10 Ashwin, 2077 | September 26, 2020
Menu

शुक्रबार

republica-headerdiscount-subscribe1

istl

नेपाल पुनः डिभिजन २ मा

(0 votes)
नेपाल पुनः डिभिजन २ मा
नेपाली जनतालाई खुशी दिइरहेको नेपाली क्रिकेटले फेरि अर्को सफलता हासिल गरेको छ। वर्षाले प्रभावित खेलमा फेरि एकपटक भाग्यमानी सावित भएपछि नेपाल मलेसियामा जारी विश्व क्रिकेट लिग डिभिजन ३ को फाइनलमा प्रवेश गरेको छ। डिभिजन ३ को उपाधिका लागि बिहीवार नेपाल र युगान्डा भिड्नेछन्।
nepali-patro-may
बुधवार वर्षाले प्रभावित खेलमा नेपालले घरेलु टोली मलेसियालाई डकवर्थ लुइस पद्धतिमा ३६ रनले हराउँदै डिभिजन २ मा पुनः उक्लिएको हो। गतवर्ष मेमा बमुर्डामा नेपालले डिभिजन ३ च्याम्पियन बन्दै डिभिजन २ मा पहिलो पल्ट प्रवेश गरेको थियो। तर, न्युजिल्यान्डमा गत जनवरीमा विश्वकप छनोट क्रिकेटमा सहभागी १० टोलीबीचको खेलमा नवौँ स्थानमा रहेपछि नेपाल डिभिजन ३ मा झर्नुपर्योछ।
वर्षाले प्रभावित खेलमा घरेलु टोलीलाई बुधवार हराउँदा नेपालले एउटा नयाँ कीर्तिमान थप्यो। मलेसियाका सबै खेलाडीलाई क्याच आउट गरेर। पहिले ब्याटिङ गरेको मलेसिया ४३.३ ओभरमा १ सय ४२ रनमा अलआउट भयो। अलआउट गर्दा सबै खेलाडी क्याच आउट भएका थिए। एकदिवसीय क्रिकेटको एकै खेलमा अहिले सम्म १५ पटक सबै खेलाडी क्याच आउट भएका छन्। नेपालले भने पहिलो पल्ट सबै खेलाडीलाई क्याच आउट गराएको हो।
कप्तान पारस खड्काले ४, उपकप्तान ज्ञानेन्द्र मल्ल, नरेश बुढाएरले समान २ खेलाडीलाई क्याच आउट गरे। वसन्त रेग्मी र सुवास खकुरेलले १–१ क्याच लिएका थिए। बुधवार घरेलु टोलीविरुद्ध टस जितेर पनि नेपालले फिल्डिङ गर्ने निर्णय गर्योु। वर्षाले प्रभावित गरिरहेको प्रतियोगितामा नेपालले फिल्डिङ गर्ने निर्णय बुधवार पनि सही साबित भयो। ब्याटिङमा उत्रिएको मलेसिया १ सय ४२ रनमा अलआउट भयो। घरेलु सेलाङगोर ट्रुफ क्लबको मैदानमा ओपनर अनवार अरुदिनले ६९ रन बनाएर नेपाललाई केही दबाब दिने प्रयास गरेका थिए। तर, सागर पुनको बलमा कप्तान पारसले अनवरको क्याच लिएपछि मलेसियाले लय गुमाएको थियो। त्यसपछि मलेसियाका कुनै पनि खेलाडी लामो समयसम्म क्रिजमा टिक्न सकेनन्। मलेसियाका खिजार हायात र डुराइसिगमले समान २३ रनबाहेक अन्यले दोहोरो अंक जोडन सकेन। नेपालका अलराउन्डर कप्तान पारसले ९ ओभरमा ३ मेडनसहित २० रन खर्चेर ४ विकेट लिएर मलेसियाको इनिङ्सलाई धरापमा पारिदिएका थिए। भुवन कार्कीले ३ विकेट, शक्ति गौचनले २ र सागरले १ विकेट लिए।
जवाफमा नेपालका लागि नरेश बुढाएरले ४२ रन र ज्ञानेन्द्र मल्लले ३५ रन जोडे। २२ ओभरमा खेल वर्षाले रोकिन अघि नेपालले २ विकेटको नोक्सानीमा ८९ रन जोडेको थियो। त्यतिबेला क्रिजमा नरेश ४२ रन र पारस १ रनमा अविजित थिए।
 
