12 Falgun, 2074 |
Menu

अर्थ

republica-headerdiscount-subscribe1

istl

भारतबाट आयातीत तरकारीमा उच्च विषादी

(1 Vote)
कालीमाटी तरकारी बजारमा किनमेल गर्दै सर्वसाधारण। फाइल तस्बिर कालीमाटी तरकारी बजारमा किनमेल गर्दै सर्वसाधारण। फाइल तस्बिर
काठमाडौं- भारतबाट उच्च विषादीयुक्त तरकारी आयात भइरहेको प्रयोगशाला परीक्षणले देखाएको छ। कालिमाटी फलफूल तथा तरकारी बजारले विभिन्न ठाउँबाट बिक्रीका लागि ल्याइएका तरकारीमा विषादीको मात्रा परीक्षण गर्दा यस्तो नतिजा आएको हो।

nepali-patro-june
असार ४ देखि १० गतेसम्म कालिमाटी बजारमा ल्याइएका तरकारी परीक्षण गर्दा भारतबाट आयातीतमा विषादीको मात्रा (निषेध दर) ९० भन्दा माथि रहेको कृषि मन्त्रालयले जनाएको छ। यो तोकिएको मापदण्डको तुलनामा दोब्बरभन्दा बढी हो। सरकारी मापदण्डअनुसार तरकारी तथा फलफूलमा विषादीको निषेध दर ३५ भन्दा बढी हुनुहुँदैन। विश्व स्वास्थ्य संगठनले त ३० सम्मको तरकारीलाई मात्र खानयोग्य मानेको छ। नेपाली उत्पादनमा भने निषेध दर ३४ रहेको प्रयोगशाला परीक्षणले देखाएको छ।
'६ दिनमा ३० प्रकारका तरकारीको विषादी परीक्षण गरियो,' मन्त्रालयका सहसचिव मोहन चापागाईंले नागरिकसँग भने, 'भारतबाट आयात भएका अधिकांश तरकारीमा उच्च विषादी मिसाइएको फेला परेको छ।' 
मंगलबार बिहान भारतबाट ल्याइएको आलु र वीरगन्जबाट ल्याइएको खुर्सानीको ट्रकबाट नमूना लिएर विषादी मापन गर्दा निषेध दर ९० भन्दा बढी भेटिएको उनले जानकारी दिए। सरकारले तरकारीलाई ट्रकसहित नियन्त्रणमा लिएको छ। अत्यधिक विषादी पाइएका अन्य तरकारी पनि बिक्री गर्न रोक लगाइएको चापागाईंले बताए।
सरकारले असार ४ गतेबाट मात्रै कालिमाटी बजारमा विषादी मापक मेसिन सञ्चालनमा ल्याएको हो। उक्त मेसिन उद्घाटन गर्दै मुख्यसचिव लीलामणि पौड्यालले परीक्षणका क्रममा मापदण्डभन्दा बढी विषादी भेटिए कालिमाटी बजारको गेटबाटै भित्र छिर्न नदिन कर्मचारीलाई निर्देशन दिएका थिए। त्यसैअनुरुप कृषिका सहसचिव चापागाईंले परीक्षण नतिजा पाउनेबित्तिकै फोन गरेर बिक्री रोक्न निर्देशन दिएका हुन्।
उनका अनुसार भारतबाट आयातीत आलु र खुर्सानीमा विषादीको मात्रा सबैभन्दा बढी (९० भन्दा माथि) पाइएको छ। भारतबाटै आएका लौका, काँक्रो, भान्टामा पाइएको विषादीको निषेध दर ८० देखि ९० सम्म छ। 'नेपाली तरकारीमा पनि विषादी भेटिएको छ, तर खानै नहुने छैन,' बाली संरक्षण निर्देशनालयका वरिष्ठ बाली अधिकृत प्रदीप भण्डारीले भने, 'स्वदेशमा उत्पादितभन्दा भारतबाट आएका तरकारी स्वास्थ्यका लागि हानिकारक छ।'
