Nepal Republic Media Pvt. Ltd.

Regular News of Political, Economy, Entertainment, Literature, Article, Society, Sports, Vehicle, Bank, Model, Music, Tourism and Travel news, Photography news in English.
Thursday
Dec 12th

गैरकानुनी रुपमा रकम असुल्ने प्ल टु कारवाहीमा

E-mail Print
(0 votes, average 0 out of 5)
विराटनगर, असार ४- गैरकानुनी रुपमा प्रवेश परीक्षा शुल्क लिने मोरङ जिल्लाका निजी क्षेत्रबाट सञ्चालित उच्च मावि (१०+२) कलेजलाई उच्चमाध्यमिक शिक्षा परिषद्ले कारबाही प्रक्रिया अगाडि बढाएको छ।

परिषद्‌द्वारा सम्बन्धनप्राप्त मोरङ जिल्लामा दस जोड दुई कलेजले एसएलसी उत्तीर्ण विद्यार्थीबाट अवैध रुपमा प्रतिविद्यार्थी रु ५०० देखि ७०० सम्म गैरकानुनी रुपमा रकम लिने गरेकाले कारबाही अगाडि बढाइएको हो। जिल्लामा अरनिको, कोवास, अर्किड, मेरील्यान्ड, लर्डबुद्ध, शिक्षादीप, देवकोटालगायत कलेजले प्रतिव्यक्ति एवम् प्रतिफाराम रु ५०० देखि ७०० सम्म लिने गरेको उच्चमाविमा लिखित उजुरी परेपछि कारबाही अगाडि बढाइएको बताइएको छ।

जिल्लामा ३२ निजी तथा ५४ सामुदायिक उच्चमावि (कलेज) रहेको परिषद् क्षेत्रीय कार्यालय विराटनगरले जनाएको छ। मोरङ जिल्लामा अहिलेसम्म यस वर्ष एसएलसी उत्तीर्ण भएका करिब १० हजार विद्यार्थीले उक्त उच्चमाविमा भर्नाका लागि प्रवेश परीक्षाको शुल्क बुझाएका छन्। ती विद्यार्थीले उक्त शुल्कबापत रु ५० लाखभन्दा बढी रकम कलेजमा बुझाइसकिएको परिषद्को अनुमान छ।

परिषद्का प्रवक्ता नारायणप्रसाद कोइरालाले लिखितरुपमा गैरकानुनी रुपले रकम लिएको उजुरी परेपछि मोरङका निजी क्षेत्रका उच्चमावि (कलेज)माथि कारबाही एवम् छानबिन प्रक्रिया अगाडि बढाइएको हो। उनले विद्यार्थी एवम् अभिभावकलाई प्रवेश परीक्षाबापत कुनै किसिमको शुल्क नदिन आग्रहसमेत गरे। विद्यार्थीलाई भ्रममा पारी आकर्षण गर्न अनावश्यक विज्ञापन गर्नेलाई समेत छानबिन गरी कारबाही गरिने उनले बताए।

अरनिको उच्चमावि विराटनगरका मधु अधिकारीले परीक्षा फाराम छपाइ तथा परीक्षा पुस्तिका र जनशक्ति खर्चबापत उक्त रकम लिइएको र गैरकानुनी नभएको दाबी गरे। रासस

प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper

ब्लग

विकास कार्की हिजो प्रधान मन्त्री बाबुराम भट्टराईले राजा ज्ञानेन्द्रलाई उछिने। लोकप्रियतामा सो...

- विकास कार्की

फुर्पा तामाङ गत जेठ ११ गते बिहान करिब १०:३० बजेको समयमा मेरी आमा न्हीमा ल्हामु तामाङले ७२ वर्...

- फुर्पा तामाङ

धेरैले पढेको

धेरैले पढेको- यो हप्ता