प्रधानमन्त्रीको सम्बोधन आज

E-mail Print
(0 votes, average 0 out of 5)
काठमाडौं, असोज ७ (नागरिक)– अमेरिकाको न्युयोर्कमा रहेका प्रधानमन्त्री बाबुराम भट्टराईले शनिबार राष्ट्रसंघको ६६ औँ  महासभालाई सम्बोधन गर्दैछन्। उनले शनिबारै राष्ट्रसंघका महासचिव बान कि मुन, भारतीय समकक्षी मनमोहन सिंह र चिनियाँ प्रतिनिधिसँग भेटवार्ता गर्ने राष्ट्रसंघस्थित नेपाली स्थायी नियोगले जनाएको छ।


नियोगका अनुसार बिहीबार पनि भट्टराई उच्चस्तरीय भेटघाटमा व्यस्त रहे। बिहीबारै प्रधानमन्त्री भट्टराई र संयुक्त राष्ट्रसंघका राजनीतिक मामला हेर्ने उपमहासचिव बि लिन पास्कोबीच शान्ति प्रक्रिया, विकासका चुनौती र शान्ति मिसनमा नेपालको सहभागिताबारे छलपल भएको जनाइएको छ। उनले स्लोभेनियाका राष्ट्रपति डानिलो रुर्कसँग पनि भेटवार्ता गरे।
यस्तै, राष्ट्रसंघको महासभामा सहभागी हुन न्युयोर्क पुगेका उपप्रधान तथा परराष्ट्रमन्त्री नारायणकाजी श्रेष्ठले बिहीबार त्यहाँ आयोजित आणविक सुरक्षा र जातीय विभेदसम्बन्धी दुई उच्चस्तरीय बैठकलाई सम्बोधन गरेका थिए।
मन्त्री श्रेष्ठले बिहीबारै क्यानडा र किर्गिस्तानका विदेशमन्त्रीसँग छुट्टाछुट्टै भेट गरेका थिए। क्यानडाका विदेशमन्त्री जोन बेयर्डसँग भेटमा उनले क्यानडाका व्यापारी तथा उद्योगीलाई नेपालमा लगानीका लागि प्रोत्साहित गर्न आग्रह गरेका थिए।
प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper
Weekly News of Economy, Political, Sports, Vehicle, Bank, Entertainment, Model, Music and Tourism and Travel news.

राजनीति

धेरैले पढेको

धेरैले पढेको- यो हप्ता

अभिलेखालय