Nepal Republic Media Pvt. Ltd.

Regular News of Political, Economy, Entertainment, Literature, Article, Society, Sports, Vehicle, Bank, Model, Music, Tourism and Travel news, Photography news in English.
Wednesday
Dec 11th

आइरन चक्की र जीवनजल छैन कञ्चनपुरमा

E-mail Print
(0 votes, average 0 out of 5)
कञ्चनपुर, असार ३- गर्भवती महिलालाई रक्तअल्पताबाट बचाउने आइरन चक्कीको कञ्चनपुरका स्वास्थ्य संस्थामा अभाव भएको छ। स्वास्थ्य संस्थाका लागि वार्षिकरुपमा २४ लाख आइरन चक्की आवश्यक पर्ने भए पनि विभागले छ लाख चक्की मात्रै पठाएकाले अभाव भएको हो। जिल्लामा जीवनजलको पनि अभाव छ।

कार्यालयमा रहेका तीन लाख ३० हजार आइरन चक्की एक महिनाका लागिसमेत नपुग्ने भएकाले समस्या परेको जनस्वास्थ्य कार्यालयका वरिष्ठ जनस्वास्थ्य अधिकृत शिवदत्त भट्टले बताए।

उनका अनुसार यहाँका प्रत्येक स्वास्थ्य संस्थालाई प्रतिमहिना १० हजार आइरन चक्की आवश्यक पर्दछ। गर्भवती महिलामा देखापर्ने रक्तअल्पताको समस्या हटाउनका लागि स्वास्थ्य विभागले नेपाल परिवार स्वास्थ्य कार्यक्रममार्फत निःशुल्क आइरन चक्की वितरणको व्यवस्था गर्दै आएको छ।

आइरन चक्कीको अभाव भएपछि ग्रामीण क्षेत्रका गर्भवती महिला बढी प्रभावित भएका भट्टले बताए।

यसैगरी, स्वास्थ्य संस्थाहरुमा झाडापखालाका बिरामीलाई निःशुल्क वितरण गरिने जीवनजलको समेत अभाव भएको छ। बजेट अभावमा जीवनजलको आपूर्ति गर्न नसक्ने अवस्था रहेको उनी बताउँछन्।

स्वास्थ्य संस्थाहरुमा औषधि वितरण प्रणाली व्यवस्थित गर्न नसक्दा आइरन चक्की र जीवनजलको अभाव भएको बताइएको छ। स्वास्थ्य विभागले जनस्वास्थ्य कार्यालय कञ्चनपुरलाई यो वर्ष निःशुल्क औषधि खरिदका लागि ४२ लाख बजेट विनियोजन गरेको थियो। रासस

प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper

ब्लग

विकास कार्की हिजो प्रधान मन्त्री बाबुराम भट्टराईले राजा ज्ञानेन्द्रलाई उछिने। लोकप्रियतामा सो...

- विकास कार्की

फुर्पा तामाङ गत जेठ ११ गते बिहान करिब १०:३० बजेको समयमा मेरी आमा न्हीमा ल्हामु तामाङले ७२ वर्...

- फुर्पा तामाङ

धेरैले पढेको

धेरैले पढेको- यो हप्ता