Tuesday 11 Ashwin, 2073 |
Menu

अर्थ

republica-headerdiscount-subscribe1

istl

तीन वर्षपछि सुन्तला उत्पादन बढ्यो

(0 votes)
तीन वर्षपछि सुन्तला उत्पादन बढ्यो
गोरखा- सुन्तलाका लागि प्रख्यात जिल्ला गोरखामा तीन वर्षपछि यसपल्ट उत्पादन बढ्ने अनुमान छ। जिल्ला कृषि विकास कार्यालयले यस वर्ष सुन्तला उत्पादन १०–१२ प्रतिशत वृद्धि हुने अनुमान गरेको हो।
nepali-patro-june
सुन्तला उत्पादनको पकेट क्षेत्र मनकामना, ताङलीचोक, देउरालीलगायत गाविसमा सुन्तला उत्पादन बढेकाले गोरखामा उत्पादन वृद्धि हुने जिल्ला कृषि विकास कार्यालयका बागवानी विकास अधिकृत विरेन्द्र धितालले बताए। सुन्तलाका बगैँचा मर्दै जान थालेपछि खेती नै छाड्ने अवस्थामा पुगेका किसान यस वर्ष उत्पादन बढेपछि उत्साहित भएका छन्।

उत्पादनसँगै यस वर्ष सुन्तलाको मूल्य पनि बढेको छ। किसानले बोटबाटै प्रतिकिलो ५०–६० रुपैयाँमा सुन्तला बिक्री गरेका छन्। गत वर्षको तुलनामा यस वर्ष सुन्तलाको मूल्य प्रतिकिलो १० रुपैयाँ बढेको हो। खुद्रा मूल्य बजारमा ८० रुपैयाँ प्रतिकिलोभन्दा बढी छ।

विसं २०६९ देखि ०७१ सम्म सुन्तला उत्पादनमा वर्षेनी २ करोड नोक्सान भइरहेको थियो। २०७० मा उत्पादन घटेर ७८ सय मेटि्रकटन सुन्तला उत्पादन भएको थियो। ९ सयदेखि हजार हेक्टर जमिनमा सुन्तला खेती हुँदै आएको छ। गत वर्ष करिब ७ हजार मेटि्रकटन मात्र सुन्तला उत्पादन भएको थियो। यस वर्ष करिब ९ हजार मेटि्रक टन उत्पादन हुने अनुमान कार्यालयको रहेको बागबानी विकास अधिकृत धितालले बताए।

गोरखाको नारेश्वर, ताक्लुङ, मास्किछापका किसान भने अघिल्लो वर्षभन्दा आफ्नो क्षेत्रमा उत्पादन घटेको बताउँछन्। बोट मर्दै गएर सुन्तला थोरै फलेको ताक्लुङ–९ कि हरिमाया थापा बताउँछिन्। उनको बगैँचामा सुन्तलाका ६० बोट छन्। गत वर्ष ७० हजार रुपैयाँमा बिक्री गरेको सुन्तला यस वर्ष बोट मरेर थोरै फलेपछि बिक्रीबाट ६० हजार मात्र पाएको उनले बताइन्। 'बोट मर्ने, कम फल्ने, साना दाना लाग्ने भएपछि आम्दानी पनि घट्यो,' उनले भनिन्, 'जति उपचार गरे पनि वर्षेनी उत्पादन घट्दै गएको छ। अब अनार खेती गर्ने योजनामा छु।'

देउरालीका किसान लक्ष्मण मल्ल ठकुरीले गत वर्ष ३ लाख ५० हजार रुपैयाँको सुन्तला बेचेका थिए। यसपल्ट उनको बगैँचामा ७ लाख रुपैयाँ बराबरको सुन्तला फल्यो। सुन्तला टिपेपछि गोडमेल, औषधि उपचार गरेको र नयाँ बगैँचामा भने उत्पादन बढेको उनले बताए। कार्यालयले किसानलाई वितरण गरेको बिरुवा गत वर्षभन्दा करिब ३० हेक्टर बढीमा लगाइएको छ। वर्षेनी सुन्तला खेती बढे पनि उत्पादन भने खासै वृद्धि नभएको किसान बताउँछन्।

सुन्तला टिपिसकेपछि गोडमेल, औषधि उपचारलगायत बगैँचा व्यवस्थापनमा किसानले ध्यान नदिँदा उत्पादन घटेको कृषि विज्ञ बताउँछन्। 'कृषि कार्यालयले उत्पादन बढाउन वर्षेनी सहुलियतमा बिरुवा वितरण गर्दै आएको छ,' वरिष्ठ कृषि विकास अधिकृत तीर्थकुमार श्रेष्ठले भने, 'किसानले चासो नदिँदा उत्पादन घट्दो छ।' किसान भने रोग र कीरा लाग्दा कार्यालयले उपचारमा सहयोग नगर्दा र आफूहरूलाई जानकारी नहुँदा उपचार गर्न नसकिएकाले उत्पादन घटेको गुनासो गर्छन्।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...