Friday 9 Falgun, 2076 | February 21, 2020
Menu

अर्थ

प्राइममा भियतनामी बैंक साझेदार

(0 votes)
काठमाडौं— प्राइम कमर्सियल बैंकले संयुक्त लगानी (ज्वाइन्ट भेन्चर) मा भियतनामको वाणिज्य बैंक भिœयाउने भएको छ । प्राइमले पुँजी र लगानी कोषसहित बैंकपे भियतनाम नामको बैंकलाई साझेदार बनाउन लागेको हो।
अन्तिम छलफल गर्न प्राइमका अधिकारी दसैंलगत्तै भियतनाम जाँदैछन् । तिहारपछि संयुक्त लगानीमा नेपाल आउनेबारे सैद्धान्तिक सम्झौता हुनेछ । दसैंलगत्तै हुने अन्तिम छलफलपछि दुवै पक्षले राष्ट्र बैंकमा औपचारिक जानकारी गराउने छन् ।

'भियतनामी बैंकलाई प्राइममा भिœयाउन अन्तिम चरणको छलफल हुन बाँकी छ,' प्राइम बैंकका प्रमुख कार्यकारी अधिकृत नारायणदास मानन्धरले बुधबार नागरिकसँग भने, 'संयुक्त लगानीमा आउँदा बैंकले पुँजीका साथै लगानी कोष पनि लिएर आउने छ ।' उनले पुँजीमात्र वृद्धि गर्नु बैंकको उद्देश्य नभएकाले लगानी कोष र व्यवसाय विस्तारको सर्त राखिएको जानकारी दिए ।

'केही सानातिना कुरा मिल्न बाँकी छ,' उनले भने, 'पुँजी, लगानी कोष र प्राविधिक सहयोगबारे कुरा मिलिसकेको छ ।' उनले भियतनामी बैंकले प्राइमको ५१ प्रतिशत सेयर लिने जानकारी दिए ।

बैंक स्रोतका अनुसार, लगानी कोषको रकम सम्झौतालगत्तै नेपाल आउने छ । पहिलो चरणमा पाँच अर्ब रुपैयाँ आउने पक्का छ । आवश्यकताअनुसार यो रकम बढ्ने स्रोतले जानकारी दियो ।

चुक्ता पुँजी दुई अर्ब ३४ करोड रुपैयाँ रहेको प्राइम कमर्सियल बैंक र बैंकपे भियतनामबीच काठमाडौं र भियतनाममा गरी आधा दर्जनपटक छलफल भइसकेको छ । बैंकपे भियतनाम प्राविधिक समूहसहित नेपालमा लगानी गर्न सहमत भइसकेको छ । प्राइमले १० प्रतिशत बोनस सेयर र पाँच प्रतिशत नगद लाभांस वितरण गर्ने टुंगो गरिसकेकाले चुक्ता पुँजी दुई अर्ब ६५ करोड रुपैयाँ पुग्दैछ । भियतनामी बैंक आएपछि पुँजी करिब पाँच अर्ब रुपैयाँ पुग्ने बैंक स्रोतले जानकारी दियो ।

अहिलेका कतिपय प्रवद्र्धकले नयाँ बैंक आएपछि सेयर स्वामित्व झिक्नुपर्ने हुँदा उनीहरुलाई केही रकम दिनुपने विषयमा छलफल चलिरहेको छ । 'बैंक स्थापना गर्न लगानी गर्ने सेयरधनीलाई राम्रो प्रतिफल नदिई बिदा गर्न मिल्दैन,' बैंक स्रोतले भन्यो, 'प्रवद्र्धकलाई आकर्षक प्रतिफल दिन भियतनामी बैंकका अधिकारीसँग छलफल चलिरहेको छ ।'

प्राइमले पुँजी मात्र लगानी गरेर भिœयाउन नसकिने जनाएपछि बैंकपेले व्यवसाय विस्तारका साथै लगानी कोष ल्याउने सहमति जनाएको हो । बैंकपेले १÷२ प्रतिशत ब्याजमा पहिलो चरणमा पाँच अर्ब रुपैयाँ लगानी कोष नेपाल ल्याउने छ । 'अहिले एक वर्षे निक्षेपमा दीर्घकालीन लगानी गर्नुपर्ने नेपाली बैंकको बाध्यता छ,' बैंक स्रोतले भन्यो, 'बैंकपेले लगानी कोष ल्यायो भने दीर्घकालीन लगानी गरेर व्यवसाय विस्तार गर्न समस्या हुँदैन ।'

भदौ मसान्तसम्म ३० अर्ब रुपैयाँ निक्षेप संकलन गरिसकेको प्राइमले दीर्घकालीन प्रकृतिका जलविद्युत्, पूर्वाधार, व्यावसायिक कृषि र पर्यटन क्षेत्रमा बैंकपेबाट आउने लगानी कोषको रकम प्रयोग गर्नेछ । 'सस्तो ब्याजमा लगानी कोषको रकम प्रयोग गर्न पाइने हुँदा लगानीकर्ताले पनि राम्रो प्रतिफल पाउँछन्,' बैंक स्रोतले भन्यो, 'उत्पादनमुलक क्षेत्रमा लगानी विस्तार गर्न पनि सहयोग पुग्छ ।'

