Friday 16 Jestha, 2077 | May 29, 2020
Menu

विश्व

अफगानिस्तानमा शान्तिपूर्ण चुनाव

  • आइतबार २३ चैत्र, २०७०
  • एजेन्सी
  • DISQUS_COMMENTS
(0 votes)
अफगानिस्तानमा शान्तिपूर्ण चुनाव
काबुल– अफगानिस्तानमा राष्ट्रपति निर्वाचनका लागि शनिबार भएको मतदान अपेक्षित रुपमा शान्तिपूर्ण रह्यो। निर्वाचन बिथोल्न र चुनावमा खटिएका कर्मचारीमाथि आक्रमण गर्न तालिबानले गरेेको आह्वानका कारण निर्वाचनमा हिंसा हुने अनुमान गरिएको थियो। तर शनिबारको निर्वाचनमा एक जनामात्र मारिएका र एक जना घाइते भएका छन्। 

त्यसबाहेक चुनावमा कुनै हिंसा नभएको निर्वाचन अधिकारीले जनाएका छन्। 
कडा सुरक्षा प्रबन्धका कारण हिंसा हुन नपाएको सरकारले जनाएको छ। साथै यसअघिका चुनावमा भन्दा यसपल्टको चुनावमा सर्वसाधारणले ढुक्क र निर्धक्क रुपमा मतदान गरेको पनि सरकारले जनाएको छ। अफगानहरू मतदानका लागि उत्साहित देखिएका र हत्या गर्ने तालिबानी धम्कीका बाबजुद पनि उनीहरूले लामो समयसम्म पालो पर्खेर मतदान गरेका थिए। 
निर्वाचन अधिकारीले कति प्रतिशत मत खस्यो भन्ने कुनै तथ्यांक नदिए पनि यस पटक धेरै प्रतिशत मत खसेको मात्र बताएका छन्। निर्वाचनका लागि ६ हजार मतदान केन्द्र राखिएका थिए। ती केन्द्रको सुरक्षा व्यवस्था अत्यन्तै कडा थियो। तर निर्वाचनको पूर्वसन्ध्यामा भएको एक विदेशी महिला पत्रकारको हत्याले भने अफगानिस्तान स्तब्ध बनाएको थियो।
सबै निर्वाचन क्षेत्रबाट मत पेटिका ल्याउने क्रम सुरु भएको छ। चुनावको अन्तिम नतिजा यही अप्रिल २४ मा घोषणा गरिने छ। अफगानिस्तानका करिब १ करोड २० लाख सर्वसाधारण मतदानका लागि योग्य छन्। ती मध्ये ३५ प्रतिशत महिला छन्। 
अफगानिस्तानका ३४ वटा प्रान्तमा प्रान्तीय परिषद् सदस्य पनि यसै निर्वाचनबाट चुनिने निर्वाचन अधिकारीले जनाएका छन्। परिषद् सदस्यका लागि करिब दुई हजार ५ सयले उम्मेदवारी दिएका छन्। जिल्ला र दुर्गममा हुने निर्वाचन भने निकै कठिन भएको छ। 
त्यसैगरी राष्ट्रपतिका लागि ८ जना उम्मेदवार मैदानमा छन्। राष्ट्रपतिको दौडमा वर्तमान विदेशमन्त्री पनि छन्। निर्वाचनका लागि सरकारले कम्तीमा पनि २ लाख सैनिक परिचालन गरेको छ। त्यस्ता सैनिकमध्ये केही नेटो सैनिक पनि रहेका छन्।
तालिबानले निर्वाचन बहिस्कार गरेका थिए। उनीहरुले अफगानिस्तानबाट अमेरिकी सैनिक हट्नुपर्नेमा अमेरिकाकै निर्देशनमा चुनाव गराइएको आरोप लगाएका छन्।

चिलीमा ८.२ रेक्टरस्केलको भूकम्प, पाँचको मृत्यु (अपडेट)

