28 Mangshir, 2076 | December 14, 2019
Menu

महिला कामदार खाडी पुग्नुमा कर्मचारी दोषी

  • बुधबार ३ बैशाख, २०७१
  • प्रकटकुमार शिशिर
  • DISQUS_COMMENTS
(0 votes)
महिला कामदार खाडी पुग्नुमा कर्मचारी दोषी
काठमाडौं-नेपाली महिला कामदारमाथि अमानवीय व्यवहार बढेका कारण दुई वर्षदेखि खाडीमा महिला रोजगारी प्रतिबन्धित गरिए पनि सरकारी कर्मचारीकै सहयोगमा धेरै महिला त्यता पुगेको व्यवसायीले आरोप लगाएका छन्।


सोमबार लेबनानबाट उद्धार गरेर ल्याइएका ३७ कामदार अमानवीयताको सिकार भएका यस्तै महिला हुन्। प्रतिबन्ध लागेयता मात्रै सरकारी कर्मचारीको मिलेमतोमा विभिन्न गिरोहले करिब ६ हजार युवतीलाई घरेलु कामदारका रुपमा खाडी मुलुक पठाइसकेको वैदशिक रोजगार प्रव्र्द्धन बोर्डले जनाएको छ। यसरी अवैधानिक रुपमा त्यस्ता देश पुगेका महिलाहरूमध्ये करिब ४ सय अलपत्र परेको सूचनासमेत बोर्डमा आएको छ।

वैदेशिक रोजगार व्यवसायी संघका अध्यक्ष हंशराज वाग्ले भन्छन्, 'सरकारी कर्मचारीकै मिलोमतो छ, ठूलै कमिसनको खेल छ।' महिला कामदार खाडी मुलुक पठाउन तालिम दिन लगाउने, भिसा प्रमाणित गर्ने, अन्तिम श्रम स्वीकृति प्रदान गर्ने जिम्मा सरकारी निकायकै भएको बताउँदै उनले सरकारी पहलमै महिला कामदार त्यता पठाउने गरिएको बताए।

'म्यानपावरलाई प्रतिबन्ध लगाउने, अनि आफैँ पहल गरेर कामदार पठाउने?,' वाग्ले भन्छन्, 'महिला कामदार कसमार्फत जान्छन् र कसले पुर्‍याउँछ भन्ने विषय त्यसैले रहस्यको गर्भमा छ।'

वैदेशिक रोजगार प्रवर्द्धन बोर्डका सदस्यसमेत रहेका वाग्लेले बोर्डमा महिलाहरु अलपत्र परेको जानकारी आइरहे पनि कसले पठायो, कसरी त्यहाँ पुगे र तिनको उद्धार गर्ने विषयमा सबै अन्योलमा रहेको बताएका छन्।

म्यानपावरमार्फत खाडी मुलुक जान प्रतिबन्ध लगाइएपछि पनि व्यक्तिगत श्रम स्वीकृतिमा महिलाहरु त्यसतर्फ गइरहेका छन् जसमा सरकारी अधिकारीको साथ नभई सम्भव छैन। कुन देशमा कस्तो कामदार चाहिएको छ भनेर कामदार आफँैले अवसर खोज्न पनि सक्दैनन्।

वाग्लेका अनुसार व्यक्तिगत श्रम स्वीकृतिमा विदेश जान वैदेशिक रोजगार प्रवर्द्धन बोर्डमा सूचीकृत १७ संस्थाबाट तालिम लिएको प्रमाणपत्र चाहिन्छ। यस्ता महिलालाई वैदेशिक रोजगार विभागले अन्तिम श्रम स्वीकृति दिन्छ।

त्यसअघि सम्बन्धित मुलुकको रोजगारदाताबाट माग आउँछ र त्यही देशमा रहेको नेपाली दूतावासले प्रमाणित गर्छ अनि बल्ल कामदार विदेश पुग्छन्। तर यो प्रक्रियामा नदेखिने गरी एजेन्ट प्रयोग भएका कारण महिला कामदार विदेशमा अलपत्र पर्दा कसलाई कारबाही गर्ने भन्ने अन्योल छ, जिम्मेवारी लिनसमेत कुनै निकाय अघि सर्दैन।

घरेलु कामदारका लागि विदेशमा एकजनाको घरमा एकजना कामदार मात्र माग र स्पोन्सर हुने भएकाले महिला पठाउने ठूलै गिरोह सक्रिय रहेको वाग्लेको दाबी छ।

'ठूलै कमिसनका कारण सरकारी पहलमै हाम्रा चेली खाडी पुगेर अलपत्र परिरहेका छन्,' उनी भन्छन्, 'भिसा कसरी आउँछ, लागत कति हो, कसरी जान्छ, अवस्था कस्तो छ, केही थाहा हुँदैन।'

भारत हुँदै अवैधानिक बाटो भएर खाडी छिर्ने रुट अर्काे समस्या बनेको अधिकारीहरु बताउँछन्।

प्रवर्द्धन बोर्डका निमित्त कार्यकारी निर्देशक टीका भण्डारी बोर्डको काम तालिम दिने संस्थालाई अनुमति दिने र नियमन गर्ने मात्र रहेको बताउँछन्। 'हामीले न त कामदार पठाउने हो, न भिसा निकाल्ने,' उनले नागरिकसँग भने, '१७ वटा संस्थाले तालिम दिएका छन् कि छैनन्, त्यसबारे नियमन गर्ने मात्र हो।'

