा तामाङ

धेरैले पढेको

धेरैले पढेको- यो हप्ता