अफगानिस्तानमा राष्ट्रपति निर्वाचन

अब्दुल्लाहले उनका निकट प्रतिद्वन्द्वी असरफ घानीलाई उछिनेको जानकारी निर्वाचन आयोगले आइतबार दिएको छ। निर्वाचन आयोग प्रमुख युसुफ नुरिस्तानीले उत्तरी, दक्षिणी, पश्चिमी र काबुल क्षेत्रका २६ प्रान्तमा १० प्रतिशत मतगणना भएपछि आंशिक नतिजा सार्वजनिक गरिएको बताए। 
नुरिस्तानीले २६ प्रान्तमा पाँच लाख मतगणना हुँदा अब्दुल्लाहले ४१.९ प्रतिशत, घानीले ३७.६ प्रतिशत र जलमाई रसुलले ९.८ प्रतिशत मत प्राप्त गरेको बताए। 
मतगणनाको अन्तिम नतिजा भने मेअन्त्यसम्म आउने अनुमान गरिएको छ। कुनै पनि उम्मेदवारले ५० प्रतिशतभन्दा बढी मत नपाएमा दुई प्रमुख उम्मेदवारबीच फेरि चुनाव हुने व्यवस्था छ। आठ प्रान्तको नतिजा भने घोषणा गरिएको छैन। 
शनिबार पहिलो चरणको निर्वाचनमा करिब ७० लाख मतदाताले मौसम र तालिबानको चुनौती बेवास्ता गरी व्यापक मतदान गरेका थिए।