दलहरुले चाहे मंसिर ७ मै चुनाव : निर्वाचन आयुक्त

E-mail Print
(1 vote, average 1.00 out of 5)
बाग्लुङ, असार ११ (नागरिक)- सरकारले निर्वाचन घोषणा गरेपनि आगामि मंसिर ७ गतेको निर्वाचन हुन नसक्ने प्रतिपक्षी दलहरुले बताई रहँदा कार्यवाहक निर्वाचन आयुक्त नीलकण्ठ उप्रेतीले निर्वाचन गर्न सकिने बताएका छन्।
 
उनले सरकार र प्रमुख दलहरुबीच सहमति भए तोकिएकै समयमा निर्वाचन गर्न आयोग सक्षम रहेको दावी गरे। 'दलहले चाहे मंसिर ७ मै निर्वाचन गर्न सकिन्छ,' आईतवार उप्रेतीले भने,' आयोग आफ्नो तयारीमा जुटेको छ।'

उप्रेतीले केही कानुनी अड्चन हटाउन सरकारलाई पत्र लेखेपनि त्यसको जवाफ नआएको बताए। 'सरकारलाई केही कानुन परिमार्जन नर्ग पत्र पठाएका छौं,' उनले भने, 'जवाफ आएको छैन। तर, आयोगले आफ्नो तयारी गरिरहेको छ।' व्यक्तिगत कामकोलागि गृह जिल्ला पर्वत आएका उप्रेतीले जिल्ला विकास समिति पर्वतमा कर्मचारीहरुलाई तयारीमा अवस्थामा रहन निर्देशन दिए। ' तपाईँहरु मानसिक रुपमा तयार भएर बस्नु होस्,' उनले भने,' चुनावका लागि पहिला सवै दल तयार हुनु आवस्यक छ।'

उप्रेतीले मंसिर ७ मा नभए आगामी चैत्र सम्ममा निर्वाचन सम्पन्न गर्नुपर्ने बताए। लामो समयसम्म स्थानीय निकायमा निर्वाचन हुन नसक्दा विकास निर्माणका कामहरु पूर्ण रुपमा प्रभावित बनेको बताउँदै आयुक्त उप्रेतीले शान्ति स्थापना पछि पनि स्थानीय निकायमा जनप्रतिनीधि चयन हुन नसक्नुले लोकतन्त्रको उपहास भएको टिप्पणी गरे।

प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper
Weekly News of Economy, Political, Sports, Vehicle, Bank, Entertainment, Model, Music and Tourism and Travel news.

ब्लग

विकास कार्की हिजो प्रधान मन्त्री बाबुराम भट्टराईले राजा ज्ञानेन्द्रलाई उछिने। लोकप्रियतामा सो...

- विकास कार्की

फुर्पा तामाङ गत जेठ ११ गते बिहान करिब १०:३० बजेको समयमा मेरी आमा न्हीमा ल्हामु तामाङले ७२ वर्...

- फुर्पा तामाङ

राजनीति

धेरैले पढेको

धेरैले पढेको- यो हप्ता