Nepal Republic Media Pvt. Ltd.

Regular News of Political, Economy, Entertainment, Literature, Article, Society, Sports, Vehicle, Bank, Model, Music, Tourism and Travel news, Photography news in English.
Thursday
Oct 29th

सातामा निक्षेप ८ अर्ब वढ्यो

E-mail Print
काठमाडौं, चैत ८ (नागरिक) - वाणिज्य बैंकहरुको निक्षेपमा यो साता पनि उल्लेख्य सुधार भएको छ। बैंकहरुको निक्षेप एक सातामा ८ अर्बले बढेर ९ सय १७ अर्ब रुपैयाँ पुगेको छ। दुई महिनादेखि लगानीयोग्य पुँजी (तरलता) अभाव झेल्दै आएका बैंकहरुमा निक्षेप वृद्धिसँगै तरलतामा पनि सुधार आएको छ। गत साता पनि बैंकहरुको निक्षेप १० अर्ब रुपैयाँले बढेको थियो।
 
राष्ट्र बैंकले बुधबार बैंकहरुलाई पठाएको तथ्यांकअनुसार निक्षेपमा भएको वृद्धिसँगै कर्जा लगानी पनि ६ अर्बले बढेको उल्लेख छ। तरलता अभावले कर्जा-निक्षेप अनुपात बढ्न थालेकाले बैंकहरुले कर्जा रोकेका थिए। दुई सातामा १८ अर्बले निक्षेप बढेपछि बैंकहरुले तीन दिनमा ६ अर्ब लगानी गरेका हुन्। बैंकहरुको कुल ऋण लगानी ७ सय ९ अर्ब पुगेको छ।
'आकस्मिक रुपमा निक्षेप वृद्धिले शोधनान्तर बचत बढेको संकेत गर्छ,' राष्ट्र बैंकका एक अधिकारीले भने, 'यस अवधिमा सरकारी खर्चमा पनि सुधार भएको छ।'
तरलतामा सुधार भएपछि बैंकहरुले आपसी सापटी (अन्तर बैंक) कारोबारको ब्याजदर घटेको छ। गत साता ७ प्रतिशतसम्म पुगेको अन्तर बैंकदर बुधबार साढे दुई प्रतिशतमा झरेको छ। बुधबार ३ अर्ब ५३ करोडको अन्तर बैंक कारोबार गरेका छन्। अघिल्लो साता ५ अर्बको कारोबार भएको थियो।
कमर्ज एन्ड ट्रस्ट बैंकको सेयरमा लगानी गरेका सर्वसाधारणको करिब ७ अर्ब रुपैयाँ बैंकहरुमा छरिएको र सरकारी खर्च बढ्न थालेकाले निक्षेप वृद्धि भएको हो। बैंकहरुले संस्थागत निक्षेपकर्तालाई ब्याज बढी दिन थालेकेा प्रभाव पनि निक्षेप वृद्धिमा परेको हो। बैंकहरुले संस्थागत निक्षेपकर्ताको ब्याज साढे ६ प्रतिशतबाट बढाएर ९ प्रतिशतसम्म पुर्यांएका छन्।
तरलता सहज हुन थालेपछि बैंकिङ प्रणालीमा अन्तर बैंक सापटी माग्ने बैंकहरु घट्न थालेका छन्। अहिले प्राय बैंकहरु सापटी दिने अवस्थामा छन्। यसअघि सरकारी स्वामित्वको राष्ट्रिय वाणिज्य बैंक, नेपाल एसबिआई बैंक, एभरेस्ट बैंकले नियमित सापटी दिइरहेका थिए। अभावको मौका छोपेर संस्थागत निक्षेपकर्ताले मोलमोलाई गरेका कारणले पनि ब्याज वृद्धि भएको हो।
प्रतिक्रियाहरू (1)add comment
0
Roshan: ...
Aba taralta badhyo Bank harule byaj ghataune naghataune/Rastra bank sakriya hune nahune thaha paine bhayo.
1

March 21, 2013
भोट: +1

प्रतिक्रिया लेख्नुस्
संकुचित | विस्तृत

busy
ACE Travels
WebNagarikNews.com
nagarik-news print edition epaper
Weekly News of Economy, Political, Sports, Vehicle, Bank, Entertainment, Model, Music and Tourism and Travel news.

ब्लग

उत्तमबाबु श्रेष्ठ उत्तमबाबु श्रेष्ठ, बोस्टन (अमेरिका)-अमेरिकाको ऐतिहासिक सहर बोस्टनमा हरेक वर्ष ...

- उत्तमबाबु श्रेष्ठ

अर्थ

धेरैले पढेको

धेरैले पढेको- यो हप्ता