Wednesday 29 Ashwin, 2076 | October 16, 2019
Menu

अर्थ

republica-headerdiscount-subscribe1

istl

एनसेलले भन्यो- 'नेपालमा होइन, नर्वेमा तिर्छौं'

(0 votes)
काठमाडौं- टेलिया (साबिकको टेलियासोनेरा) कम्पनीले एनसेल सेयर किनबेचको पुँजीगत लाभकर नेपालमा नभएर नर्वेमा तिर्ने जनाएको छ। ठूला करदाता कार्यालयले गत साता जारी गरेको प्रेस विज्ञप्तिको जवाफमा टेलियाले त्यस्तो प्रतिक्रिया दिएको हो। आफ्नो कम्पनी (टेलियासोनेरा नर्वे होल्डिङ नेपाल, टिएसएनएस) नर्वेमा दर्ता भएको भन्दै उसले नेपाल र नर्वेबीच भएको कर सन्धि (डिटिए) लाई आधार बनाएर उतै कर तिर्ने जनाएको हो।


nepali-patro-may
टेलियाले गत बुधबार आफ्नो पुरानो अडान दोहोर्यानउँदै नेपाललाई कर नतिर्ने बताएको हो। 'टेलियासोनेराले एनसेलमा रहेको आफ्नो सेयर विनिवेश गर्दा नेपालमा कर तिर्नु पर्दैन,' उसले विज्ञप्तिमा भनेको छ, 'नेपाली, नर्वेली र अन्य करविज्ञसहितको परामर्शका आधारमा कर नर्वेमा तिर्ने निर्णयमा पुगिएको हो।'

उसले विज्ञप्तिमा नेपाल र नर्वेबीच कर सन्धि भएकोले कर लिने अधिकार नर्वेलाई भएको तर्क गरेको छ। टेलियासोनेराले नर्वेको कर कानुनअनुसार कारोबारको कर नर्वेमै तिर्ने उल्लेख गरेको छ। उसले नेपालमा कर तिर्न नपर्ने भन्दै कारोबार डकुमेन्टलाई आधार बनाएर नर्वेमै उपयुक्त कर तिर्ने जनाएको छ।

एनसेलले ठूला करदाता कार्यालयमा टेलियासोनेराको तर्फबाट भन्दै नौ खर्ब ९६ करोड ९५ लाख ७१ हजार ४० रुपैयाँ राजस्व बुझाएपछि कार्यालयले विज्ञप्तिमार्फत कर तिर्न थप प्रस्ट पारेको थियो।

टेलियासोनेरा र एक्जिएटा ग्रुपबीच सेयर किनबेच भएपछि चैत ३० गते ठूला करदाता कार्यालयले विज्ञप्तिमार्फत एनसेलको सेयर कारोबारमा बिक्रेतालाई भएको लाभमा आयकर ऐन, २०५८ बमोजिम पुँजीगत लाभकर लाग्ने र आयकर ऐनको दफा ९५क बमोजिम सो कर एनसेलले असुल गरी दाखिला गर्नुपर्ने भन्दै कर असुलीतर्फ आवश्यक कारबाही गर्न निर्देशन गरिएको उल्लेख गरेको थियो। सो सम्बन्धमा ठूला करदाता कार्यालयले गत चैत ३० गते टेलियासोनेरा ग्रुपको स्विडेन, स्टकहोमस्थित मुख्यालयलाई एनसेलमार्फत आय विवरण एवं कर दाखिला विषयमा पत्र लेखिएको र सोही मितिमा एनसेलका प्रमुख कार्यकारी अधिकृतलाई र एनसेललाई आयकर ऐन, २०५८ को दफा ९५क अनुसार अग्रिम कर असुल गरी दाखिला गर्न पत्र लेखिएको जनाएको थियो।

कम्पनीका सम्पूर्ण सेयरधनीले उक्त कम्पनीमा रहेको सेयर हित निःसर्ग गरेको भनी जानकारीमा आएको भन्दै आयकर ऐन, २०५८ को दफा ९५(क) को उपदफा २(ख) अनुसार नेपाल धितोपत्र बोर्डमा सूचीकरण नभएको निकायको हितको निःसर्गबाट प्राप्त लाभको हकमा जुन निकायको हित निःसर्ग भएको हो सोही निकायले बासिन्दा प्राकृतिक व्यक्तिको हकमा लाभ रकमको १० प्रतिशत र अन्यको हकमा लाभ रकमको १५ प्रतिशतका दरले अग्रिम कर असुल गरी दाखिला गर्नुपर्ने दायित्व एनसेलको भएको बेहोरा उल्लेख गरी पत्राचार गरेको विज्ञप्तिमा उल्लेख गरेको थियो।

गत पुसमा युरोपको टेलियासोनेराले मलेसियाको एक्जियटालाई एनसेल एक खर्ब ४० अर्ब रुपैयाँमा बिक्री गरेको थियो।

प्रतिक्रिया

खानेपानी ट्यांकर निर्देशिका बनाउन बोर्ड अक्षम

खानेपानी ट्यांकर निर्देशिका बनाउन बोर्ड अक्षम

काठमाडौं- ट्यांकरबाट खानेपानी वितरण गर्ने व्यवसायीले उपभोक्तामाथि गम्भीर खेलबाड गरे पनि सरकारी निकायले निर्देशिकासमेत बनाउन नसकेको पाइएको छ। खानेपानी ट्यांकर व्यवसायीले निर्देशिका लागू गर्न माग गरेको लामो समय हुँदा पनि...