प्राइमले आफ्नै स्रोतबाट अहिलेसम्म २२ अर्ब रुपैयाँ लगानी गरेको छ । बैंकसँग अझै पनि ८ अर्ब रुपैयाँ तत्काल लगानी गर्ने रकम छ । बैंकपेको प्राविधिक टोलीले नेपालको लगानीबारे अध्ययन गरेपछि बैंकले अहिलेको स्रोत प्रयोग गर्न अझ सजिलो हुने छ । 'लगानी विस्तारका लागि बैंकपे संयुक्त लगानीका रुपमा आए नेपालको बैंकिङ तथा लगानी क्षेत्रलाई निकै फाइदा पुग्ने छ,' मानन्धरले भने, 'लगानी कोष र प्राविधिक टोली नै नेपाल आउने भएकाले हामी ५१ प्रतिशत सेयर दिन तयार भएका हौं ।'

मानन्धरले बैंकपेबाहेक पनि नेदरल्यान्ड, अस्टे«लिया र चीनका बैंकहरुसँग संयुक्त लगानीबारे छलफल भएको जानकारी दिए । 'अन्य बैंकसँग छलफल चले पनि अधिकांश विषय बैंकपेसँग मिलेको छ,' उनले भने, 'दसैंपछि सबै विषय टुंगो लागेपछि तिहारलगत्तै सम्झौता हुन्छ ।'
विद्युत प्राधिकरणबाटै ट्रान्सफर्मर चोरी

विद्युत प्राधिकरणबाटै ट्रान्सफर्मर चोरी

काठमाडौं-नेपाल विद्युत प्राधिकरणका कर्मचारीको मिलेमतोमा क्षेत्रीय कार्यालय, वितरण केन्द्र र शाखा कार्यालयबाटै ट्रान्सफर्मर चोरीका घटना बढ्न थालेका छन्। क्षेत्रीय तथा वितरण केन्द्र प्रमुखको गैरजिम्मेवारपन र प्रभावकारी सुरक्षा एवं अनुगमन नहुँदा...

मुरारका भन्छन्, 'म कट्टर मान्छे होइन'

मुरारका भन्छन्, 'म कट्टर मान्छे होइन'

काठमाडौं- नेपाल उद्योग वाणिज्य महासंघको वरिष्ठ उपाध्यक्षमा पशुपति मुरारका निर्वाचित भएका छन्। टेकुस्थित महासंघ सचिवालयमा भएको निर्वाचनमा मुरारकाले ३३ मत पाए पाएका थिए। उनको प्रतिस्पर्धी भवानी राणाले २९ मत प्राप्त...

लगानी वर्ष बन्दै २०७१

लगानी वर्ष बन्दै २०७१

काठमाडौं - अस्थिर राजनीतिले २०७० मा लगानी गर्न हच्किएका उद्योगी व्यवसायी यो वर्ष नयाँ लगानी र व्यवसाय विस्तार गर्ने योजनामा छन्। २०७० मा संविधानसभा निर्वाचनको अन्योललगायत राजनीतिक उतारचढावबीच 'पर्ख र...

पदमार्ग आसपासका होटल धमाधम बन्द

पदमार्ग आसपासका होटल धमाधम बन्द

म्याग्दी-दशकअघिसम्म दैनिक दुई सयको हाराहारीमा पर्यटक आवतजावत गर्ने म्याग्दीका पर्यटकीयस्थल जाने पदमार्ग अचेल सुनसान छन्। पदमार्ग हुँदै धुले सडक विस्तार भएपछि प्रचुर सम्भावना बोकेका पर्यटकीय क्षेत्र तथा पदमार्गको अस्तित्व संकटमा...

आयात प्रतिस्थापन गर्ने उद्योगमा जोड

आयात प्रतिस्थापन गर्ने उद्योगमा जोड

काठमाडौं-संविधानसभा अध्यक्ष सुवासचन्द्र नेम्वाङले खाद्यान्न लगायत धेरै वस्तुमा देश परनिर्भर बन्दै गएकोमा चिन्ता व्यक्त गर्दै आयात प्रतिस्थापन गर्ने खालका उद्योग व्यवसायमा लगानी गर्न निजी क्षेत्रसँग आग्रह गरेका छन्।

महासंघको ४८औं साधारण सभा

निजी क्षेत्रको छाता संगठन नेपाल उद्योग वाणिज्य महासंघ (नेउवामहासंघ) को ४८औं साधारण सभा आज (शुक्रबार) सुरु हुँदैछ। सरकारपछि सबैभन्दा ठूलो सञ्जाल भएको महासंघको यो साधारण सभाले आगामी तीनवर्षे कार्यकालका लागि...

महासंघ चुनावमा पैसाको खोलो

महासंघ चुनावमा पैसाको खोलो

काठमाडौं - देशका उद्योगी व्यवसायीको सबैभन्दा ठूलो संगठन नेपाल उद्योग वाणिज्य महासंघको आगामी नेतृत्व लिन तयार भएका उम्मेदवारले करोडौं खर्च गरेका छन्। महासंघ निर्वाचनको पूर्वसन्ध्यामा दैनिक हुने भोजदेखि भोट नै...

गजुरमुखीमा भारतीय पर्यटक

गजुरमुखीमा भारतीय पर्यटक

गजुरमुखी (इलाम)-‘सन्तानदायिनी, वाक्यदायिनी' भनेर परिचित पश्चिम इलामको धार्मिक पर्यटकीयस्थल गजुरमुखीमा भारतीय पर्यटक भित्रिन थालेका छन्।