Sunday 1 Mangshir, 2076 | November 17, 2019
Menu

समाज

republica-headerdiscount-subscribe1

istl

लागू भएन बढेको ट्राफिक जरिवाना

(0 votes)
काठमाडौं- सवारी नियम मिच्ने चालकलाई १ हजार ५ सय रुपैयाँसम्म जरिवाना गर्ने कानुन लागू गर्न सरकार पुनः पछाडि हटेको छ। बढेको जरिवाना लागू नगर्न यातायात व्यवसायीको दबाबलाई गृह मन्त्रालयले नै साथ दिएको छ।
nepali-patro-may
व्यवसायीसँग शुक्रबार भएको छलफलमा मन्त्रालयले यातायात व्यवसायीकै पक्षमा निर्णय गरेको हो। मन्त्रालयले नियमविपरीत सवारी चलाउनेलाई न्यून जरिवाना हुँदा दुर्घटना बढ्नुका साथै सडकमा अराजकता बढेको भन्दै यातायात व्यवस्था ऐन ०४९ मा संशोधन गरी जरिवाना रकम २० गुनासम्म बढाएको थियो। उक्त जरिवाना जेठ १ गते शनिबारदेखि देशैभरि लागू हुने गर्ने तयारी थियो। नयाँ व्यवस्थाअनुसार चालकले नियम मिचे न्यूनतम ५ सय रुपैयाँ जरिवाना हुने व्यवस्था छ।

सडकमा सिन्डिकेट गर्दै आइरहेका व्यवसायीको दबाबसामु झुक्दै गृहमन्त्रीले नै जरिवाना लागू नगर्न निर्देशन दिएको छलफलमा सहभागी एक प्रतिनिधिले नागरिकलाई जानकारी दिए। 'गृहमन्त्री नै व्यवसायीको पक्षमा उभिएकाले कानुन कार्यान्वयन गर्न नसकिने अवस्था आएको हो,' उनले भने, 'सिन्डिकेट अन्त्य गर्छु भन्ने मन्त्री नै व्यवसायीप्रति उदार देखिनु भयो।' उनका अनुसार छलफलमा गृहमन्त्री शक्ति बस्नेत, गृह मन्त्रालयका सहसचिव यादव कोइराला, नेपाल यातायात व्यवसायी राष्ट्रिय महासंघ प्रतिनिधि, नेपाली कांग्रेस, एमाले, एमाओवादी र क्रान्तिकारी माओवादीनिकट ट्रेड युनियन पदाधिकारीको सहभागिता थियो।

छलफलमै सहभागी नेपाल यातायात व्यवसायी राष्ट्रिय महासंघका महासचिव सरोज सिटौलाले बढेको जरिवाना कार्यान्वयन गर्ने विषयमा मन्त्रालय तत्काललाई पछाडि हटेको जानकारी दिए। 'जेठ १ गतेबाट लागू हुने भनिएको नयाँ जरिवाना तत्काल लागू नगर्ने सहमति भएको छ,' उनले भने, 'यो निर्णयले झन्डै २० लाख चालक तथा यातायात व्यवसायीलाई फाइदा पुगेको छ।'

सडकमा आवश्यक पूर्वाधार सुधार गर्नतर्फ ध्यान नदिई एकतर्फी ढंगले चालक तथा व्यवसायीलाई दुःख दिने नियतले ल्याइएको कानुन मान्न नसकिने उनको भनाइ छ। 'सडकमा कुनै पूर्वाधार नै छैन,' उनले भने, 'सरकार पहिला सबै पूर्वाधार पूरा गर्न सफल होस्, त्यसपछि मात्र जरिवानाको कुरा आउँछ।' उनले चालक अनुशासित हुनुपर्ने विषयमा महासंघले पनि कार्यक्रम चलाउने जानकारी दिए।

गृहप्रवक्ता यादवप्रसाद कोइरालाले व्यवसायीले न्यूनतम कारबाहीका विषयमा सुधार गर्नुपर्ने माग राखेकाले छलफल जारी रहेको जानकारी दिए। 'उहाँहरूले केही बुँदामा सुधार गर्नुपर्ने माग राख्नुभएको छ,' उनले भने, 'त्यस विषयमा छलफल गर्दै क्रमशः नियम लागू गर्ने हो।'