अर्को बन्दरगाहबाट आयात सुरु

अर्को बन्दरगाहबाट आयात सुरु

वीरगन्ज- नेपालका आयातकर्ता व्यापारी, उद्योगीले वर्षौंदेखि गर्दै आएको कोलकाता बन्दरगाहको विकल्पको खोजी पूरा भएको छ। कोलकातादेखि एक सय सात किलोमिटर पश्चिममा रहेको पश्चिम बंगालकै हल्दिया बन्दरगाहबाट पहिलोपटक एक र्यााक (८० कन्टेनर)...

भुक्तानी नपाउँदा उखु किसान मारमा

भुक्तानी नपाउँदा उखु किसान मारमा

रौतहट/वीरगन्ज/सर्लाही/महोत्तरी- रौतहट भलोहियाका उखु किसान अशोक साहलाई चार छोराछोरीलाई राम्रो शिक्षा दिन धौधौ परेको छ। उखु बेचेको दुई वर्ष बितिसक्दा पनि चिनीमिलले पैसा उपलब्ध नगराउँदा आफ्ना छोराछोरीलाई स्तरीय शिक्षाबाट बञ्चित...

अर्थतन्त्रमा गति दिने कानुन ल्याउः निजी क्षेत्र

अर्थतन्त्रमा गति दिने कानुन ल्याउः निजी क्षेत्र

काठमाडौं– निजी क्षेत्रले पटकपटक संविधान परिवर्तन भइरहे पनि देशको अर्थतन्त्रलाई गतिशील बनाउने ऐन–कानुन बन्न नसकेको गुनासो गरेको छ । वर्षौंदेखि कानुन नबन्दा उद्योग, व्यवसायमा असर परेको भन्दै निजी क्षेत्रका अगुवाले...

पिउन अयोग्य पानी बेच्दै ट्यांकर

पिउन अयोग्य पानी बेच्दै ट्यांकर

काठमाडौं–उपत्यकामा खानेपानी वितरण गर्दै आएका अधिकांश ट्यांकर व्यवसायीले जनस्वास्थ्यमा प्रत्यक्ष हानि गर्ने 'अधिक एमोनिया' युक्त पानी वितरण गरिरहेको भेटिएको छ। शरीरलाई हानि पु¥याउने एमोनियायुक्त पानी पिउन योग्य नभए पनि उनीहरु...

खुल्यो अर्को बन्दरगाहः हल्दियाबाट वीरगन्ज अायो कार्गो

खुल्यो अर्को बन्दरगाहः हल्दियाबाट वीरगन्ज अायो कार्गो

वीरगंज-नेपालका आयातकर्ता व्यपारी/उद्योगीले बर्षौंदेखी गर्दै आएको कोलकता बन्दरगाहको बिकल्पको खोजी पूरा भएको छ। कोलकतादेखी १ सय ७ किलोमिटर पश्चिममा रहेको पश्चिम बंगालकै हल्दिया बन्दरगाहबाट पहिलोपटक एक रेक अर्थात ८० कन्टेनरको...

६ बैंकको नाफा एक अर्ब नाघ्यो

६ बैंकको नाफा एक अर्ब नाघ्यो

काठमाडौं–मुलुकमा उत्पन्न प्रतिकूल अवस्थाका बाबजुद ६ वटा बैंकले चालु आर्थिक वर्षको नौ महिनामा एक अर्ब रुपैयाँभन्दा बढी नाफा कमाएका छन् । भूकम्प, तराई–मधेस आन्दोलन र नाकाबन्दीको असर बैंकको नाफामा नपरेकाले...

सुनसरी उद्योग वाणिज्य संघमा  शाह विजयी

सुनसरी उद्योग वाणिज्य संघमा शाह विजयी

धरान–सुनसरी उद्योग वाणिज्य संघको अध्यक्षमा राजेन्द्र शाह निर्वाचित भएका छन् । संघको सोमबार सम्पन्न निर्वाचनमा अर्का प्रत्यासी कृष्णकुमार अग्रवाललाई ४१ मतअन्तरले हराउँदै शाह आगामी ३ बर्षको लागि अध्यक्षमा निवार्चित भएका...