टस जितेर ब्याटिङ गरेको पन्जाबले निर्धारित २० ओभरमा ४ विकेट गुमाएर १ सय ७९ रन बनाएको थियो। १ सय ८० रनको लक्ष्य हैदरावादले ३ विकेट गुमाएर २ बल अघि पुरा गरेको थियो। १२ मध्ये ८ खेलमा जित निकालेको हैदरावाद १६ अंकसहित लिगको शिर्ष स्थानमा छ।

हैदरावादका लागि वार्नरले ४१ बलमा ५ चौका र १ छक्का सहित ५२ रन बनाए। शिखर धवन २५ रन जोडेर रन आउट भए। दिपक होडाले ३४ रन बनाए। युभराज सिंहले २४ बलमा ३ चौका र ३ छक्का प्रहार गर्दै ४२ रनमा अविजित रहे। बने कटिङले ११ बलमा २ छक्का सहित अविजित १८ रन बनाए।

पन्जाबका सन्दिप शर्मा र अक्सर पटेलले १/१ विकेट लिए।

त्यसअघि पन्जाबका लागि हसिम अमलाले ९६ रन बनाएका थिए। ऋदिमन शाह र गुरकिरात सिंह मानले २७ रनको समान स्कोर जोडे। डेभिड मिल्नर २० रनमा अविजित रहे। हैदरावादका भुवनेश्वर कुमारले २ विकेट लिए भने मुस्तफिजुर र मोसिस हेनरिक्सको नाममा १/१ विकेट रह्यो।