Sunday 1 Mangshir, 2076 | November 17, 2019
Menu

समाज

republica-headerdiscount-subscribe1

istl

यातायात व्यावसायीको दादागिरीमा गृहकै साथ

(0 votes)
काठमाडौं-सवारी नियम मिच्ने चालकलाई १५ सय रुपैयाँसम्म जरिवाना गर्ने कानुन लागू गर्ने विषयमा सरकार पुनः पछाडि हटेको छ । बढेको जरिवाना लागू नगर्न यातायात व्यावसायीले दिँदै आएको दबाबसामू गृह मन्त्रालयले समेत साथ दिएको छ ।
nepali-patro-may
गृह मन्त्रालयमा शुक्रबार व्यावसायीसँग भएको छलफलमा मन्त्रालयले यातायात व्यावसायीकै पक्षमा निर्णय गरेर सडकमा बढेको अराजकता र दादागिरीलाई नै साथ दिएको हो । यसअघि पनि व्यावसायीकै दबाबका कारण दुई साताअघि लागू गर्ने भनिएको उक्त नियम रोकिन पुगेको थियो ।

नियम विपरित सवारी चलाउनेलाई न्यून जरिवाना हुँदा दुर्घटना बढ्नुका साथै सडकमा अराजकता बढेको भन्दै यातायात व्यवस्था ऐन ०४९ मा संसोधन गर्दै जरिवानाको मात्रालाई २० गुणासम्म बढाएको थियो । बढाइएको जरिवानाको रकम जेठ १ गते शनिबार देखि देशैभरी लागू हुने भनिएको थियो । बढाइएको जरिवाना अनुसार चालकले नियम मिचेमा न्यूनतम ५ सय जरिवाना हुने व्यवस्था छ ।

तर, सडकमा सिन्डिकेट गर्दै आइरहेका यातायात व्यावसायीको दबाबसामू झुक्दै स्वयं गृहमन्त्रीले नै बढेको जरिवाना लागू नगर्न निर्देशन दिएको छलफलमा सहभागी एक प्रतिनिधिले नागरिकन्युजलाइ जानकारी दिए । 'गृहमन्त्री नै व्यावसायीको पक्षमा उभिएकाले कानुन कार्यान्वयन गर्न नसकिने अवस्था आएको हो,' उनले भने, 'सिन्डिकेटको अन्त्य गर्छु भन्ने मन्त्री नै व्यावसायप्रिति उदार देखिनु भयो ।' उनका अनुसार छलफलमा गृहमन्त्री शक्ति बस्नेत, गृहमन्त्रालयका सहसचिव यादब कोइराला, नेपाल यातायात व्यावसायी राष्ट्रिय महासंघका प्रतिनिधि, नेपाली कांग्रेस, एमाले, एमाओवादी र क्रान्तिकारी माओवादी निकटका ट्रेड युनियन पदाधिकारीहरुको सहभागिता रहेको थियो ।

छलफलमै सहभागी नेपाल यातायात व्यवसायी राष्ट्रिय महासंघका महासचिव सरोज सिटौलाले गृह मन्त्रालयले बढेको जरिवाना कार्यान्वयन नगर्ने विषयमा मन्त्रालय तत्काललाई पछाडी हटेको जानकारी दिए । 'जेठ १ गतेबाट लागू हुने भनेको नयाँ जरिवाना तत्काललाई लागू नगर्ने विषयमा सहमती भएको छ,' उनले भने, 'यो निर्णयले सडकमा गुड्ने झण्डै २० लाग चालक तथा यातायात व्यावसायीलाई फाइदा पुगेको छ ।'

उनले व्यावसायीले सडकका आवश्यक पुर्वाधार सुधार गर्नेतर्फ ध्यान नदिई एकतर्फी ढंगले चालक तथा व्यावसायीलाई दुख दिने नियतले ल्याएको कानुन कुनै पनि हालतमा मान्ने अवस्था नरहेको बताए । 'सडकमा कुनै पूर्वाधार नै छैन,' उनले भने, 'सरकारले पहिला सबै पूर्वाधार पुरा गर्न सफल होस त्यसपछि मात्र जरिवानाको कुरा आउँछ ।' उनले चालकहरु अनुसासित हुनुपर्ने विषयमा महासंघले पनि कार्यक्रम चलाउने जानकारी दिए ।

