Monday 24 Chaitra, 2076 | April 05, 2020
Menu

शुक्रबार

शपथ मिठो कि खिचडी?

  • शुक्रबार ३ माघ, २०७०
  • मिलन तिमिल्सिना
  • DISQUS_COMMENTS
(0 votes)
बूढापाकाले माघमा खिचडी खानुपर्छ भन्छन्। जाडो याममा खिचडी खाए शरीर फुर्तिलो हुन्छ। तर, खिचडी खानुपर्ने याममा वर्षौंदेखिका भोकाहरू शपथ खाँदै छन्। कोही दोहोर्याखएर, तेहेर्या।एर, थपी–थपी खाँदै छन्। धेरैले चाहिँ कस्तो न स्वाद हुन्छ भन्दै पहिलो पटक चाख्दै छन्।

शपथ चाखेपछि अरू खाने बाटो खुल्दै जान्छन् भन्ने सबैलाई थाहा छ। न्वारनदेखिको बल लगाएर चुनाव जितेको र हातपाउ मोलेर समानुपातिकमा परेको खानलाई त होइन। काम गर्नलाई हो। तर, कामै नगरी बसी–बसी खान र अझै लम्केर परसम्म हात पुर्यााउन पाइन्छ भने बेकारमा किन काममा जोतिने? कामको मेलोमा नबसेर तालिका परपर सार्दै जाने र शपथलगत्तै अरू पाएसम्म मज्जाले हसुरिरहने। पहिलेदेखि लागेको बानी यही हो।
ऊ बेला राष्ट्रपति कार्यालयअघिल्तिरको सडकको नाम झण्डै शपथपथ भैसकेको थियो। रामशाहपथ, धर्मपथ, शुक्रपथ भनेजस्तै। त्यहाँ शपथ खान जानेलाई 'छैन, सकियो, अस्ति दिएकैले पुर्यामऊ' भनेर राष्ट्रपतिले कहिल्यै भनेनन्। जो खान जान्छ, उसलाई खुरुखुरु खुवाए। खानेले मुख आँ गरेर थाप्दा नाइँनास्ती नगरी अँ भन्दै खुवाउँदै गरेको तपाईंहामीले देखेजानेकै हो। न कहिल्यै सकिने, न ढुसी पर्ने, न बिग्रने, न कुहिने, न खाद्यले निरीक्षण र जाँच गर्नुपर्ने सधैँ उस्तै शपथ। खानेले खाएका खायै, खुवाउनेले खुवाएका खुवायै। मानौँ, राष्ट्रपति कार्यालयको भण्डारमा शपथको रास छ। जसलाई जुन बेला मन लाग्यो, खानका लागि त्यहाँ गए हुन्छ। माया गर्ने हजुरआमाले झैँ राष्ट्रपतिले थालका थाल शपथ दिएर पठाउँछन्। माघको पहिलो शपथपछि फेरि यो क्रम दोहोरिने निश्चित छ।
जो कोहीले खान नपाउने निकै महँगो शपथ एक पटक खाएपछि वर्षदिन या अझै बढी समयलाई पुगोस् न। अँहँ पुग्दैन। कहिलेकाहीँ त एक पटक शपथ खाएर निस्केको मान्छे फेरि १०/१२ दिनपछि नै हात थाप्दै राष्ट्रपतिसामु उभिन्छ। 
अरूले सितिमिति खान नपाउने शपथ त तागतिलो पनि हुन्न। शपथ खाएर निस्कनेबित्तिकै उसको कुर्सी हल्लिन थाल्छ। भर नभाको कुर्सीमा रन्थनिँदै ऊ केही दिन यता र उता भौँतारिन्छ। एक दुई दर्जन कार्यक्रममा रिबन काट्न, बत्ती बाल्न र झन्डा भाको गाडीमा उपरखुट्टी लगाएर केही किलोमिटर गुड्न नपाउँदै उसले आफू खँगारिएको पत्तो नै पाउँदैन। फोहोर र बासी खानेकुरा खाएर झाडापखालाले सताएको मान्छेभन्दा पनि लखतरान परेको देखिन्छ शपथ खाएको मान्छे।
यस्तै खालको शपथ चाख्न यति बेला धेरै आँ गरेर बसेका छन्। खिचडी खान छोडेर शपथ चाख्ने हतारो छ। हुन त हामीले खाने खिचडी र उनीहरूले बनाउने खिचडीमा पनि फरक छ। हाम्रो खिचडी तागतिलो। उनीहरूको खिचडी शपथजस्तै सत्तोसराप बढाउने खालको। संविधानसभामा खिचडी, सरकारमा खिचडी। सबै थोक र सबै थरी मिसिएको। 
खिचडी पनि सधैँ मिठो हुँदैन। वर्षमा एक पटक खाने खिचडी पो तागतिलो हुन्छ। त्यसैले तपाईंहामी माघमा मात्रै खिचडी खान्छौँ। अरू बेला खोज्दैनौँ। तर, शपथ खानेहरूले खिचडी पनि सधैँ पकाउन खोज्छन्। मुख मिठ्याउँदै चाख्न दौडन्छन्। शपथ खाएर संविधानसभामा खिचडी बसाल्छन्। अनि, अर्को शपथ खोज्न सिंहदरबारमा ढुकेर बस्छन्।
एकातिरको एक पटक खाएको शपथमा चित्त बुझाए पो ठीक हुन्थ्यो। तर, लोभी मनले मान्दैन। पाएसम्म सबैतिरको हसुर्न खोजेपछि बिसञ्चो त हुने नै भयो। हेरिराख्नुस्, अहिलेको शपथ र खिचडीले राजनीतिलाई फेरि कति रोगी बनाउनेछ।

