बाढीले बगाउँदा अछाम र बाजुरामा पाँचको मृत्यु

E-mail Print
(0 votes, average 0 out of 5)
ध्रुव बीसी, अछाम, असार ११- अबिरल बर्षासँगै आएको बाढीले अछाम र बाजुरामा ५ जनाको मृत्यु भएको छ। अछामको ढुङ्गाचाल्ना गाविस- २ डुफा गाँउका बिरबहादुर कामी र उनका २ वर्षीय छोरा ललि तथा सोही ठाँउका भैरे बुढालाई सोमबार खोलाले बगाउँदा मृत्यु भएको हो ।
२ जनाको घटनास्थलमै र बिर बहादुरको उद्दार गरेर घर ल्याउँदै गर्दा बाटोमा मृत्यु भएको हो। सोमबार दिउसो गोठालो गएका उनीहरु साँझ गोठ फर्कदै गर्दा डुफा खोलाले बगाएको स्थानीय सर्जन थापाले बताए ।
यसैगरी बाजुराको बाह्रबिस-२ बदेडाका ६५ वर्षीय बलबहादुर सार्की र पाण्डुसैन-५ का ९ वर्षीय चन्द्र रोकायाको बाढीले बगाएर मृत्यु भएको हो।
सार्कीलाई शनिबार बिहान बाढीले बगाएको स्थानीय चेतराज जैशीले जानकारी दिए। रोकाया बाख्रा चराउन जंगल जाँदा बाढीले बगाएको थियो ।
शुक्रबार राती आएको बाढीले कुल्देवमाण्डौ गाविसमा लाखौको क्षति पुर्यानएको छ । रातभरिको अविरल वर्षासँगै आएको बाढीले गाविसमा रहेका विद्यालय, बाटोघाटो, खेतबारी, खानेपानी लगाएतका संरचनामा क्षति पुर्याकएको स्थानीयले जानकारी दिए।
बाढीले कुल्देवमाण्डौ-५, बानेगाउँका केरे खत्री र बुदे लुवारको घर बगाएको छ भने दुवै परिवार विस्थापित भएका छन्। त्यस्तै भानुदय उमाविको छात्रवास भवन र खानेपानी बगाएको शिक्षक अशोक शर्माले जानकारी दिए । बाढीले टाटे स्वास्थ्य चौकीमा रहेको रेडक्रस सोसाइटीको भवन र खानेपानी पनि बगाएको छ।
बाढीले खानेपानीको पाइपलाइन समेत बगाउँदा गाउँमा खानेपानीको समस्या भएको छ। अधिकांश रोपाइँ गरिसकेका खेत र रोपाइँका लागि राखिएको व्याड समेत बगाएपछि किसानहरु चिन्तित बनेका छन् ।
प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper

ब्लग

विकास कार्की हिजो प्रधान मन्त्री बाबुराम भट्टराईले राजा ज्ञानेन्द्रलाई उछिने। लोकप्रियतामा सो...

- विकास कार्की

फुर्पा तामाङ गत जेठ ११ गते बिहान करिब १०:३० बजेको समयमा मेरी आमा न्हीमा ल्हामु तामाङले ७२ वर्...

- फुर्पा तामाङ

धेरैले पढेको

धेरैले पढेको- यो हप्ता