×

Warning

JLIB_APPLICATION_ERROR_COMPONENT_NOT_LOADING

JLIB_APPLICATION_ERROR_COMPONENT_NOT_LOADING

Error loading component: com_content, Component not found

Error loading component: com_content, Component not found

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Friday 2 Bhadra, 2074 |
Menu

republica-headerdiscount-subscribe1

istl

चिनियाँ 'मामा' खोज्दै प्रहरी

(0 votes)
चिनियाँ 'मामा' खोज्दै प्रहरी
काठमाडौं- आठ वर्षदेखि नेपालमा बस्दै आएका विक्रम र विवेक मित्तलको देखिने व्यवसाय सुन कारोबार हो। न्युरोडस्थित 'भाग्यलक्ष्मी ज्वेलर्स' का सञ्चालक यी दाजुभाइको असली धन्दा भने प्रहरीले शुक्रबार मात्र खोलिदियो।


nepali-patro-june
महानगरीय प्रहरी अपराध महाशाखाका अनुसार भारत, पश्चिम बंगालका मित्तल दाजुभाइ चिनियाँ र भारतीय व्यापारीसँग मिलेर 'वैध व्यापारको आवरणमा सुन तस्करी' मा संलग्न रहेछन्।

प्रहरीले शुक्रबार साढे नौ किलो सुनसहित मित्तल दाजुभाइ र उनीसँग तस्करीको सुन किन्न आएका भारतीय नागरिक भागीरथ चौधरीलाई पक्राउ गरी सुन तस्करीको जालो केलाउन थालेको छ।

महाशाखाका प्रमुख एसएसपी सर्वेन्द्र खनाल प्रारम्भिक अनुसन्धानमा उनीहरु सुन व्यापारीको आवरणमा लामो समयदेखि सुन तस्करीमा संलग्न रहेको खुलेको बताउँछन्। उनका अनुसार चीनमा रहेका 'मामा' नामका व्यक्तिले नेपाली भरियामार्फत सिन्धुपाल्चोकको तातोपानी नाकाबाट भन्सार छलेर सुन काठमाडौं पठाउने र मित्तल दाजुभाइले स्थानीय बजार र भारतसमेत पठाउने गरेका थिए।

मित्तल दाजुभाइसँगै पक्राउ परेका चौधरी तस्करी सुन बजार पठाउने मुख्य सहयोगी हुन्। मित्तलसँग तस्करीको सुन लिएर अन्य कारोबारीलाई बिक्री गर्ने गरेको खुलेपछि प्रहरी उनीहरुलाई भन्सार छलीमा कारबाहीनिम्ति राजस्व विभागमा नबुझाई संगठित अपराध ऐनअनुसार अनुसन्धान गरी उनीहरुको जालो केलाउन केन्द्रित छ।

'मित्तलले चीनबाट तस्करीको सुन मगाउने र चौधरीले अन्य कारोबारीसम्म पुर्यानउने गरेको अनुसन्धानमा देखिएको छ,' खनालले भने,

'तस्करीको सुन खरिदबिक्रीमा अन्य सुन कारोबारीको संलग्नताबारे अनुसन्धान अगाडि बढाइसकेका छौं।'

सुनचाँदी व्यवसायीका अनुसार नेपालमा दैनिक ४० किलो सुन खपत हुने गरे पनि वैधानिक रुपमा बैंकहरुले नेपाल भिœयाएको सुन बिक्दैन। १६ वाणिज्य बैंकले राष्ट्र बैंकसँग अनुमति लिएर दैनिक १५ किलो सुन बिक्रीका लागि नेपाल भिœयाउँदै आए सुन कारोबारीले वैध सुन किन्दैनन्। तस्करीको सुनले बजार धानेको छ, भारतसमेत पुग्ने गरेको छ।

सुनतस्करीको जालो तोड्न प्रहरीले बेलाबखत गर्ने अप्रेसनक्रममा तस्करीको सुन बजारमा पठाउन र भारत तस्करी गर्नेमा अधिकांश वैधानिक रुपमा सुनचाँदी कारोबारको अनुमति लिएकाहरु पक्राउ पर्ने गरेका छन्।