'दर्शकको दयाले फिल्म चल्दैन'

नेपाली फिल्मको इतिहासमा 'लुट' महत्वपूर्ण दस्तावेज हो। यस फिल्मका निर्देशक निश्चल बस्नेतको पाँच वर्षअघिसम्म फिल्म क्षेत्रसँग कुनै सरोकार थिएन। मनोरञ्जनका लागि विश्वभरिका फिल्म हेर्थे। बरु उनी फुटबलर, गायक बन्न चाहन्थे।...

'मेरा पात्र पो सेलिब्रिटी भए'

'मेरा पात्र पो सेलिब्रिटी भए'

बालकलाकार, तेस्रो लिंगी, कोरियन फर्सी, तक्मे बुढा हुँदै विल्सनविक्रम राई फिल्म 'प्रोड्युसर'मार्फत 'पप्पु प्रोडक्सन'का रूपमा देखिँदै छन्। जुनसुकै पात्रमा आफूलाई दुरुस्त उतार्ने विल्सनभन्दा उनका पात्र सेलिब्रिटी छन्। धनबहादुर खड्कासँग उनले...

स्वर्ग खोज्दै नर्क पुग्नेहरू

स्वर्ग खोज्दै नर्क पुग्नेहरू

धरान- धरानकी मञ्जिला लिम्बू रमाइलो गर्न भनेपछि ज्यानै फाल्न तयार हुन्थिन्। बाबु हङकङ लाहुरे भएकाले उनलाई पैसाको समस्या थिएन। उनको संगत आफूभन्दा जेठा दाइदिदीसँग थियो। उनीहरूले बुङ्बुङ्ती चुरोटको धुवाँ उडाएको देखेपछि...

'फिल्म फ्लप, देश लथालिंग'

'फिल्म फ्लप, देश लथालिंग'

रेडियो जक्कीका रूपमा केही समय बिताएका राजवल्लभ कोइराला फिल्म 'पर्खी बस'बाट अभिनेताका रूपमा उदाएका हुन्। पहिलो फिल्म नै सुपरहिट भएपछि उनलाई फिल्म खेल्ने अफरको ओइरो लाग्यो। पढेलेखेका र राम्रो अभिनय...

जुम्बामा गृहिणी

जुम्बामा गृहिणी

आजभोलि धेरै महिलाका लागि फिटनेसको विकल्प बनेको छ, जुम्बा डान्स। वजन घटाउन महिलाहरू रिमिक्स गीतमा कम्मर मर्काउँदै गरेका भेटिन्छन्। कलाकार, नृत्यांगनाहरूसम्म सीमित नाच अब आम महिलाको रुचिको विषय बन्न थालेको...

घोषणापत्रः गफै त हो नि सम्धीजी!

दोस्रो संविधानसभा निर्वाचनमा व्यस्त मुख्य राजनीतिक दलले घोषणापत्र सार्वजनिक गर्ने कर्मकाण्ड पूरा गरेका छन्। निर्वाचनका लागि एक महिनाभन्दा पनि कम समय बाँकी रहँदामात्र उनीहरूले घोषणापत्र बाहिर ल्याउन सके। निर्वाचनको 'असारे...

दाइजोका लोभीहरू 'जोइल' जान्छन्!

भाषा मानवको सम्पत्ति र परिचय भएकाले यसमा मानवीय परम्परा अन्तर्निहित हुन्छ। भारततिर विवाहिता महिलाहरू पनि 'ससुराल' जान्छन्। किनभने भारतमा पुरुषहरूले महिलालाई सम्पत्तिमा अधिकार दिएका रहेनछन्। यो कुरा 'ससुराल' शब्दबाट सहजतापूर्वक...

सुन्दर आँखाका लागि

सुन्दर आँखाका लागि

महिलाको व्यक्तित्व झल्काउन पहिरनसँगै मेकअपले पनि महत्वपूर्ण भूमिका खेलेको हुन्छ। मेकअप गर्दा सचेत हुनुपर्छ। त्यसमा पनि आँखाको मेकअप गर्दा त निकै ध्यान पुर्या उनुपर्छ। सुन्दर आँखाले सबैको ध्यान आफूतिर तान्छ।...