Thursday 8 Ashwin, 2077 | September 24, 2020
Menu

अर्थ

नेप्से ५ अंकले घट्यो

(0 votes)
काठमाडौं-बजारकै सबैभन्दा ठूलो कम्पनी नेपाल टेलिकम सूचीकृत अन्यबाहेक कारोबार भएका सबै समूहका परिसूचक घटेकाले नेप्से मंगलबार ओरालो लागेको छ। कारोबार रकम पनि पछिल्लो समयको दैनिक औसत भन्दा कम छ। स्टक एक्सचेन्जका अनुसार मंगलबार नेप्से ५.५८ अंकले घटेर ७८७.९९ मा आइपुगेको छ। सोमबार नेप्से २.३९ अंकले घटेको थियो।
बिमा समूहको परिसूचक सबभन्दा उच्च (३७.४) अंकले घटेको छ। यसलाई क्रमशः होटल, कारोबारमा ठूलो हिस्सा ओगट्ने वाणिज्य बैंक, वित्त, विकास बैंक र जलविद्युत समूहले पछ्याएका छन्। अन्य समूहको परिसूचक बढेको छ। व्यापार र उत्पादनमूलक समूहबाट यस दिन कुनै पनि कम्पनीको कारोबार भएन। स्टक एक्सचेन्जले सूचीकृत कम्पनीलाई नौ समूहमा विभाजन गर्दै आएको छ। 
मंगलबार दुई हजार चार सय ४९ कारोबारमा २६ करोड ४४ लाख ३७ हजार रुपैयाँ बराबरका आठ लाख १२ हजार ६ सय ८८ कित्ता सेयर कारोबार भएका छन्। सोमबार दुई हजार पाँच सय ३७ कारोबारमा ३० करोड ५४ लाख ४७ हजार रुपैयाँ बराबरका सात लाख २३ हजार ९ सय ७५ कित्ता सेयर कारोबार भएका थिए।
संविधानसभाको चुनावअघि दैनिक १२ करोड रुपैयाँको कारोबार हुँदै आएको सेयर बजारमा चुनावपछि ३० करोड रुपैयाँभन्दा बढीको कारोबार हुन थालेको थियो। पुस ४ गते ८१ करोड ८ लाख ५६ हजार रुपैयाँ बराबरका सेयर किनबेच भएका थिए। नियमित कारोबारमै यति ठूलो रकमको सेयर किनबेच भएको यो पहिलो पटक हो। 
मंगलबार कारोबार भएका १२० मध्ये ३३ कम्पनीको सेयर मूल्य बढेको छ। १२ कम्पनीको सेयर मूल्य स्थिर छ भने ७५ को घटेको छ। 
यस दिन सानिमामाई हाइड्रोपावर कम्पनी सबैभन्दा धेरै (२७७) पटक सेयर किनबेच हुने कम्पनी हो। कारोबार रकम (२ करोड २१ लाख ९१ हजार रुपैयाँ) का आधारमा लक्ष्मी बैंक अगाडि छ। किनबेच भएका सेयर संख्या (एक लाख ९९ हजार एक सय २० कित्ता) का आधारमा सिद्धार्थ ग्रोथ फन्डले अग्रता लिएको छ। 
शिन्धु विकास बैंक, नमस्ते वित्तीय संस्था मेट्रो डेभलपमेन्ट बैंक यस दिन सेयर मूल्य बढ्ने कम्पनीको सूचीमा अगाडि छन्। डिप्रोक्स डेभलपमेन्ट बैंक, सिद्धार्थ डेभलपमेन्ट बैंक र एसियन लाइफ इन्स्योरेनसको सेयर मूल्यमा उल्लेख्य गिरावट आएको छ। 
मंगलबारको कारोबारबाट बजार पुँजीकरण ८ खर्ब २ अर्ब रुपैयाँ कायम भएको छ। यो अघिल्लो दिनको तुलनामा तीन अर्ब कम हो। पाँच वर्षअघि नेप्से उचाइमा पुगेका बेला बजार पुँजीकरण ६ खर्ब १२ अर्ब रुपैयाँ पुगेको थियो।
विद्युत प्राधिकरणबाटै ट्रान्सफर्मर चोरी

विद्युत प्राधिकरणबाटै ट्रान्सफर्मर चोरी

काठमाडौं-नेपाल विद्युत प्राधिकरणका कर्मचारीको मिलेमतोमा क्षेत्रीय कार्यालय, वितरण केन्द्र र शाखा कार्यालयबाटै ट्रान्सफर्मर चोरीका घटना बढ्न थालेका छन्। क्षेत्रीय तथा वितरण केन्द्र प्रमुखको गैरजिम्मेवारपन र प्रभावकारी सुरक्षा एवं अनुगमन नहुँदा...

