पुर्वपश्चिम राजमार्गअन्र्तगत रुपन्देहीको सालझण्डी ७ बनकट्टामा पूर्वबाट पश्चिम तर्फ जाँदै गरेको ना ३ ख ७६४३ नम्वरको बसलाई सोही दिशातर्फ जाँदै गरेको ना ५ ख ३९१३ नम्वरको बसले ठक्कर दिएपछि भएको दुर्घटनामा एक जनाको मृत्यु भएको र १८ जना घाइते भएको प्रहरीले जनाएको छ।

दुर्घटनामा परी बर्दिया गुलरीयाका २३ वर्षिय लाल बहादुर मगरको मृत्यु भएको इलाका प्रहरी कार्यालय बुटवलले जनाएको छ। दुर्घटनामा गम्भिर घाइते भएका मगरको लुम्विनी अञ्चल अस्पताल बुटवलमा उपचारकाक्रममा मृत्यु भएको हो। गम्भिर घाइते २ जनाको अञ्चल अस्पतालमा उपचार भइरहेको र अन्य घाइते सामानय उपचार पश्चात घरतर्फ लागेको
प्रहरीले जनाएको छ।

यस्तै बुटवलको बस पार्क नजिकै बिहीबार बिहान एउटा जीपको ठक्करबाट एक जनाको मृत्यु भएको छ । बिहीबार बिहान अन्दाजी ३ बजे नम्बर नखुलेको जीपले ठक्कर दिँदा अन्दाजी ४५ वर्षीय एक पुरुषको मृत्यु भएको पश्चिम क्षेत्रीय ट्राफिक प्रहरी कार्यालय बुटवलले जनाएको छ।