Wednesday 12 Ashwin, 2073 |
Menu

प्रवास

republica-headerdiscount-subscribe1

istl

जुत्ता

(0 votes)
nepali-patro-june
सूर्य हिँड्ने

शताब्दीऔं पुरानो अप्ठेरो यात्रा हिँडेपछि

आफ्नो मरुभूमिको जस्तो आँखा बोकेको

अनुहार चाटेर

चुपचाप चुपचाप बसिरहेको छु म

भोलिको बाटोको प्रतीक्षामा,

कहिल्यै साथ छाडिन मैले

हिमालमा, पहाडमा, बेँसीमा, तराईमा

प्रेम, युद्घ, प्राप्तिमा,

एकनास

आफ्नो थाप्लोलाई

साइज साइजको पैताला बनाएर हिँडिरहेँ म,

हिँडिरहेँ म

सडकदेखि सदनसम्म

घरबारदेखि दरबारसम्म,

यति लामो यात्रा हिँडिसक्दा पनि

कहिल्यै भनिन मैले

आज म थाकेको छु,

उमेरभन्दा लामो यो यात्राबाट

म उपेक्षाको अग्निले पाकेको छु,

याद गर

तिम्रो प्रत्येक यात्रालाई मैले

आफू खिइनुको दुःख

च्यातिनुको पीडा

दुख्नुको व्याकरण भुलेरै

प्राप्ति प्रिय सफलताको

आँखाको ढोकामै पु¥याएको छु,

ए मेरो मान्छे !

कहाँ पुगेर टुंगिन्छ खै तिम्रो यात्रा !

भन

म तिम्रो यात्रालाई सफल बनाएर मात्रै

फुकाल्छु आफ्नो शिर

पैतालाको पहाड जस्तो बोझबाट,

र, पर्खिरहन्छु

एउटा यस्तो पर्खाइ

मानिसले जित्ने सपनाहरूको जंगलमा

घाम हराएझैं

चुपचाप बसिरहन्छु

जिजीविषाको मेलामा,

तयार गर्छु म आफ्नो थाप्लोलाई

अहंकार जस्तो मानिसका खुट्टाहरूका लागि,

किनकि

देखाउनु छ मैले हिँड्ने बाटोकै आँखामा उभिएर

भोलिको प्रिय यात्राका लागि

मेरै प्रतीक्षामा बसेको

लोभी मानिसको

मौसमी अनुहारलाई ।

Leave a comment