Friday 23 Jestha, 2077 | June 05, 2020
Menu

प्रविधि

पोखरामा टेलिकमको ‘हटस्पट इन्टरनेट'

(0 votes)
पोखरामा टेलिकमको ‘हटस्पट इन्टरनेट'
पोखरा– नेपाल टेलिकमले पोखरामा ‘वाइफाई हटस्पट इन्टरनेट' सेवा सुरु गरेको छ। रानीपौवास्थित टेलिकम कार्यालय आसपासका बासिन्दालाई लक्षित गरी आइतबार राति यो सुरु गरेको हो।
अब त्यस क्षेत्रका बासिन्दाले तार वा डिभाइसबिना इन्टरनेट चलाउने सक्छन्।
परीक्षणका रुपमा एक महिनासम्म निःशुल्क दिइने यो सेवा पोखराका अन्य क्षेत्रमा पनि विस्तार गरिने टेलिकमले जनाएको छ। टेलिमकले सोमबार दिउँसो पोखरा विमानस्थल र महेन्द्रपुलमा पनि यसलाई विस्तार गरिसकेको छ। टेलिकम पोखराका प्रमुख प्रकाशमान प्रधानका अनुसार अहिलेका लागि वाइम्याक्स प्रविधिबाट सेवा दिन थालिएको छ। 
‘यो सेवा उपलब्ध भएको ठाउँका बासिन्दाले कम्प्युटर वा मोबाइलमा निःशुल्क वाइफाई चलाउन सक्ने छन्,' उनले भने, ‘यसलाई पोखरा र आसपासका अन्य क्षेत्रमा पनि विस्तार गरिनेछ।' टेलिकमले काठमाडौंका विभिन्न ठाउँलाई हटस्पट बनाएर यसअघि नै सेवा दिन थालेको छ। पोखरा दोस्रो हटस्पट सहर बनेको छ। 
गण्डकी र धवलागिरीका विभिन्न जिल्लामा यो सेवा बिस्तार गरिने उनले बताए। ‘मान्छेको बढी भीड हुने क्षेत्र, विमानस्थल, अस्पताल, कलेज, सपिङ मललाई आधार बनाएर यो सेवा विस्तार गर्ने हो,' उनले भने। केही समयपपछि सेवा शुल्क लाग्ने तर तोक्न बाँकी रहेको उनले बताए। 
टेलिकम पोखराका आइटी प्रमुख नरकाजी गुरुङका अनुसार उसले यो वर्ष देशभरका ५ सय स्थानमा इन्टरनेटको हटस्पट राख्ने तयारी गरेको छ। 
बागलुङमा प्रविधि थप
टेलिकमले बागलुङको उत्तरी गाउँ ताराखोलामा जिएसएम प्रविधिको मोबाइल सेवा विस्तार गरेको छ। लामो समयसम्म मोबाइल सेवा विस्तार नहुँदा सञ्चारको पहुँचभन्दा टाढा रहेको उक्त क्षेत्रमा नयाँ बिटिएस टावर खडा गरेर सेवा विस्तार गरेको हो। 
टेलिकम बागलुङका प्रमुख तिलक शर्माका अनुसार सदरमुकारबाट करिब ६० किलोमिटर टाढा पर्ने ताराखोलामा यसअघि सिडिएमए प्रविधिको मोबाइलले आक्कलझुक्कल काम गर्दै आए पनि त्यो सेवा भरपर्दो थिएन। करिब ३ हजार ग्राहक क्षमताको नयाँ टावर जडान गरिएको उनले बताए।
‘यसअघि ताराखोलामा सिडिएम सेवा त्यति प्रभावकारी थिएन। त्यसैले जिएसएम प्रविधिको टावर नै राखेर सेवा विस्तार गरेका हौं,' उनले भने, ‘अब त्यहाँका बासिन्दालाई सञ्चार सम्पर्कमा सहजता ल्याउँछ। ताराखोला सञ्चार सुविधाबाट निकै नै टाढा थियो। अब सहज भयो।' टेलिकमले यसबाहेक बागलुङकै हटिया, हरिचौर र थाना क्षेत्रमा थि्रजी सेवा बिस्तार गरेको छ। 
टेलिकम बागलुङका इन्जिनियर घनश्याम पाठकका अनुसार बुर्तिबाङ क्षेत्रमा ल्यान्डलाइन सेवा विस्तार पनि सुरु गरिएको छ। ल्यान्डलाइनका लागि आवश्यक उपकरण जडान गरेर परीक्षण गरिसकिएको पाठकले जानकारी दिए। पाठकका अनुसार बुर्तिबाङमा ३ सय ५० लाइन क्षमताको उपकरण राखिएको छ। ‘केही दिनभित्र बुर्तिबाङमा ल्यान्डलाइन सेवा विस्तार हुन्छ,' उनले भने।
वर्षका नयाँ ग्याजेट