सरकारले यातायात व्यवस्था ऐन ०४९ को दफा १६४ मा रहेको जरिवानाको व्यवस्थालाई संसोधन गर्दै न्यूनतम जरिवाना बापतको रकम ५ सय रुपैयाँ हुनेगरी बढाएको हो । विगतमा कारवाहीबापत चालकले न्यूनतम २५ रुपैयाँ जरिवाना तिर्नुपर्ने व्यवस्था थियो । यस्तै नियमविपरित सवारी चलाउनेलाई ट्राफिक प्रहरीले १५ सय रुपैयाँसम्मको चिट काट्न सक्ने गरी जरिवानाको रकम बढाइएको छ । यसअघि मापसेमा सबैभन्दा बढी एक हजार रुपैयाँ मात्र जरिवाना हुने व्यवस्था थियो ।

सरकारले ऐनमा भएको २५ रुपैयाँ देखी ५० रुपैयाँसम्म, ५० देखी एक सय रुपैयाँसम्म र एक सय देखी २ सय रुपैयाँसम्मको कारवाहीको दरलाई संसोधन गर्दै क्रमश ५ सय, एक हजार र १५ सय बनाएको हो । नयाँ जरिवानाको व्यवस्था अनुसार न्यूनतम ५ सय रुपैयाँ जरिवाना पाएको चालकले पटक पटक एउटै अपराध गरेमा क्रमश जरिवानाको दर बढ्दै जाने छ । पहिलो पटक कारबाहीमा पर्नेले ५ सय, दोस्रो पटक परेमा एक हजार र तेस्रो पटक परेमा १५ सय जरिवाना हुने छ । नियम अनुसार ५ पटकसम्म कारवाहीमा परेको चालको लाइसेन्स ६ महिनाका लागि खारेज हुने छ ।

महाशाखाका अनुसार मादक पदार्थ सेवन गरी सवारी चलाए, सवारी चालक अनुमति पत्र प्राप्त नगरी सवारी चलाए, सार्वजानिक स्थानमा बाधा पुग्ने गरी मालसामान वा सवारी राखेमा, सवारी चालक अनुमति पत्र प्राप्त नगरेको व्यक्तिलाई सवारी चलाउन दिएमा एक हजा जरिवाना हुने छ ।

यस्तै, तोकिएको भन्दा बढि मालसामान राखेमा, सवारीको वजन हद निर्धारण क्षेत्रमा बढि वजनको सवारी चलाए, सवारीको अन्य भागमा मानिस तथा मालसामान राखेमा, प्रयोजन बिपरीत सवारी चलाए, हेल्मेट नलगाए, सवारी आवागमनमा बाधा पुरयाए, अरु सवारीलाई खतरा हुने किसिमले सवारी राखेमा, छतमा यात्रु बोकेको वा राखेको, भेटिए ५ सय जरिवाना हुने छ ।

यसैगरी, ट्राफिक संकेत वा ईसारा उल्लंघन गरी सवारी चलाए, सवारी अड्याउन निषेध गरिएको ठाउँ वा समयमा सवारी अड्याए, सवारी मोड्न वा ध्वनि संकेत दिन निषेध गरिएको ठाउँमा सवारी मोडेमा वा ध्वनि दिएमा, सडकमा गलत साईड तर्फबाट सवारी चलाए, एकतर्फि सडकमा सो विपरित सवारी चलाए, अवस्था ठिक नभएको सवारी चलाए, बढी गतिमा सवारी चलाए, राती बत्ती नबाली सवारी चलाए, सवारी चलाउन निषेध गरिएको ठाउँ वा समयमा सवारी चलाए, नम्बर प्लेट नराखी सवारी चलाए, पेटी नबाँधी वा हेलमेट नलगाई सवारी चलाए, सवारीमा बस्ने वा राख्ने मानिस वा मालसामानको हद निर्धारित गरिएकोमा सो हद भन्दा बढी राखी सवारी चलाए, सार्वजनिक सवारीको चालकले यात्री लिन ईन्कार गरेमा, निर्धारित भाडा दर भन्दा बढी भाडा लिई सवारी चलाए, लापरवाहीका साथ सवारी चलाए, बाटो ईजाजत पत्र नलिई सार्वजनिक सवारी चलाए, सवारी चालक अनुमती पत्र, सवारी दर्ता किताब, सवारी इजाजत पत्र साथमा नराखी सवारी चलाएमा १५ सय रुपैयाँ जरिवाना हुने छ ।