चिलीमा ८.२ रेक्टरस्केलको भूकम्प, पाँचको मृत्यु (अपडेट)

चिली- चिलीको उत्तरी क्षेत्रमा ८.२ रेक्टरस्केलको भूकम्प गएको छ। भूकम्प सँगै सुनामीको खतरा रहेको प्रशान्त सुनामी चेतावनी केन्द्र (टीडब्लूसी)ले जनाएको छ।

बेपत्ता यात्रुका परिवार आक्रोशित

बेपत्ता यात्रुका परिवार आक्रोशित

बेइजिङ, (एजेन्सी)– बेपत्ता मलेसियाली जहाजका चिनियाँ यात्रुका परिवारले सही जानकारी माग्दै मंगलबार बेइजिङस्थित मलेसियाली दूतावाससामु प्रदर्शन गर्दा प्रहरीसँग झडप भएको छ।

रुसमा मिसिन क्रिमियाको औपचारिक आवेदन

सिम्फेरोपोल (युक्रेन)- क्रिमियाको संसदले युक्रेनबाट स्वतन्त्र भएको घोषणा गर्दै रुसमा सामेल हुन आधिकारिक रुपमा आवेदन दिएको छ। यसबारे क्रिमियामा आइतबार जनमत संग्रह भएको थियो। जनमत संग्रहमा ८३ प्रतिशत जनताले मत...

भाइचुङको राजनीतिक अग्निपरीक्षा

भाइचुङको राजनीतिक अग्निपरीक्षा

इलाम- 'फुटवल खेल्नु त भाइचुङ जस्तो' पूर्वका खेल मैदानमा खुबै सुनिने वाक्य हो, 'भोटेको छोराले कस्तो नाम कमायो।' फुटवलमा पर्याय बनिसकेका भाइचुङको चर्चा अहिले अझ चुलिदैछ।

'बेपत्ता जहाजले उडान मार्ग फेर्योे'

'बेपत्ता जहाजले उडान मार्ग फेर्योे'

क्वालालम्पुर– शनिबार बेपत्ता जहाजले उडान मार्ग फेरेर निर्धारित मार्गबाट पश्चिमतर्फ लागेको मलेसियाली अधिकारीले दाबी गरेका छन्।

गुमनाम विमानमा अड्कलबाजी

गुमनाम विमानमा अड्कलबाजी

न्युयोर्क(एपी)– हवाइजहाज उडानको सबैभन्दा कठिन र जोखिमपूर्ण क्षण धावनमार्गबाट उड्दा र अवतरण गर्दा हो। बढी दुर्घटना यही दुई अवस्थामा भएका छन्। जमिनको सतहभन्दा ११ किलोमिटरमाथि आकाशमा उडिरहँदा ठूला जहाज आक्कलझुक्कल...

उत्तर कोरियालाई फौजदारी अदालतमा उभ्याउन माग

उत्तर कोरियालाई फौजदारी अदालतमा उभ्याउन माग

जेनेभा– संयुक्त राष्ट्रसंघको मानव अधिकारसम्बन्धी निकायले उत्तर कोरियालाई मानव अधिकार उल्लंघनका घटनामा दण्डित गर्न अन्तर्राष्ट्रिय जगतसँग आग्रह गरेको छ। राष्ट्रसंघीय मानवअधिकार निकायकी प्रमुख नावी पिल्लेले उत्तर कोरियालाई आफ्नै नागरिकमाथि अत्याचार...

'कम्युनिस्ट सत्ता टिकाउन बर्बर दमन'

'कम्युनिस्ट सत्ता टिकाउन बर्बर दमन'

काठमाडौं– उत्तर कोरियाले स्टालिन शैलीको कम्युनिस्ट शासन व्यवस्था टिकाइराख्न आफ्नै जनताको हत्या र बलात्कार गर्नुका साथै सामूहिक बन्दी र दास बनाउनेजस्ता बर्बर यातना दिँदै आएको राष्ट्रसंघीय अध्ययनले देखाएको छ। मानव...