Sunday 14 Mangshir, 2077 | November 29, 2020
Menu

नागरिक शनिबार

पहिलो र अन्तिम प्रेमीलाई

  • २९ चैत्र, २०७०
  • स्वप्निल स्मृति
  • DISQUS_COMMENTS
(0 votes)
तिम्रो र मेरोजस्तै
उहिले उहिले
माई र तमोरको मायापिरती थ्यो' रे।


चञ्चले तमोर 
छाँगाबाट हाम्फाल्दा–हाम्फाल्दा
चट्टानमा खोपेछ एक मानिस गहिरो दह 
सुटुक्क आफ्नो अनुहार हेर्दा
बूढो हिमाललाई देखेछ
भागेछ लाजले ओरालैओरालो।

औलमा आइपुगेर पालाम गाउँदै लागेको तेर्सैतेर्सो 
चाल पाएछन् पहाडका तरुनीहरूले
धान नाच्नलाई तान्न थालेछन् 
तमोरको पालो तरुनी जम्मै सोहोरेर मधेस हिँडेछ।

चुरेघाँटीमा आइपुग्दा
बिहे गरूँ गरूँ भएछ
विरक्तिएर पहरालाई लात्ताले हान्दै सोच्दो रहेछ–
कहिले छुट्दै भंगालो कहिले घुम्दै दस फन्का 
आफैंले खेला'का तरुनीसँग त के गर्नु हौ बिहे?!

लेकबाट हस्याँङ र फस्याँङ आइपुगेछ कुटुनी बतास 
सुनाएछ चारखोलका दुई मस्त तरुनी 
वल्लो गैरो पल्लो गैरो तन्देरी खोज्दै हिँडेको' 
तमोर खुशीले यस्तरी उफ्रिएछ–
झन्नैले चुरेको उचाइ उछिनेछ। 

पक्कन्दी खेल्दै डाँडैडाँडा
तमोरको चाह लिएर इलाम पुगेछ बतास
छ महिना त आँखै देखेनछ
छ महिनापछि पो मालिंगो घारी/अम्लिसो घारीमा 
जोगमाई र देउमाईलाई फेला पारेछ।

सोधेछ हैरान बतासलेे 'राजी कि विराजी?'
पहाडकी छोरी देउमाई र जोगमाई खोजेछन् जोरी
'राजी भने राजी!' 

ल है! 
दुई बहिनी नभए नि एक बहिनी त ल्याउने–ल्याउने
सुर गरेछ तमोरले र 
छेलो हान्दै त्रिवेणी वरिपरि अलमलिई बसेछ !

एक बर्खा–
तमोरलाई भेट्न देउमाई र माई 
नीलो केशराशी घिसार्दै लागेछन् चुलीको फेदैफेद 
खपिनसक्नु डाह भएछ रतुवालाई 
ढाँटेछ– 'तमोरको बिहे भइसक्यो।' 

'हो त हो!'

माईको पालो पानीको मन न हो 
रिसले पसेछ दक्खिनैदक्खिन' ओरालैओरोलो।

तमोरलाई पनि शत्रुको आँखा लागेछ

माई त अन्तै फात्चा गई– सर्दु खोलालाई ईर्ष्या लागेछ 
शिर ढलिहाल्यो तमोरको र
अरुनमा हेलिँदैहेलिँदै कोशीमा बङ्गै हाम्फालेछ।

पछिपछि'
मुग्लानमा
तल' तल'
तमोर र माईको हंशमात्र भेट भएछ।

तिम्रो र मेरोजस्तै
दुरुस्तै
ठूली! 
उहिले उहिले 
माई र तमोरको माया पिरती थ्यो' रे।
०००
पक्कन्दी– बिहे, मेलाहाट या अन्य खुसीयालीका अवसरमा खुसीले डाँडा या भञ्ज्याङमा गाउँ थर्किने गरी, सुसूचित हुने गरी कराउने या उफ्रिने सञ्चार परम्परा।
पालाम–लिम्बूहरूले धान नाच्दा गाउने गीत।
फात्चा–पोइला
मर्स्याङ्दीझैं तीन घण्टा

मर्स्याङ्दीझैं तीन घण्टा

सहकर्मी सन्तोष न्यौपाने र म अघिल्लो शुक्रबार कपुरधारा पुग्दा अपराह्नको साढे चार बजेको थियो। स्थानीय तरकारी पसलमा कमिज सुरुवाल र ढाकाटोपी लगाएका एक प्रौढ भेटिए। हामीले सोध्यौं, 'माधवप्रसाद घिमिरेको घर...

आत्मघाती गोल

आत्मघाती गोल

जाडो दिन ढल्दै थियो। हाम्रा टिम क्याप्टेन चौधरीले हामीलाई 'हट लेमन विथ हनी' खुवाइरहेका थिए। राष्ट्रिय गौरवको हाम्रो टिम एउटा अनाम भट्टी स्टाइलको क्याफेमा भेला भएको थियो। तीन महिनादेखि तलब...

महानायकको एक्लो दसैं

महानायकको एक्लो दसैं

अभिनेता राजेश हमाल दसैं आएको र गएको चालै पाउँदैनन्। उनको घरमा 'दसैं कोठा' छ। तर, त्यहाँ जमरा नउमि्रएको एक दशकजति भयो। दुर्गा कवच र चण्डीपाठ गर्न पण्डितहरू आउन छाडे। न...

मोलामोल मालपोत

मोलामोल मालपोत

हातमा सादा नेपाली कागज र लालपुर्जा, काखीमा केही फाइल च्यापेर सेवाग्राही यताउता घुमिरहेका छन्। काम छिटो सकाउन सबैलाई हतार छ। 'सर मेरो यो हेरिदिनुस् न, यसमा सही गर्दिनुपर्योा, यी मेरो...

वागमती लहरले उठेर बर्सिदेऊ...

वागमती लहरले उठेर बर्सिदेऊ...

पानी.....पानी.....पानीवागमती लहरले उठेर बर्सिदेऊ.....पानी.....पानी.....पानी

पूजा गर्न मात्र होइनन् नयराजका कृति

पण्डित नयराज पन्तको १०१ औं जन्म जयन्तीको स्मृतिसभा गत शनिबार नक्सालको 'क्राउन प्लाजा' भन्ने होटलको सभाकक्षामा सम्पन्न भयो। त्यस समारोहको सभापतित्व गर्न न्यायाधीश शेषराज सिवाकोटीले मलाई आग्रह गर्नुभएको थियो।

नाति–नातिना स्याहार्न विदेश

भर्खर जन्मेको बच्चालाई चाहिने सामान काठमाडौंबाटै पोको पारेर यशोदा शर्मा (बाबा) अस्ट्रेलिया पुगिन्। उनका पोकोभित्र थिए– तोरीको तेल, लिटो, ढाकाको भोटोलगायत नातिनीका लागि चाहिने अन्य सामग्री। अस्ट्रेलियामा बच्चाका लागि चाहिने...

'युग' धानेका दम्पती

गौरीघाटस्थित घरमा ९४ वर्षीय गोविन्दकुमार रिमाल भुइँखाटमा बसिरहेका छन्। दोलाइँमा गुटमुटिएर बसेका। दसैंको फूलपातीका दिन बाथरुममा लडेर उनको दाहिने हात भाँचिएको छ। बाथरुममा उनी कसरी लडे? उनैलाई पत्तो छैन। घटनाबारे...