महासचिव सिटौलाले सडकमा ट्राफिक बत्ती, जेब्राक्रसिङ, लेन छुट्ट्याउने संकेत, मार्किङ, सवारी रोक्न स्थान, पार्किङलगायत आवश्यक पूर्वाधार पूरा नगरी जरिवाना मात्र बढाउनुका पछाडि कमिसनको खेल रहेको आरोप लगाए।

'सरकारले साँच्चिकै दुर्घटना न्यूनीकरण र सडकमा अनुशासन कायम राख्न खोजेको हो भने सम्पूर्ण पूर्वाधार तयार गर्नतर्फ ध्यान दिनुपर्छ,' उनले भने, 'सडक झन् जीर्ण बन्दै गएको छ, पाँच वर्षअगाडि बनाइएको जेब्राक्रसिङ कहाँ छ भनेर खोज्नुपर्ने हुन्छ।'

यसअघि पनि व्यवसायीकै दबाबका कारण दुई साताअघि लागू गर्ने भनिएको उक्त नियम रोकिन पुगेको थियो।

सरकारले यातायात व्यवस्था ऐन ०४९ को दफा १६४ मा रहेको जरिवानाको व्यवस्था संशोधन गर्दै न्यूनतम जरिवानाबापत ५ सय रुपैयाँ हुने गरी बढाएको हो। विगतमा कारबाहीबापत चालकले न्यूनतम २५ रुपैयाँ जरिवाना तिर्नुपर्ने व्यवस्था थियो। यस्तै नियमविपरीत सवारी चलाउनेलाई ट्राफिक प्रहरीले १ हजार ५ सय रुपैयाँसम्मको चिट काट्न सक्ने गरी जरिवाना रकम बढाइएको छ। यसअघि मापसेमा सबैभन्दा बढी एक हजार रुपैयाँ मात्र जरिवाना हुने व्यवस्था थियो।

सरकारले ऐनमा भएको २५ रुपैयाँदेखि ५० रुपैयाँसम्म, ५० देखि १ सय रुपैयाँसम्म र १ सयदेखि २ सय रुपैयाँसम्म कारबाहीको दर संशोधन गर्दै क्रमशः ५ सय, १ हजार र १ हजार ५ सय बनाएको हो। नयाँ जरिवानाको व्यवस्थाअनुसार न्यूनतम ५ सय रुपैयाँ जरिवाना पाएको चालकले पटकपटक एउटै अपराध गरेमा क्रमशः जरिवाना दर बढ्दै जानेछ। पहिलोपटक ५ सय, दोस्रोपटक एक हजार र तेस्रोपटक १हजार ५ सय जरिवाना हुनेछ। पाँच पटकसम्म कारबाहीमा परेको चालको लाइसेन्स ६ महिनाका लागि खारेज हुने उल्लेख छ।

महाशाखाका अनुसार मादकपदार्थ सेवन गरी वा अनुमतिपत्रबिना सवारी चलाए, सार्वजनिक स्थानमा बाधा पुग्ने गरी मालसामान वा सवारी राखे, अनुमतिपत्र प्राप्त नगरेको व्यक्तिलाई सवारी चलाउन दिए एक हजार रुपैयाँ जरिवाना हुनेछ।

यस्तै, तोकिएभन्दा बढी मालसामान राखे, सवारीको वजन हद निर्धारण क्षेत्रमा बढी वजनको सवारी चलाए, प्रयोजनविपरीत सवारी चलाए, हेलमेट नलगाए, सवारी आवागमनमा बाधा पुर्यारए, अरू सवारीलाई जोखिम हुने किसिमले सवारी राखे, छतमा यात्रु राखेको भेटिए ५ सय जरिवाना हुनेछ।

यसैगरी, ट्राफिक संकेत वा इसारा उल्लंघन गरी सवारी चलाए, निषेध गरिएको ठाउँ वा समयमा सवारी अड्याए, सवारी मोडे वा ध्वनि दिए, गलत साइडबाट चलाए, अवस्था ठीक नभएको गाडी, तीव्र गति, रातको समयमा बत्ती नबाली, नम्बर प्लेट नराखीकन, तोकिएभन्दा बढी मालसमान वा मानिस राखे, सार्वजनिक सवारीको चालकले यात्री लिन इन्कार गरे, निर्धारित दरभन्दा बढी भाडा लिए, लापरबाहीसाथ चलाए, बाटो इजाजत पत्र नलिए, सवारी चालक अनुमतिपत्र, सवारी दर्ता किताब, सवारी इजाजतपत्र साथमा नराखी सवारी चलाए १ हजार ५ सय रुपैयाँ जरिवाना हुने संशोधित ऐनमा उल्लेख छ।

