Friday 1 Kartik, 2076 | October 18, 2019
Menu

प्रविधि

गाउँको धुले सडकमा सोलार बत्ती

(0 votes)
गाउँको धुले सडकमा सोलार बत्ती
भरतपोखरी (कास्की)-बिजुली आएको होस या नहोस पोखरा सहरका सडकमा उज्यालो हुँदैन। सडकको दायाँबायाँ बिजुली पोल र तार त छन् तर, सहरका मुख्य चोक र गल्लीहरुमा सडक बत्ती राखिएको छैन।
पोखरासँगै जोडिएको भरतपोखरी गाउँको कुरा भने बेग्लै छ। यहाँ सरकारले उपलब्ध गराउने बिजुलीको सेवा चलोस या नचलोस गाउँको बाटोमा रातभर उज्यालो चम्किरहन्छ। 
पोखराबाट दक्षिणको गाविस भरतपोखरीको ५ वटा वडाका सडक बत्तीले रातभर उज्यालो हुन्छन्। भरतपोखरी—५, ६, ७, ८ र ९ नम्बर वडाका बासिन्दा दिउँसो घामबाट चार्ज हुने र राति बल्ने सोलारबत्तीबाट लाभान्वित हुन थालेको केही महिना भइसक्यो। सडक ग्राभेलमात्रै गरिएको छ। सरर गाडी गुड्ने पिच छैन। गाडी गुड्दा धुलो पनि सँगै उड्छ। तर, यही सडकको सुन्दर पक्ष छ—राति पनि यो उज्यालै भइरहन्छ। 
‘अचेल राति पनि बाटोमा टर्च नलिई हिँड्न पाइएको छ,’ स्थानीय केशव लम्सालले भने, ‘उज्यालो भएपछि लुटपाट वा चोरी होला भन्ने डर नहुँदो रै’छ।’ गाउँका बाटोमा मात्रै होइन स्थानीय स्वास्थ्य चौकी र सामुदायिक भवनमा पनि दिनभरि घामको उज्यालो सोसेर राख्ने अनि राति बल्ने सौर्यऊर्जाकै बत्ती छ। 
कास्कीका स्थानीय विकास अधिकारी (एलडिओ) ईश्वरराज पौडेललका अनुसार कोरियाली सहयोगमा भरतपोखरी गाउँका बाटोघाटोमा सौर्यऊर्जाबाट बल्ने बत्ती जडान गरिएको हो। उनले गाउँमा ३५ वटा त्यस्ता बत्ती जडान भएको जानकारी दिए। कोरियाको होटल हाइवान होपले सामाजिक उत्तरदायित्वअन्तर्गत नेपालको गाउँको सेवा गर्ने इच्छा देखाएपछि कास्की जिविसले भरतपोखरी छानेको हो। 
घाम अस्ताएपछि आफैं बल्ने र उदाउँदा निभ्ने स्वचालित सोलार सडकबत्ती एउटा एकाईका लागि १ लाख रुपैयाँका दरले खर्च भएको जानकारी पनि एलडिओ पौडेलले दिए। ‘वर्षौ टिक्नेखालको ब्याट्री राखिएको छ,’ उनले भने, ‘धेरै वर्षसम्म गाउँलेले कुनै चिन्ता लिनुपर्दैन।’ कोरियाली संस्था हाइवान होपले भरतपोखरीका विभिन्न विद्यालयमा पढ्ने सानाकेटाकेटीलाई समेत सोलार बत्ती वितरण गरेको छ। १ देखि ३ कक्षा भित्रका १८२ विद्यार्थीलाई सोलार लाइट वितरण गरिएको हो। घरमा बिजुली नआएका बेला पनि उनीहरुले पढ्न पाउन् भनेर बत्ती बाँडेको हाइवान होपका नेपाल प्रतिनिधि सुङहुन कीले जानकारी दिए। 
उक्त संस्थाकै सहयोगबाट भरतपोखरीको ७ र ८ नम्बर वडामा खानेपानी सेवा पुर्‍याइएको छ। ३ सय परिवारलाई पुग्ने गरी सवा २ करोड रुपैयाँ लगानी गरी होपले खानेपानी उपलब्ध गराएको हो। डाँडाको फेदीबाट मोटरले तीनपटक तानेर टाकुराको बस्तीमा पानी पुर्‍याइएको छ। टाकुराको ट्यांकीसम्म आइपुगेको पानी जिविसमार्फत वितरण हुने जानकारी एलडिओ पौडेलले दिएका छन्। ‘उनीहरुले भरतपोखरीलाई नमुना बनाउन चाहेका छन्,’ पौडेलले भने, ‘केही पैसा उनीहरुले लगाएका छन् र केही जिविसले पनि हालेको छ।’ 
कोरियाली सहयोगमा पानी आएपछि १ घन्टाको ओरालो उकालो गरी पानी बोक्नुपर्ने बाध्यता अन्त्य भएको स्थानीय गृहिणी ज्ञानुश्री गुरुङले बताइन्। ‘एक गाग्री पानी लिन जाँदा एक बिहान जान्थ्यो,’ उनले भनिन्, ‘अब त करेसाबारीमा तरकारी खेती पनि गर्न पाइएला भन्ने आशा छ।’ पोखरा बस्दै आएकी जमुना शर्माले पानीकै कारण भरतपोखरीको घर पुग्न झन्झट लाग्ने दिन सकिँदा खुसी लागेको बताइन्। ‘पानीकै कारण घर आउन पनि अप्ठेरो लाग्थ्यो,’ उनले भनिन्, ‘अब त हाइसन्चो हुने भो।’ 
एलडिओ पौडेलका अनुसार खानेपानी र सौर्यऊर्जापछि हाइवान होपले गाउँमा आयआर्जनका गतिविधि गर्ने सोच बनाएको छ। गाईभैंसी र बाख्रा फार्मसँगै तरकारी खेती गर्ने उनीहरुको योजना रहेको जानकारी उनले दिए। पौडेलका अनुसार नेपालको एउटा गाविसको भूगोल जत्रै आकारको डाँडामा रहेको कोरियाली होटल हाइवानमा वर्षेनि दसौं हजार पर्यटक पाहुना पुग्छन्।
वर्षका नयाँ ग्याजेट

