उनले जीवनको अर्थपूर्ण पाटाहरु बाँड्न पाउनु सौभाग्य भएको उल्लेख गरेकी छन्। 'मेरो जीवनको ठूलो र अति नै महत्त्वपूर्ण पल यहाँहरुलाई जानकारी गराउँदै हामी वैवाहिक जीवनमा बाँधिएको अवगत गराउँछौं,' उनले लेखेकी छिन्, 'यस अवसरमा हामीले जेहेन्दार तर गरिब बिद्यार्थीको सहयोगको निम्ति मैले प्राथमिक शिक्षा आर्जन गरेको सरस्वतीको मन्दिर श्री मित्रता उच्च माबि र मेरो गाबिसस्थित श्री मर्स्याङ्दी सामुदायिक विद्या मन्दिर निमाबि बिद्यालयमा मेरो पुजनिय बुबा इन्द्रबहादुर पन्त र पुजनीय आमा माया पन्तको संयुक्त नाममा सात लाख नेपाली रुपैयाँ 'गरिब/जेहन्दार विद्यार्थी सहायता अक्षयकोष' स्थापना गर्ने निर्णय गरेका छौं। सो रकम दुबै बिद्यालयमा आधा आधा हस्तान्तरण गर्ने घोषणा गर्दछौं।'

लामो समयदेखि व्यवसायी हरि शर्मा थपलियासँगको प्रेम सम्बन्धमा रहेकी अभिनेत्री पन्त गतवर्ष बेल्जियम गएकी थिइन्। बेल्जियममा व्यवसाय गरिरहेका हरिको यो दोस्रो विवाह हो।