खराब सुरुवातपछि लयमा
विश्व क्रिकेट लिग डिभिजन ३ च्याम्पियन बन्ने लक्ष्यसहित मलेसिया गएको नेपालले पहिलो खेलमै हार बेहोर्नुपर्योे। किनरारा एकेडेमी ओभल मैदानमा नेपाल युगान्डासँग २० रनले स्तब्ध भएको थियो। टस हारेर ब्याटिङ गरेको युगान्डाले निर्धारित ५० ओभरमा ८ विकेटको क्षतिमा २ सय ३ रन जोड्यो। नेपालका कप्तान पारसले ३ विकेट, सोमपाल कामी र वसन्त रेग्मीले समान २ विकेट लिए।
जवाफमा नेपाल ४८.५ ओभरमा १ सय ८३ रनमा अलआउट भयो। नेपालका नरेश बुढाएरले ६२ रन बनाएका थिए। पहिलो खेलमा निराश बने पनि नेपालले त्यसपछि लगातार तीन खेल जित्दै खेलमा उत्कृष्ट पुनरागमन गर्योभ। बमुर्डालाई ८ विकेट, सिंगापुरलाई १ सय ९० रन, अमेरिकालाई १० रन र मलेसियालाई ३५ रनले पराजित गर्दै विश्व क्रिकेट लिग डिभिजन ३ को फाइनलमा पुग्यो।
डिभिजन ३ को फाइनल पुगेको नेपाल र युगान्डाले जनवरीमा नामिबियामा हुने विश्व क्रिकेट लिग डिभिजन २ खेल्ने पाउनेछन्। डिभिजन २ मा नेपाल, युगान्डासँगै नामिबिया, केन्या, नेदरल्यान्ड्स र क्यानडाले खेल्नेछन्। डिभिजन २ को फाइनलमा प्रवेश गर्ने टोलीले प्रथम श्रेणी मान्यता प्राप्त चार दिवसीय अन्तर महादिवसीय कप र २०१९ को विश्वकप छनोटको पहिलो खुड्कुलो रहेको विश्व क्रिकेट च्याम्पियनसिप खेल्ने अवसर पाउनेछन्।
 
चम्किए ज्ञानेन्द्र
नेपाली क्रिकेट टोलीका उपकप्तान ज्ञानेन्द्र मल्ल अभ्यास खेलमा प्रायः शानदार ब्याटिङ गर्थे। मुख्य प्रतियोगितामा भने त्यो ब्याटिङले निरन्तरता नपाएपछि उनको करिअर 'अन्डर पर्फमर' का रूपमा अगाडि बढिरहेको थियो। उनले माथिल्लो क्रममा खेलेर पनि उनले ट्वान्टी–२० मा अर्धशतक र एकदिवसीयमा शतक बनाउन सकेका थिएनन्।
तर, डिभिजन ३ मा भने ज्ञानेन्द्रले आफ्नो क्षमता प्रमाणित गरिदिए मलेसियामा। गत आइतवार सिंगापुरविरुद्ध १ सय १४ रन बनाउँदै करिअरकै उत्कृष्ट स्कोर बनाउन सफल भए। नेपाली टोलीका शक्ति गौचन, शरद भेषावकर, पारस खड्का र सुवास खकुरेलले यसअघि नै अन्तर्राष्ट्रिय क्रिकेटमा आफ्नो नाममा शतक लेखाइसकेका थिए। सुवास र अनिल मण्डलले २ वर्षअघि मलेसियामै डिभिजन ४ मा शतक बनाएका थिए। सुवासले अमेरिकाविरुद्ध बनाएको १ सय १५ रन नेपाली खेलाडीको उच्च अन्तर्राष्ट्रिय स्कोर हो। ज्ञानेन्द्र त्यो नेपाली कीर्तिमानभन्दा एक रनलेमात्र पछि रहे।
ज्ञानेन्द्रले २००५ मा मलेसियाविरुद्ध एसीसी फास्ट ट्र्याक कन्ट्रिज तीनदिवसीयमार्फत नेपाली टोलीमा प्रवेश गरेका थिए। उनको पहिलो खेल भने २००६ मा एसीसी ट्रफीमा कुवेतविरुद्ध मलेसियामा थियो जसमा उनले ७८ र दोस्रो खेलमा भुटानविरुद्ध ५२ रन बनाएका थिए। नेपालबाट ज्ञानेन्द्रबाहेक कुनै खेलाडीले आफ्नो पहिलो दुई खेलमा अर्धशतक बनाउन सकेका छैनन्। अहिले तेस्रो नम्बरमा ब्याटिङ गर्ने ज्ञानेन्द्र 'डेब्यू' गर्दा ओपनर थिए।

