Wednesday 8 Bhadra, 2073 |
Menu

अर्थ

republica-headerdiscount-subscribe1

istl

चिनियाँ मजदुरलाई ज्याला नदिने व्यापारीको अडान

(0 votes)
सिन्धुपाल्चोक - ट्रान्सपोर्टेसन कम्पनीका कामदारले ज्याला बढाएको विरोधमा १० दिनदेखि आयात रोकेर आन्दोलनरत नेपाली व्यापारीले पुरानै दरमा काम गर्न चिनियाँ अधिकारीले गरेको आग्रहलाई अस्वीकार गरेका छन्। उनीहरुले ज्यालाको नाममा एक रुपैयाँ नतिर्ने अडान दोहोर्याकएपछि बन्द व्यापार तत्काल खुल्ने सम्भावना टरेको छ।
nepali-patro-june
समस्या हल गर्न चिनियाँ अधिकारी र आन्दोलनरत व्यापारीबीच मंगलबार तातोपानीमा भएको वार्ता बिनानिष्कर्ष टुंगिएको हो। तातोपानी भन्सार कार्यालयमा भएको वार्तामा चिनियाँ अधिकारीले पुरानै ज्याला दर कायम हुने वातावरण बनाउने प्रतिबद्धता जनाउँदै व्यापारमा फर्कन गरेको आग्रह व्यापारीले ठाडै अस्वीकार गरे। 'थाहा नहुँदा चिनियाँ ट्रान्सपोर्टेसन कम्पनीका कामदारलाई हामीले त्यतिकै ज्याला दिंदै आएका रहेछौं। जुन तिर्नुनपर्ने रहेछ। अब एक पैसा तिर्नेवाला छैनौं,' आग्रह अस्वीकार गर्दै व्यापारीले एक स्वरमा भने। 
तातोपानी भन्सार र अध्यागमन कार्यालयको संयुक्त पहलमा वार्ता भएको थियो। उनीहरुको आग्रहमा नेलाम जिल्लाका प्रशासन र परराष्ट्र मामला हेर्ने चार अधिकारी वार्तामा बस्न आइपुगेका थिए। ज्याला नै नतिर्ने अडान हो भने ट्रान्सपोर्टेसन कम्पनीका अधिकारीसँगै छलफल गरी समाधान निकाल्न सुझाउँदै उनीहरु हिँडेका थिए। 'यो निजी क्षेत्रको सवाल भएकाले उनीहरुसँगै कुरा गर्नुस्। अहिले फुर्सद नभएकाले १२–१५ दिनपछि दुबै पक्ष राखेर हाम्रो प्रशासन मध्यस्धता गरिदिन तयार छ,' वार्तामा चिनियाँ अधिकारीको भनाइ उद्धृत गर्दै प्रमुख भन्सार अधिकृत मिमांश अधिकारीले भने। 
चिनियाँ ट्रान्सपोर्टेसन कम्पनीका मजदुरले सामग्री लोड/अनलोडमा प्रतिघनमिटर आयतन दुई युआन बढाएपछि नेपाली व्यापारी वैशाख २९ गतेदेखि आयात रोकेर विरोधमा छन्। मजदुरले प्रतिघनमिटर आयतन १३ बाट वृद्धि गरेर १५ युआन पुर्यातएका छन्। ज्याला वृद्धि निर्णयले एक कन्टेनरमा ८० युआन अर्थात १२ सय रुपैयाँ बढेको व्यापारीले बताएका छन्। व्यापारीहरुका अनुसार सामान्यतया एउटा कन्टेनरमा ४० घनमिटर आयतन सामग्री अट्छ। 
व्यापारीले ट्रान्सपोर्टेसन कम्पनीलाई बिमा, ढुवानी लगायतको एकमुष्ठ रकम पहिल्यै तिर्ने भएकाले खासास्थित गोदाममा ओराल्ने र गोदामबाट बाहिर निकाल्ने व्ययभार सम्बन्धित कम्पनीकै हुने भएकाले उनीहरुलाई ज्याला दिन नसक्ने नेपाल हिमालय सीमापार वाणिज्य संघका अधयक्ष नीलकण्ठ चौलागाईंले भने। चीनका विभिन्न सहरबाट ट्रान्सपोर्टेसन कम्पनीले खासासम्म ल्याएको सामान गोदाममा राख्दा र नेपाली कन्टेनरमा लोड गर्न गोदामबाट बाहिर निकाल्दा त्यहाँका कुल्लीले ज्यालामा रकम लिँदै आएका छन्।
'माया गरेर टिप्स दिँदा कामदारको बानी बिग्रेको हो। अहिले अधिकार झैं गरी आफैं नियम बनाउन थालेपछि विरोध गर्नुपरेको हो,' चौलागाईंले भने। उनले समस्याको हल नभइ व्यापारमा नफर्कने बताए। चिनियाँ कामदार र व्यापारीले अडान नछोडेकाले तत्काल सहमति नहुने सम्भावना देखेर स्थानीय प्रशासनले बिहीबारबाट हुने सीमा बैठकमा समस्या राख्ने गृहकार्य गरेको छ। छिमेकी सिन्धुपाल्चोक र नेलाम जिल्लाका प्रशासन एवम् सुरक्षा अधिकारीबीच तिब्बतको कुतीमा दुई दिन बैठक चल्दै छ। 
सोमबार अनिश्चितकालीन बन्दको घोषणा गरेका व्यापारीले मंगलबारबाट निर्यात पनि रोकेका छन्। स्याउ, लसुन लगायत चाँडै कुहिने कृषि उपजको भइरहेको आयात पनि उनीहरुले मंगलबारबाटै रोकेका छन्। तयारी लत्ताकपडा, जुत्ता, चप्पल, विद्युतीय सामान लगायत खास व्यापारिक सामग्रीको आयात ठप्प छ। आयात रोकिँदा कम्तीमा १० करोड रुपैयाँ राजस्व गुमेको तातोपानी भन्सारले जनाएको छ। भन्सारले दैनिक औसतमा डेढ करोड रुपैयाँ राजस्व संकलन गर्दै आएको छ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...