राष्ट्रसंघमा गलत भाषण पढेपछि विवादमा भारतीय विदेशमन्त्री

E-mail Print
(0 votes, average 0 out of 5)

वासिङ्टन, फागुन १ – भारतीय विदेश मन्त्री एसएम कृष्णाले राष्ट्रसंघीय सुरक्षा परिषदको वैठकमा पोर्चुगलका विदेश मन्त्रीले पढ्नुपर्ने भाषण पढेपछि विवादको घेरामा परेका छन्। शुक्रबार राष्ट्रसंघमा सम्वोधन गर्दा गल्ती गरेको थाहा भएपछि उनीसँगै रहेका भारतीय अधिकारीहरुले त्यसलाई सच्याउन लगाएका थिए।

तर, यतिखेरसम्म कृष्णाले भाषणका केही पेज पढिसकेका थिए। आजमात्रै उनले 'सबैको भाषणको सुरुवात एउटैखाले भएकाले गल्ती हुन पुगेको' स्विकार गरेका छन्।

'यसमा ठूलो गल्ती भएजस्तो लाग्दैन,' उनले भने, 'मेरासामु थुप्रै पेपरहरु थिए र म झुक्किएँ।'

सुरक्षा र विकासको विषयमा भाषण गर्दा उनले गलत पढेका थिए। उनले लगातार तीन मिनेटसम्म गलत भाषण पढिरहे। उनको गल्ती राष्ट्रसंघका भारतीय प्रतिनिधि हरद्वीप सिंह पुरीले थाहा पाएपछि सच्याउन भनेका थिए।

'दुर्भाग्यवस यो सबै हुन पुग्यो,' विदेशमन्त्री कृष्णाले भने। कृष्णाको गल्तीलगत्तै पुरीले उनलाई सच्याउन र सुरुदेखि नै पढ्न भनेका थिए। रमाइलो के रह्यो भने भारतीय विदेशमन्त्रीले पढेको पोर्चुगलको भाषण त्यहाँका विदेशमन्त्रीले यसअगाडि नै पढिसकेका थिए। र कृष्णाले त्यही दोहर्‍याउँदै थिए। - एजेन्सी

प्रतिक्रियाहरू (0)Add Comment
प्रतिक्रिया लेख्नुस्
 
  संकुचित | विस्तृत
 

busy
ACE Travels
WebNagarikNews.com
nagarik-news print edition epaper

विश्व

धेरैले पढेको

धेरैले पढेको- यो हप्ता

अभिलेखालय