Leave a comment

अञ्जुका अधिकारका पक्षमा

अञ्जुका अधिकारका पक्षमा

सामाजिक सञ्जालमा अहिले गायिका अञ्जु पन्तलाई 'हिन्दू धर्म विरोधी'का रूपमा प्रचार गरिएको छ। वास्तविकता नबुझी एकतर्फी रूपमा फैलाएको अफवाहमा टेकेर 'हमलासम्म गर्ने' धम्की उनको फेसबुक र मोबाइलमा निरन्तर आइरहेका छन्।...

थारु युवती बन्दै मलिना

थारु युवती बन्दै मलिना

फिल्म ‘झुम्की’की मुख्य हिरोइनका रूपमा पूर्व मिस नेपाल मलिना जोशीलाई लिइएको छ। फिल्म युनिटले ‘झुम्की’को सुटिङको मिति नजिकिँदै गर्दा मुख्य हिरोइनको नाम सार्वजनिक गरेको हो। 

'अभिनय र जीवनबीच मसिनो रेखा हुन्छ'

'अभिनय र जीवनबीच मसिनो रेखा हुन्छ'

काठमाडौँ, अनामनगरको पूर्वीगेट अगाडिबाट पूर्व हेर्योप भने 'प्रभु भान्छा घर' भन्ने बोर्ड भएको अग्लो घर देखिन्छ। त्यो बोर्डमुनि नेपाली रंगमञ्चका 'जिनियस' सुनील पोखरेलको नयाँ 'सेल्टर' छ। छ तलामा रहेको नयाँ...

भुरा मार्न पल्केको अख्तियार : अम्मरमान थामी, सवारी चालक

भुरा मार्न पल्केको अख्तियार : अम्मरमान थामी, सवारी चालक

जाडो छ है गुरुजी? साह्रै छ नि। म त यसैबेला बिरामी परेर झन् जाडो लागिरा'छ।

आशैआश, अल्झो नै अल्झो

आशैआश, अल्झो नै अल्झो

संविधानको आशमै बित्योविगत वर्षमा जस्तै भित्तामा क्यालेन्डर फेरिए पनि देश र जनताको नियति भने फेरिएको छैन। संविधानसभाले नयाँ संविधान निर्माण गर्ने सुन्दर सपनासहित २०७१ साललाई स्वागत गरेका आमजनताका आशा वर्षको...

'शुक्रवारको प्राथमिकता युवा'

'शुक्रवारको प्राथमिकता युवा'

साप्ताहिक समाचारपत्रका विषयवस्तुका चर्चा गर्दा युरोपेली पुनर्जागरणका समयमा व्यापार, वाणिज्यका कुराहरू समाचारका प्रभावकारी खजाना हुने गरेका उदाहरण भेटिन्छन्। त्यसैगरी युद्ध र आर्थिक अवस्थाका विषयले पनि साप्ताहिक अखबारमा महत्वपूर्ण स्थान पाउने...

म्युजिक भिडियोमा फिरफिरे

म्युजिक भिडियोमा फिरफिरे

गाउँठाउँको प्रचार गर्न म्युजिक भिडियो बनाउने लहर चलेको छ। गाउँलाई चिनाउने सजिलो माध्यम बनेका छन्, म्युजिक भिडियो। तनहुँ, ढोरको फिरफिरे गाउँ पनि विभिन्न भिडियोमा अटाएको छ। 

राष्ट्रकविज्यू! 'गौरी' लाई 'गउरि' बनाइँदै छ!

वर्ण विन्यासका सुधार वादीहरूले गुरु प्रसाद मैनालीको 'शहिद' कथालाई 'सहिद' बनाएरै छोडे। झमककुमारी घिमिरेको प्रसिद्ध कृति 'जीवन काँडा कि फूल' अशुद्ध भइसक्यो। 'जीवन काँडा कि फुल' हुनुपर्ने अरे! राष्ट्रकवि घिमिरेको...