वर्षका नयाँ ग्याजेट

काठमाडौं– ग्याजेटप्रेमीका लागि २०७० सालको अन्त्यतिर आएकोे 'सामसङ ग्यालेक्सी एस फाइभ' पछिल्लो उपहार हो। ७६ हजार रुपैयाँ पर्ने ग्यालेक्सी एस फाइभको चर्चासँगै २०७१ सालमा केही नयाँ ग्याजेट आउँदै छन् जुन...

ग्यालेक्सी एस–फाइभ बजारमा

ग्यालेक्सी एस–फाइभ बजारमा

काठमाडौं– सामसङको नयाँ स्मार्टफोन ‘ग्यालेक्सी एस–फाइभ' नेपाली बजारमा भित्रिएको छ। सामसङको आधिकारिक बिक्रेता इन्टरनेसनल मार्केटिङ सर्भिसेज (आइएमएस) ले शुक्रबारबाट यो स्मार्टफोनको बिक्री सुरु गरेको हो।

विन्डोज एक्सपी बन्द

विन्डोज एक्सपी बन्द

तपाइँको कम्प्युटरमा विन्डोज एक्सपी छ? छिटो अपग्रेट गर्नुहोस्। आजदेखि माइक्रोसफ्टका नि:शुल्क सेक्युरिटी इसेन्सियल एक्सपीमा डाउनलोड हुने छैन। सिस्टम सेन्टर, विन्डोज इनट्युन, माइक्रोसफ्ट डेप्लोइमेन्ट टुलकिट पनि एक्सपीमा सपोर्ट गर्ने छैन। विश्वभरि...

मोजिला सिइओले पद त्यागे

मोजिला सिइओले पद त्यागे

समलिङ्गी विवाहका पक्षधरको चर्को आलोचनाका कारण मोजिला फायरफक्सका प्रमुख कार्यकारी (सिइओ) ब्रेण्डन एइचले पदबाट राजिनामा दिएका छन्। समलिङ्गी विवाह विरोधी उनी एक महिना अघि वेब ब्राउजर फायरफक्सको सिइओ नियुक्त भएका...

स्मार्टफोन 'आँखाको दुश्मन'

स्मार्टफोन 'आँखाको दुश्मन'

लन्डन– चस्मा निर्माणमा संलग्न विज्ञहरू(अप्टिसियन्स)ले स्मार्टफोनको अत्यधिक प्रयोगले मानिस अन्धोसमेत हुन सक्ने चेतावनी दिएका छन्। उनीहरूले स्मार्टफोन प्रयोग गर्ने दुई हजार मानिसमा गरेको अध्ययनपछि यो चेतावनी सार्वजनिक गरेका हुन्।

एन्ड्रोइड हातेघडी

एन्ड्रोइड हातेघडी

गुगलले यसै साता स्मार्ट हातेघडी सार्वजनिक गरेको छ। सर्च इन्जिनमा एकलौटी बजार ओगटेको गुगलले हार्डवेयरमा पनि आफ्नो उपस्थिति बलियो बनाउन यो ग्याजेटलाई महत्वका साथ हेरेको छ। गुगलले हातेघडी सार्वजनिक गर्नुको...

एलजीको नयाँ स्मार्ट फोन आयो

एलजीको नयाँ स्मार्ट फोन आयो

काठमाडौं- एलजी ब्रान्डको नयाँ स्मार्ट फोन 'एलजी जिटू' बजारमा आएको छ। चौधरी ग्रुप अन्तर्गत सिजी इम्पलेक्स प्रालिले मंगलबार एलजीको जी सेरिजको पहिलो स्मार्ट फोन बजारमा ल्याएको हो।

फेसबुकको १० वर्षे यात्रा

फेसबुकको १० वर्षे यात्रा

सामाजिक सञ्जालबाट सञ्चारको परम्परागत परिभाषालाई चुनौती दिन सफल फेसबुक यसै सातादेखि १० वर्षको हुँदै छ। एकतर्फी सञ्चार प्रणालीमा रहेका आमसञ्चारका माध्यमलाई पछाडि छोड्दै यो सामाजिक सञ्जालले नयाँ मोडल नै तयार...