वर्षका नयाँ ग्याजेट

काठमाडौं– ग्याजेटप्रेमीका लागि २०७० सालको अन्त्यतिर आएकोे 'सामसङ ग्यालेक्सी एस फाइभ' पछिल्लो उपहार हो। ७६ हजार रुपैयाँ पर्ने ग्यालेक्सी एस फाइभको चर्चासँगै २०७१ सालमा केही नयाँ ग्याजेट आउँदै छन् जुन...

ग्यालेक्सी एस–फाइभ बजारमा

ग्यालेक्सी एस–फाइभ बजारमा

काठमाडौं– सामसङको नयाँ स्मार्टफोन ‘ग्यालेक्सी एस–फाइभ' नेपाली बजारमा भित्रिएको छ। सामसङको आधिकारिक बिक्रेता इन्टरनेसनल मार्केटिङ सर्भिसेज (आइएमएस) ले शुक्रबारबाट यो स्मार्टफोनको बिक्री सुरु गरेको हो।

विन्डोज एक्सपी बन्द

विन्डोज एक्सपी बन्द

तपाइँको कम्प्युटरमा विन्डोज एक्सपी छ? छिटो अपग्रेट गर्नुहोस्। आजदेखि माइक्रोसफ्टका नि:शुल्क सेक्युरिटी इसेन्सियल एक्सपीमा डाउनलोड हुने छैन। सिस्टम सेन्टर, विन्डोज इनट्युन, माइक्रोसफ्ट डेप्लोइमेन्ट टुलकिट पनि एक्सपीमा सपोर्ट गर्ने छैन। विश्वभरि...

मोजिला सिइओले पद त्यागे

मोजिला सिइओले पद त्यागे

समलिङ्गी विवाहका पक्षधरको चर्को आलोचनाका कारण मोजिला फायरफक्सका प्रमुख कार्यकारी (सिइओ) ब्रेण्डन एइचले पदबाट राजिनामा दिएका छन्। समलिङ्गी विवाह विरोधी उनी एक महिना अघि वेब ब्राउजर फायरफक्सको सिइओ नियुक्त भएका...

स्मार्टफोन 'आँखाको दुश्मन'

स्मार्टफोन 'आँखाको दुश्मन'

लन्डन– चस्मा निर्माणमा संलग्न विज्ञहरू(अप्टिसियन्स)ले स्मार्टफोनको अत्यधिक प्रयोगले मानिस अन्धोसमेत हुन सक्ने चेतावनी दिएका छन्। उनीहरूले स्मार्टफोन प्रयोग गर्ने दुई हजार मानिसमा गरेको अध्ययनपछि यो चेतावनी सार्वजनिक गरेका हुन्।

एन्ड्रोइड हातेघडी

एन्ड्रोइड हातेघडी

गुगलले यसै साता स्मार्ट हातेघडी सार्वजनिक गरेको छ। सर्च इन्जिनमा एकलौटी बजार ओगटेको गुगलले हार्डवेयरमा पनि आफ्नो उपस्थिति बलियो बनाउन यो ग्याजेटलाई महत्वका साथ हेरेको छ। गुगलले हातेघडी सार्वजनिक गर्नुको...

एलजीको नयाँ स्मार्ट फोन आयो

एलजीको नयाँ स्मार्ट फोन आयो

काठमाडौं- एलजी ब्रान्डको नयाँ स्मार्ट फोन 'एलजी जिटू' बजारमा आएको छ। चौधरी ग्रुप अन्तर्गत सिजी इम्पलेक्स प्रालिले मंगलबार एलजीको जी सेरिजको पहिलो स्मार्ट फोन बजारमा ल्याएको हो।

फेसबुकको १० वर्षे यात्रा

फेसबुकको १० वर्षे यात्रा

सामाजिक सञ्जालबाट सञ्चारको परम्परागत परिभाषालाई चुनौती दिन सफल फेसबुक यसै सातादेखि १० वर्षको हुँदै छ। एकतर्फी सञ्चार प्रणालीमा रहेका आमसञ्चारका माध्यमलाई पछाडि छोड्दै यो सामाजिक सञ्जालले नयाँ मोडल नै तयार...