Thursday 23 Mangshir, 2073 |
Menu

अर्थ

republica-headerdiscount-subscribe1

istl

'महाधिवेशन संवैधानिक अधिकार'

(0 votes)
काठमाडौं– नेपाली कांग्रेसका केन्द्रीय सदस्य तथा सांसदले महाधिवेशन गर्ने संवैधानिक हक र अधिकार भएको भन्दै प्रतिनिधि छनोटलाई शान्तिपूर्ण रुपमा आयोजना गर्न दिन मधेसमा आन्दोलनरत पक्षलाई अपिल गरेको छ।


nepali-patro-june
महाधिवेशन प्रतिनिधि छनोट हुनु तीन दिनअघि कांग्रेसका प्रदेश नम्बर २ का करिब २ दर्जन केन्द्रीय नेता तथा सांसदले संयुक्त विज्ञप्ति निकाल्दै महाधिवेशन प्रतिनिधि छनोटका लागि सद्भाव र सहयोगका लागि आह्वान गरेको हो ।

यसअघि कांग्रेस संसदीय दलको कार्यालय सोमबार र मंगलबार प्रदेश नम्बर २ का केन्द्रीय सदस्य तथा सांसदहरुको बैठक बसेको थियो । बैठकले आन्दोलनरत संयुक्त लोकतान्त्रिक मधेसी मोर्चालाई औपचारिक रुपमा आह्वान गर्न विज्ञिप्त निकालेको हो ।

'कांग्रेसका प्रतिनिधि छनोटका लागि शुक्रबारबाट प्रतिनिधि छनोट कार्यक्रम सुरु हुँदैछ । अहिले आन्दोलनका कारण गाडीसम्म चल्न दिएका छैनन् । त्यसले प्रभावित हुने देखिएको छ,' कांग्रेस सांसद किरण यादवले नागरिकसँग भनिन्, 'महाधिवेशन कार्यक्रम प्रभावित नहोस् भनेर सरकारलाई शान्तिसुरक्षा दिन र आन्दोलनकारीलाई अवरोध नगर्न अपिल गरेका हौं ।'

केन्द्रीय समितिले सोमबारको बैठकले पनि मधेसी मोर्चालाई कार्यक्रममा कुनै पनि अवरोध नगर्ने र सरकारलाई पर्याप्त मात्रमा सुरक्षा दिन आग्रह गरेको थियो ।

संविधानप्रति असन्तुष्टि जनाउँदै आएको मधेसी मोर्चाले संविधान जारी गर्ने प्रमुख दलका सांसदलाई जिल्ला प्रवेश गर्न नदिनेसम्मका कार्यक्रम ल्याएको छ । संविधान जारी भएपछि छठ मनाउन जिल्ला पुगेका सांसदहरु आन्दोलनकारीको दबाब थेग्न नसकेर राजधानी फिरेका थिए ।

पार्टी कार्यकर्तालाई पनि सौहाद्रपूर्ण वातावरणमा प्रतिनिधि छनोट गर्न गर्न आह्वान गरिएको सो विज्ञिप्तमा उनीहरुले आग्रह गरेका छन् ।

संविधान संशोधन विधेयक परिमार्जनसहित पारित भइसकेको र बाँकी रहेका विषयसमेत छलफलका माध्यमबाट टुङ्ग्याउन सकिने भन्दै विज्ञप्तिमा भनिएको छ, 'यसबाट अहिलेको गतिरोध सहज भई सकारात्मक दिशामा अघि बढ्ने अपेक्षा छ ।'

'संशोधनले आन्दोलनका केही प्रमुख विषयलाई सम्बोधन गरेको हुँदा प्राप्त उपलब्धिलाई सकारात्मक रुपमा लिँदै सीमांकन, नागरिकता, राष्ट्रिसभामा प्रतिनिधित्व, भाषा लगायत अन्य विषय वार्ता, छलफल र सार्थक संवादबाट समाधान गर्न सकिने र यसका लागि अग्रसरता लिने कुरामा नेपाली कांग्रेस विश्वास व्यक्त गर्दछ,' विज्ञप्तिमा भनिएको छ ।

विज्ञप्ति जारी गर्नेमा विमलेन्द्र निधि, आनन्दप्रसाद ढुंगाना, फर्मुला मन्सुर, सीतादेवी यादव, गणेश मण्डल, रामअयोध्याप्रसाद यादव, अमियकुमार यादव, मिनाक्षी झा, पद्मनारायण चौधरी, महेन्द्र यादव, प्रेमकिशोर साह, सीताराम भण्डारी छन् । त्यसैगरी प्रमिला दास, लक्ष्मी भण्डारी, किरण यादव, रामकृष्ण यादव, रामचन्द्र यादव, राधेचन्द्र यादव, सुुनिल यादव, लालबाबु सिंह, हरेशप्रसाद महतो छन् ।

कांग्रेस नेता बिमलेन्द्र निधि र आनन्दप्रसाद ढुंगानासहितका नेताले आन्दोलनरत मधेसी मोर्चाका दोस्रो पुस्ताका नेतासँग महाधिवेशन प्रतिनिधि छनोटलाई सहज बनाउने विषयमा अनौपचारिक छलफल गरेका छन् ।

यसैबीच, कांग्रेस महाधिवेशनको निर्वाचन समितिका प्रमुख रहेका राधेश्याम अधिकारीले पनि शुक्रबारबाट मधेसी मोर्चाको आन्दोलन रहेको ८ जिल्लासहित ७५ जिल्लामा प्रतिनिधि छनोट कार्यक्रम सुरु हुने अपेक्षा गरेको बताएका छन् ।

'प्रत्येक जिल्लामा हामीले प्रतिनिधि खटाइसकेका छौं । अधिकांश जिल्लामा प्रतिनिधि पुगिसक्नुभएको छ । केही ठाउँमा नपुग्नु भएको भए विशिष्ठ कारणले मात्रै होला । आन्तरिक रुपमा तयारी राम्रोसँग भएको छ,' अधिकारीले नागरिकसँग भने, 'यो कांग्रेसका महायज्ञ हो । यसमा कसैले अवरोध पु¥याउनु होला जस्तो लाग्दैन ।'

फागुन २० देखि २३ सम्म काठमाडौंमा हुने महाधिवशेनका लागि माघ १५ र १६ गते गाउँ, २२ गते क्षेत्र र २५ गते जिल्ला अधिवेशन गर्न निर्णय कांग्रेसले गरेको छ । मधेसमा जारी आन्दोलनसहितका कारण कार्यतालिकामा केही परिमार्जन गर्न सक्ने निर्णय केन्द्रीय समितिले दिएको छ ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...