Thursday 16 Bhadra, 2073 |
Menu

अर्थ

republica-headerdiscount-subscribe1

istl

ग्यास उद्योगीसँग वार्ता हुने

(0 votes)
काठमाडौं - ग्यास उद्योगीले कमिसन दोब्बर बनाउन माग गर्दै हडतालमा उत्रिने चेतावनी दिएपछि आयल निगमले वार्ता समिति गठन गरेको छ। निगमको शुक्रबार बसेको सञ्चालक समिति बैठकले वार्ताबाट समस्या समाधान गर्न तीन सदस्यीय वार्ता समिति गठन गरेको हो।
nepali-patro-june


समितिमा वाणिज्य मन्त्रालयका सहसचिव दीपक सुवेदी, वाणिज्य विभागका महानिर्देशक नारायणप्रसाद बिडारी र निगमका निमित्त कार्यकारी निर्देशक सुरेशकुमार अग्रवाल रहेको स्रोतले बतायो।

'ग्यास उद्योगीसँग वार्ता गर्न समिति गठन भएको छ। तर समितिका सदस्यको नाम अहिले भन्न मिल्दैन,' निमित कार्यकारी निर्देशक अग्रवालले शनिबार नागरिकसँग भने, 'वार्ताबाटै समस्या समाधानको पहल हुनेछ।'

नेपाल एलपी ग्यास संघले बिहीबार पत्रकार सम्मेलन गर्दै १८ महिनादेखि आफ्ना माग सुनुवाइ नगरेको भन्दै हडतालमा उत्रिने चेतावनी दिएको थियो। चेतावनीपछि निगमले वार्ता समिति गठन गरेको हो। उता संघले भने वार्ताको कुनै औचित्य नरहेको जनाएको छ।

'कुनै एजेन्डामा छलफल गर्नुपर्ने भएमात्रै वार्ता हुन्छ। हाम्रा मागबारे सयपल्ट वार्ता भइसकेको छ,' संघका अध्यक्ष शिवप्रसाद घिमिरेले भने, 'फेरि पनि वार्ता गर्नुको औचित्य छैन।' वार्ताका लागि औपचारिक पत्र नआएको उनले बताए।

उद्योगीले कमिसन दोब्बर बनाउने माग सम्बोधन नभए सोमबारबाट हडताल कार्यक्रम घोषणा गर्ने चेतावनी दिइसकेको छ। घिमिरेले कमिसनबारे प्राविधिक समितिबाट आएको सुझाव कार्यान्वयन नगरेको बताए। प्राविधिक समितिको सुझाव कार्यान्वयन गरेर तत्कालै माग सम्बोधन गर्नुपर्ने उनको माग छ।

'झोलामा राख्ने' ग्यास प्लान्ट खारेज

निगमले सैद्धान्तिक सहमति लिएर ग्यास प्लान्ट नबनाउने कम्पनी खारेज गरेको छ। निगम सञ्चालक समितिको गत वैशाख २० मा बसेको बैठकले अनुमति लिएर पनि काम नगर्ने कम्पनीलाई खारेज गरेको निमित्त कार्यकारी निर्देशक अग्रवालले बताए।

'प्लान्टको अनुमति लिएर निर्माण नगर्ने सबै कम्पनी खारेज गरिएको छ,' उनले भने, 'निर्माण सकेकालाई प्रक्रिया पुर्‍याएर ग्यास खरिद आदेश (पिडिओ) जारी हुनेछ।'

निगमका अनुसार प्लान्ट निर्माण नथालेका कम्पनी करिब आधा दर्जन छन्। तत्कालीन कार्यकारी निर्देशक दिगम्बर झाको पालामा बोटलिङ प्लान्टको सैद्धान्तिक सहमति लिएका कम्पनीले समेत अहिलेसम्म प्लान्ट निर्माण थालेका छैनन्। मुलुकमा अहिले ५२ बोटलिङ प्लान्ट सञ्चालनमा छन्। स्रोतका अनुसार सौभाग्य, सौजन्य, समवृद्धि, स्ट्यान्डर्ड, सनसाइनलगायत कम्पनीले पूर्वाधार तयार गरेका छैनन्।

'पूर्वाधार तयार नगरी प्लान्ट अनुमति लिनेलाई निरुत्साहित गरिनेछ,' अग्रवालले भने, 'बोटलिङ प्लान्टको पूर्वाधार तयार गरेकाले भने प्रक्रिया पूरा गरेपछि अनुमति दिइनेछ।

तीन बोटलिङ प्लान्टको स्थलगत अनुगमन गरेपछि निमग पिडिओ दिने चरणमा छ। त्रिवेणी, कन्काई र आरतीको प्राविधिक टोलीले स्थलगत अनुगमन गरेको थियो। त्यसआधारमा ती कम्पनीलाई सुधारको निर्देशन दिइएको छ। तिनले सुधार गरेपछि पिडिओ पाउनेछन्। योबाहेक अन्य तीन प्लान्टले पनि पूर्वाधार तयार भएको भन्दै निगममा स्थलगत निरीक्षणका लागि निवेदन दिएका छन्।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...