Nepal Republic Media Pvt. Ltd.

Regular News of Political, Economy, Entertainment, Literature, Article, Society, Sports, Vehicle, Bank, Model, Music, Tourism and Travel news, Photography news in English.
Thursday
Sep 19th

बुद्धको जन्मबारे विवाद नगरौं : दलाई लामा

E-mail Print
(16 votes, average 3.00 out of 5)
संगीता मरहट्टा, लण्डन, असार ८- तिव्वती बौद्ध धर्म गुरु दलाई लामाले बुद्धमार्गको विकास भारतबाट सुरु भएको बताएका छन्। एक सातादेखि बेलायत भ्रमणमा रहेका लामाले बुधबार अल्डरसोट स्थिति एक भव्य रंगशालामा आयोजित कार्यक्रममा सयौ नेपाली र बेलायती दर्शककाबीच गौतम बुद्ध नेपाल वा भारत जहाँ जन्मिभए पनि त्यसलाई ठूलो नमान्न आग्रह गरेका हुन्। 'बुद्धमार्गको उद्‍गम थलो भारत हो र कसैकसैले बुद्ध नेपालमा जन्मिएका हुन् भन्छन्, कसैले भारतमा' लामो समय भारतमा निर्वासन जीवन बिताइरहेका लामाले भने, 'बुद्ध जहाँ जन्मिए पनि त्यो बिषयलाई बुद्धमार्गीहरुले ठूलो कुरा बनाउनु हुँदैन।'

अल्डरसोटको इविवि रंगशालामा आयोजित विश्व शान्ति, सद्भाव र बुद्ध धर्मबारे प्रवचनमा उनले बुद्धको दर्शनलाई बाहिरी रुपमा नभई भित्रैबाट अंगाल्न आवस्यक रहेको बताए। ‘एक्काइसौं शताब्दीमा पुजा पाठमा मात्र सिमित भएर हुंदैन, बुद्धका दर्शनलाई बुझ्न र अध्ययन गर्न अनि विज्ञानका कुरालाई बुझ्न पनि जरुरी छ' हजारौंको भीडलाई सम्बोधन गर्दै लामाले भने।

 
अल्डरशोटमा उक्त कार्यक्रम नेपालीहरुकै संयोजनमा आयोजना गरिएको थियो। आयोजकले बुद्धको जन्मबारेको लामाको भनाईले केही तित्तता अनुभव भएपछि समग्रमा नेपाली र बेलायतीबीचको सम्वन्ध सुमधुर बनाउन फलदायी भएको बताएका छन्। 'नेपालीहरुकै नेतृत्वमा आयोजित दलाई लामाको भ्रमण र प्रवचनले बेलायती र नेपाली समुदायबीच सहिष्णुता वृद्धि हुनमा मद्त पगेको छ' कार्यक्रम संयोजक डम्मर घलेले नागरिकन्युजसँग भने।
कार्यक्रम बुद्धिष्ट कम्युनिटी सेण्टर युकेले आयोजना गरेको हो। पुर्व वेलायती सेनाले अप्रवाशी सुविधान पाएपछि अल्डरशोट क्षेत्रमा सयौ पुर्व गोर्खाहरु बस्दै आएका छन्। प्रवचन कार्यक्रममा नेपालीका साथै स्थानीय बेलायती, युरोपेली, भियतनामी, मंगोलियन, श्रीलंकाली लगायतका देशका अप्रवाशीहरु पनि सहभागि भएका थिए।
फुटबल प्रेमी बेलायतीहरुको भीडले भरिने अल्डरशोटको इबिबि रंगशाला विहिबार भने नेपाली पोशाकमा सजिएका नेपालीहरुले भरिएको थियो। धेरैले बुद्ध धर्मलम्विहरुको परम्परागत पोशाक लगाएका थिए।
कार्यक्रममा बेलायती संचार माध्यमका प्रतिनिधिहरुको पनि बाक्लो उपस्थिति थियो। प्रवचनपछि दलाई लामाले फुटबल मैदान पुरै हिंडेर बिशेषगरी उपस्थित अपांगहरुका हात समातेर भलाकुसरी समेत गरेका थिए।
कडा सुरक्षाका बीचमा ७६ बर्षीय दलाई लामा राजकिय सम्मानका साथ रंगशाला प्रवेश गराइएको थियो।
झण्डै पांच दशकदेखि भारतमा शरण लिएर बसिरहेका नोवेल शान्ति पुरस्कारका विजेता दलाई लामालाई बुद्ध धर्माबलम्बीहरु बुद्धको साक्षात अवतार नैं मान्ने गर्छन। आठ दिन लामो बेलायत भ्रमणमा रहेका लामाले यसअघि लण्डन र म्यानचेष्टरमा समेत आफ्नो प्रवचन दिइसकेका छन्।
प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper

ब्लग

विकास कार्की हिजो प्रधान मन्त्री बाबुराम भट्टराईले राजा ज्ञानेन्द्रलाई उछिने। लोकप्रियतामा सो...

- विकास कार्की

फुर्पा तामाङ गत जेठ ११ गते बिहान करिब १०:३० बजेको समयमा मेरी आमा न्हीमा ल्हामु तामाङले ७२ वर्...

- फुर्पा तामाङ

प्रवास

धेरैले पढेको

धेरैले पढेको- यो हप्ता