मन्त्रालयले ३६ देखि ४५ सम्म निषेध दर भएका तरकारी वा फलफूललाई तीन दिन फ्रिजमा राखेर खान मिल्ने बताएको छ। त्योभन्दा बढी विषादी भए तरकारी जफत गरिन्छ। परीक्षणबाट खराब देखिएर जफत गरिएका तरकारी के गर्ने भन्नेबारे अहिलेसम्म निर्देशिका बनेको छैन। यसले ती तरकारी फिर्ता पठाउने कि नष्ट गर्ने भन्नेबारे टुंगो लागेको छैन। एक साताभित्र निर्देशिका बनिसक्ने चापागाईंले बताए।
विषादी मापन गर्न कालिमाटी बजार व्यवस्थापन समितिले विभिन्न ठाउँबाट आएका सबै किसिमका तरकारीबाट २ देखि ५ वटा नमूना संकलन गर्छ। उक्त नमूनालाई 'स्पेट्रोफोटोमिटर' नामक विषादी मापक मेसिनमा राखेर मापन गरिन्छ। यसको निम्ति सबभन्दा पहिला तरकारीलाई मसिनो गरी काटेर एउटा रसायनसँग मिसाइन्छ। त्यसबाट पहेँलो रङ निस्किन्छ। विषादी थोरै भए पहेँलो रङ बढी हुन्छ। विषादी बढी भए पहेँलो कम हुन्छ। यही रङका आधारमा तरकारी तथा फलफूलमा विषादीको निषेध दर मापन गरिन्छ।
एसियामा यस्तो मेसिन जडान गर्ने नेपाल चौथो हो। ताइवान, भियतनाम, चीन र नेपालमा मात्रै तरकारीको विषादी मापन गर्ने मेसिन जडान गरिएको मन्त्रालयको दाबी छ। 'एक किसिमका तरकारीको नमूना परीक्षण गर्न ३ घन्टा लाग्छ,' चापागाईंले भने, 'दिनमा ५ देखि ६ थरिका तरकारीको नमूना मात्र परीक्षण गरिन्छ।'
कालिमाटी बजारका अनुसार काभ्रेका पाँचखाल, धादिङ, मकवानपुर, ललितपुर र भक्तपुर जिल्लाबाट आएका तरकारीमा मापदण्डभन्दा बढी विषादी भेटिएको छ। यी जिल्लाबाट आएका तरकारीमा विषादीको निषेध दर ४५ सम्म भेटिएको मन्त्रालयले जनायो।
कृषि मन्त्रालयको तथ्यांकअनुसार विश्वव्यापी औसतभन्दा नेपालमा पाँच गुणा बढी विषादी प्रयोग हुने गरेको छ। 'युरोप तथा अमेरिकामा एक हेक्टरमा १ सय ४२ ग्राम विषादी प्रयोग हुन्छ,' चापागाईंले भने, 'नेपालमा प्रतिहेक्टर क्षेत्रफलमा ५ सय ग्राम विषादी प्रयोग हुन्छ।' तरकारीमा त प्रतिहेक्टर १ हजार ४ सय ग्रामसम्म विषादी प्रयोग हुने गरेको उनले बताए।
मन्त्रालयका अनुसार उपत्यकामा दैनिक १ हजार ३ सय टन तरकारीको माग छ। दैनिक ९ सय टन मात्रै आपूर्ति हुँदै आएको छ। हाल कालिमाटी फलफूल तथा तरकारी बजारले दैनिक ५ सय र बल्खु कृषि तथा तरकारी बजारले ४ सय टन तरकारी तथा फलफूल बिक्री गर्दै आएको छ। भारतका गुजरात, उत्तरप्रदेशलगायत क्षेत्रबाट आलु, गोलभेँडा, अदुवा तथा अन्य तरकारी आयात हुँदै आएको छ। नेपालमा वार्षिक ४५ अर्ब रुपैयाँ बराबरका फलफूल तथा तरकारी आयात हुने गरेको कृषि मन्त्रालयको तथ्यांक छ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...