प्रतिक्रिया

चट्याङले दुई युवतीको मृत्यु, एक घाइते

तनहुँ- जिल्लाको काहुँसिवापुर गाविस–७ बस्ने खेम रानाको घरमा हिजो साँझ चट्याङ पर्दा उनकी १८ वर्षीया छोरी गुलाबी राना र वर्षीया २० मौसमी राना घाइते भएकोमा मौसमी रानाको दमौली अस्पतालमा राति...

असारदेखि घर-नक्सा पूर्ण डिजिटल

काठमाडौं- काठमाडौं महानगरपालिकाले घरका नक्सा पास प्रणाली असारदेखि ३५ वटै वडामा डिजिटल (विद्युतीय) बनाउने भएको छ। गएको मंसिरमा सात वटा वडाका नक्सा पासमा लागू डिजिटल प्रणाली अहिले १४ वटा वडामा...

राजमार्गमा छैन फुटपाथ

भक्तपुर- अरनिको राजमार्गको सूर्यविनायक–बनेपा सडकखण्डमा बटुवाहरू असुरक्षित रुपमा हिँडन बाध्य छन्। यसको एक मात्र कारण दुई लेनको उक्त सडकखण्डमा बटुवा हिँडनका लागि फुटपाथ नै छैन।

जुरे पहिरोपीडित उपेक्षित : 'प्रकृति र सरकार दुवै निर्दयी'

जुरे पहिरोपीडित उपेक्षित : 'प्रकृति र सरकार दुवै निर्दयी'

सिन्धुपाल्चोक- कालु तामाङ तातोपानी बसेर मजदुरी गर्थे। उनको गाउँ कागुनेमा कोदो रोप्ने चटारो थियो। खेताला नपाएर आजित पत्नीले राति सुत्ने बेलामा उनलाई फोनबाट गुनासो गरिन्। कालुले बिहानै कोदो रोप्न आइपुग्ने...

राजधानी भित्रनेलाई कडा जाँच

राजधानी भित्रनेलाई कडा जाँच

काठमाडौं- राजधानी भित्रिने यात्रुलाई प्रहरीले मुख्य नाकामा कडा जाँच गर्न थालेको छ। सुरक्षाको कारण देखाउँदै प्रहरीले नागढुंगालगायत विभिन्न ठाउँमा जाँच कडा पारेपछि यात्रुले सास्ती पाएका छन्। के कारणले जाँच गरिएको...

नजलेका काठको क्षतिपूर्ति सिफारिस

डडेल्धुरा- जिल्ला दैवीप्रकोप उद्धार समितिले विभिन्न राजनीतिक दलसँग आबद्ध काठ ठकेदारको दबाबमा आगलागी नभएका काठसमेतको क्षतिपूर्ति दिलाइदिने प्रपञ्च गरिरहेको छ।

अन्तर्राष्ट्रिय बौद्ध सम्मेलनको घोषणापत्र लुम्बिनीबाट जारी गरिने

भैरहवा—पर्यटनमन्त्री आनन्द पोख्रेलले २५६० औं बुद्धजयन्तीको अवसरमा हुने दुइ दिने बौद्ध सम्मेलनको घोषणा पत्र लुम्बिनीमा प्रस्तुत गरीने बताएका छन्। आइतबार लुम्बिनीमा आयोजना गरीएको पत्रकार सम्मेलनमा बोल्दै मन्त्री पोख्रेलले बौद्ध सम्मेलनको...

लुम्बिनीको अखण्ड शान्तिदीपको ज्योती सगरमाथा आधारशिविर लगिदै

भैरहवा—गत बर्षको भूकम्प र नाकाबन्दीले पर्यटन क्षेत्रमा पारेको असर र अन्तरराष्ट्रिय जगतमा फैलिएको भ्रमलाई चिर्दै पर्यटन प्रवर्द्दन गर्ने उदेश्यले बुद्धजन्मस्थल लुम्बिनीको शान्तिदीपको ज्योती सगरमाथा आधार शिविर लगीने भएको छ।