वैदेशिक रोजगार विभागका महानिर्देशक कृष्णहरि पुष्करले खाडीमा महिला अलपत्र परेका घटनाबारे सरकार गम्भीर भएको बताए। 'महिलाहरु प्रतिबन्धित मुलुक पुगेका र अलपत्र परेका घटनाप्रति गम्भीर छौं,' उनले भने, 'हामी यसबारे अनुसन्धान गर्छौं।'

नेपाली महिला कामदार घरेलु कामदारका रुपमा कुवेत, लेबनान, बहराइन, कतार, दुबईलगायत खाडी मुलुक पुग्ने गरेका छन्।
महिला कामदार खाडी पुग्नुमा कर्मचारी दोषी

महिला कामदार खाडी पुग्नुमा कर्मचारी दोषी

काठमाडौं-नेपाली महिला कामदारमाथि अमानवीय व्यवहार बढेका कारण दुई वर्षदेखि खाडीमा महिला रोजगारी प्रतिबन्धित गरिए पनि सरकारी कर्मचारीकै सहयोगमा धेरै महिला त्यता पुगेको व्यवसायीले आरोप लगाएका छन्।

सिन्दुरमा रङ्गियो थिमी (फोटो फिचर)

सिन्दुरमा रङ्गियो थिमी (फोटो फिचर)

मध्यपुर थिमी नगरपालिका क्षेत्रका बासिन्दाले मंगलबार बिहान हर्षोल्लासका साथ सिन्दुरजात्रा अर्थात् सुथः सिया जात्रा मनाएका छन्। एक अर्कालाई रङ लगाउँदै जात्रालु अगाडि बढ्दा थिमी सहर सिन्दुरमा रङगिएको छ।

धार्मिक यात्रामा ज्ञानेन्द्र शाह

धार्मिक यात्रामा ज्ञानेन्द्र शाह

धरान– धार्मिक यात्राको क्रममा पूर्वराजा ज्ञानेन्द्र शाह सोमबार धरान आइपुगेका छन्। सिमराबाट समर्थकहरूका साथ आएका उनलाई स्वागत गर्न उनका शुभचिन्तकहरू फूलमाला लिएर सडक किनारमा उभिएका थिए।

बागमती स्नान कार्यक्रम,यसरी नुहाउँदैछन् मुख्य सचिव

बागमती स्नान कार्यक्रम,यसरी नुहाउँदैछन् मुख्य सचिव

काठमाडौ-प्रदूषणले मृत भइसकेको बागमती नदी ब्युँताउने प्रयासमा लागेका मुख्य सचिव लीलामणि पौडेलसहितका उच्च अधिकारी सोमबार बिहान गुह्येश्वरी घाटमा नुहाउँदै छन्। त्यही बेला प्रधानमन्त्री सुशील कोइराला बागमती सफाइ अभियानमा समर्थन जनाउँदै...

डढेलोका कारण बास छाड्दै जनावर

डढेलोका कारण बास छाड्दै जनावर

रौतहट – गर्मीको सुरुवातसँगै डढेलोको प्रकोप देखिन थालेको छ। पश्चिमा तातो हावासँगै फैलँदो डढेलोले जंगली बोटविरुवा मात्र नभई जनावरहरुसमेत प्रभावित भएका छन्। जंगली जनावरहरु डढेलोबाट जोगिन वस्ती आसपास भट्किन थालेका...

अन्तर्राष्ट्रिय अवार्ड जित्‍ने केशाको जीवनकथा

अन्तर्राष्ट्रिय अवार्ड जित्‍ने केशाको जीवनकथा

काठमाडौं- केशा परियार (केशाकुमारी दमिनी) को संघर्षको कथा सुन्दा यस्तो लाग्छ, मानौं उनी मुक्तिनाथदेखि कालीगण्डकीमा बग्दै आएको एउटा ढुंगा हुन्, जो कालीगंगा फलेवासमुनि आइपुग्दा शालिग्राम बनेर निस्किइन्।

लागुऔषध प्रयोगकर्ता दोब्बर

लागुऔषध प्रयोगकर्ता दोब्बर

काठमाडौं-नेपालमा ६ वर्षभित्र कडा प्रकृतिको लागुऔषध प्रयोगकर्ता ९८ प्रतिशतले बढेको खुलेको छ। केन्द्रीय तथ्यांक विभागले गरेको अध्ययनमा यस्तो तथ्य देखिएको हो। केन्द्रीय तथ्यांक विभागको अध्ययनअनुसार नेपालमा ९१ हजार ५ सय ३४...

भारतीयको रेकर्ड तोड्दै गिनिजमा सफल भए कृष्ण

भारतीयको रेकर्ड तोड्दै गिनिजमा सफल भए कृष्ण

काठमाडौं – कुनै पनि शब्दलाई उल्टोबाट तीब्र गतिमा उच्चारण गर्दै नेपाली युवा कृष्ण पाण्डेले गिनिज वर्ल्ड रेकर्ड कायम गरेका छन्। देवदह ५, रुपन्देहीका पाण्डेले एक मिनेटमा ३६ शब्दलाई उल्टोबाट उच्चारण...