प्रतिक्रिया

चट्याङले दुई युवतीको मृत्यु, एक घाइते

तनहुँ- जिल्लाको काहुँसिवापुर गाविस–७ बस्ने खेम रानाको घरमा हिजो साँझ चट्याङ पर्दा उनकी १८ वर्षीया छोरी गुलाबी राना र वर्षीया २० मौसमी राना घाइते भएकोमा मौसमी रानाको दमौली अस्पतालमा राति...

असारदेखि घर-नक्सा पूर्ण डिजिटल

काठमाडौं- काठमाडौं महानगरपालिकाले घरका नक्सा पास प्रणाली असारदेखि ३५ वटै वडामा डिजिटल (विद्युतीय) बनाउने भएको छ। गएको मंसिरमा सात वटा वडाका नक्सा पासमा लागू डिजिटल प्रणाली अहिले १४ वटा वडामा...

राजमार्गमा छैन फुटपाथ

भक्तपुर- अरनिको राजमार्गको सूर्यविनायक–बनेपा सडकखण्डमा बटुवाहरू असुरक्षित रुपमा हिँडन बाध्य छन्। यसको एक मात्र कारण दुई लेनको उक्त सडकखण्डमा बटुवा हिँडनका लागि फुटपाथ नै छैन।

जुरे पहिरोपीडित उपेक्षित : 'प्रकृति र सरकार दुवै निर्दयी'

जुरे पहिरोपीडित उपेक्षित : 'प्रकृति र सरकार दुवै निर्दयी'

सिन्धुपाल्चोक- कालु तामाङ तातोपानी बसेर मजदुरी गर्थे। उनको गाउँ कागुनेमा कोदो रोप्ने चटारो थियो। खेताला नपाएर आजित पत्नीले राति सुत्ने बेलामा उनलाई फोनबाट गुनासो गरिन्। कालुले बिहानै कोदो रोप्न आइपुग्ने...

राजधानी भित्रनेलाई कडा जाँच

राजधानी भित्रनेलाई कडा जाँच

काठमाडौं- राजधानी भित्रिने यात्रुलाई प्रहरीले मुख्य नाकामा कडा जाँच गर्न थालेको छ। सुरक्षाको कारण देखाउँदै प्रहरीले नागढुंगालगायत विभिन्न ठाउँमा जाँच कडा पारेपछि यात्रुले सास्ती पाएका छन्। के कारणले जाँच गरिएको...

नजलेका काठको क्षतिपूर्ति सिफारिस

डडेल्धुरा- जिल्ला दैवीप्रकोप उद्धार समितिले विभिन्न राजनीतिक दलसँग आबद्ध काठ ठकेदारको दबाबमा आगलागी नभएका काठसमेतको क्षतिपूर्ति दिलाइदिने प्रपञ्च गरिरहेको छ।

अन्तर्राष्ट्रिय बौद्ध सम्मेलनको घोषणापत्र लुम्बिनीबाट जारी गरिने

भैरहवा—पर्यटनमन्त्री आनन्द पोख्रेलले २५६० औं बुद्धजयन्तीको अवसरमा हुने दुइ दिने बौद्ध सम्मेलनको घोषणा पत्र लुम्बिनीमा प्रस्तुत गरीने बताएका छन्। आइतबार लुम्बिनीमा आयोजना गरीएको पत्रकार सम्मेलनमा बोल्दै मन्त्री पोख्रेलले बौद्ध सम्मेलनको...

लुम्बिनीको अखण्ड शान्तिदीपको ज्योती सगरमाथा आधारशिविर लगिदै

भैरहवा—गत बर्षको भूकम्प र नाकाबन्दीले पर्यटन क्षेत्रमा पारेको असर र अन्तरराष्ट्रिय जगतमा फैलिएको भ्रमलाई चिर्दै पर्यटन प्रवर्द्दन गर्ने उदेश्यले बुद्धजन्मस्थल लुम्बिनीको शान्तिदीपको ज्योती सगरमाथा आधार शिविर लगीने भएको छ।