अपराध महाशाखाले दुई वर्षअघि सुनतस्करीमा संलग्न १३ जनाको समूहलाई पक्राउ गर्दा चार जना सुन व्यापारी नै थिए। चीनको तस्कर समूहसँग मिलेर सिन्धुपाल्चोकको तातोपानी नाकाबाट सुन तस्करीमा संलग्नता अभियोगमा प्रहरीले ६ किलो सुनसहित न्युरोड टेबहालमा रहेको बालाजी एन्ड सन्सका सञ्चालक बालु जगन्नाथ धांगे द युनाइटेड गोल्ड मार्टका सञ्चालक आकाशकुमार बज्राचार्य र संगम ज्वेलर्सका सञ्चालक रमेश खड्का पक्राउ परेका थिए।

अनुसन्धानमा पक्राउ परेकाहरु सुन ल्याउने भरियादेखि सुन किन्ने प्रमुख व्यक्तिसमेत रहेको खुलेपछि महाशाखाले उनीहरुलाई राजस्व अनुसन्धान विभागमा बुझाएर आफूले संगठित अपराधमा अनुसन्धान सुरु गरेको थियो। सरकारी वकिलको कार्यालयले संगठित अपराधमा मुद्दा अगाडि बढाउन अस्वीकार गरेपछि विवादमा तानिएको यस घटनाबारे अहिले सार्वजनिक लेखा समितिले अनुसन्धान गरिरहेको छ।

यसअघि जिकेजी ज्वेलर्सका सञ्चालक सुन र डलर तस्करीमा तानिएका थिए। २०६९ असोज १९ मा दुबई जान विमानमै पुगिसकेका विनोदकुमार सोनीलाई नियन्त्रणमा लिएर जाँचगर्दा एक करोड २४ लाख बराबरको विभिन्न देशका मुद्रा फेला परेको थियो। उक्त घटनाको अनुसन्धानमा विमानस्थलका तत्कालीन एसएसपी रविराज श्रेष्ठसँगै जिकेजीसमेत जोडिएको थियो।

विशालबजारस्थित सिल्भर क्विनका सञ्चालकलाई समेत प्रहरीले पक्राउ गरेको थियो।

सरकारले वैध रुपमा ल्याएको सुन बिक्री नहुँदा पनि सुन अभाव नहुनुले बजारमा तस्करीको सुन फैलिएको देखिएकाले तस्करीमा संलग्न समूह र व्यक्ति, पहिल्याउन सबै कोणबाट अनुसन्धान सुरु भएको एसएसपी खनालले जानकारी दिए।

चीन, नेपाल र भारतका नागरिकको संलग्नतामा सुन तस्करी हुने गरेको खुले पनि अधिकांश नेपाली भरिया मात्रै पक्राउ पर्ने गरेका छन्। काठमाडौंमै बसेर सुन तस्करीमा संलग्न भारतीय नागरिक पक्राउ परे पनि चिनियाँ नाइके भने समातिएका छैनन्।

अनुसन्धानमा मित्तल समूहका मुख्य व्यक्ति चिनियाँ नागरिक मामा रहेको खुलेको छ। पक्राउ अभियुक्तबाट उनको नाम खुले पनि पूर्ण परिचय खुल्न नसक्दा गिरोहका मुख्य व्यक्ति पहिचान कठिन देखिन्छ।

चिनियाँ नागरिक मामाले सिन्धुपाल्चोकको तातोपानी नाका हुँदै स्थलमार्गबाट नेपाली भरियामार्फत काठमाडौ, कलंकीसम्म सुन पठाउने र मित्तल समूहले सोही सुन स्थानीय बजार र भारतीय कारोबारीलाई दिने गरेको प्रहरी अनुसन्धानमा खुलेको महाशाखाका अधिकारी बताउँछन्।

पक्राउ अभियुक्तबाट खुलेको विवरणका आधारमा सुन तस्करीमा सक्रिय चिनियाँ नागरिकको समेत खोजी गरिने एसएसपी खनाल बताउँछन्। एजेन्ट मात्र पक्राउ गर्दा तस्करीको जालो कायमै रहने सुनाउँदै उनले चिनियाँ नागरिकबारे इन्टरपोलमार्फत जानकारी माग्ने तयारी गरिएको जानकारी दिए।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...