मुरारका भन्छन्, 'म कट्टर मान्छे होइन'

मुरारका भन्छन्, 'म कट्टर मान्छे होइन'

काठमाडौं- नेपाल उद्योग वाणिज्य महासंघको वरिष्ठ उपाध्यक्षमा पशुपति मुरारका निर्वाचित भएका छन्। टेकुस्थित महासंघ सचिवालयमा भएको निर्वाचनमा मुरारकाले ३३ मत पाए पाएका थिए। उनको प्रतिस्पर्धी भवानी राणाले २९ मत प्राप्त...

लगानी वर्ष बन्दै २०७१

लगानी वर्ष बन्दै २०७१

काठमाडौं - अस्थिर राजनीतिले २०७० मा लगानी गर्न हच्किएका उद्योगी व्यवसायी यो वर्ष नयाँ लगानी र व्यवसाय विस्तार गर्ने योजनामा छन्। २०७० मा संविधानसभा निर्वाचनको अन्योललगायत राजनीतिक उतारचढावबीच 'पर्ख र...

पदमार्ग आसपासका होटल धमाधम बन्द

पदमार्ग आसपासका होटल धमाधम बन्द

म्याग्दी-दशकअघिसम्म दैनिक दुई सयको हाराहारीमा पर्यटक आवतजावत गर्ने म्याग्दीका पर्यटकीयस्थल जाने पदमार्ग अचेल सुनसान छन्। पदमार्ग हुँदै धुले सडक विस्तार भएपछि प्रचुर सम्भावना बोकेका पर्यटकीय क्षेत्र तथा पदमार्गको अस्तित्व संकटमा...

आयात प्रतिस्थापन गर्ने उद्योगमा जोड

आयात प्रतिस्थापन गर्ने उद्योगमा जोड

काठमाडौं-संविधानसभा अध्यक्ष सुवासचन्द्र नेम्वाङले खाद्यान्न लगायत धेरै वस्तुमा देश परनिर्भर बन्दै गएकोमा चिन्ता व्यक्त गर्दै आयात प्रतिस्थापन गर्ने खालका उद्योग व्यवसायमा लगानी गर्न निजी क्षेत्रसँग आग्रह गरेका छन्।

महासंघको ४८औं साधारण सभा

निजी क्षेत्रको छाता संगठन नेपाल उद्योग वाणिज्य महासंघ (नेउवामहासंघ) को ४८औं साधारण सभा आज (शुक्रबार) सुरु हुँदैछ। सरकारपछि सबैभन्दा ठूलो सञ्जाल भएको महासंघको यो साधारण सभाले आगामी तीनवर्षे कार्यकालका लागि...

महासंघ चुनावमा पैसाको खोलो

महासंघ चुनावमा पैसाको खोलो

काठमाडौं - देशका उद्योगी व्यवसायीको सबैभन्दा ठूलो संगठन नेपाल उद्योग वाणिज्य महासंघको आगामी नेतृत्व लिन तयार भएका उम्मेदवारले करोडौं खर्च गरेका छन्। महासंघ निर्वाचनको पूर्वसन्ध्यामा दैनिक हुने भोजदेखि भोट नै...

गजुरमुखीमा भारतीय पर्यटक

गजुरमुखीमा भारतीय पर्यटक

गजुरमुखी (इलाम)-‘सन्तानदायिनी, वाक्यदायिनी' भनेर परिचित पश्चिम इलामको धार्मिक पर्यटकीयस्थल गजुरमुखीमा भारतीय पर्यटक भित्रिन थालेका छन्।