Thursday 9 Bhadra, 2073 |
Menu

अर्थ

republica-headerdiscount-subscribe1

istl

बेलको ह्याट्रिकमा जिदानलाई स्वागत

(0 votes)
बेलको ह्याट्रिकमा जिदानलाई स्वागत
मड्रिड- गारेथ बेलले ह्याट्रिक गरेको खेलमा डेर्पोटिभो ला कोरुनामाथि शनिबार ५–० को प्रभावशाली जित दर्ता गराउँदै जिनेदिन जिदानले रियाल मड्रिड प्रशिक्षकका रुपमा सुखद सुरुआत गरेका छन्।

nepali-patro-june
जितपछि रियालले शीर्ष स्थानको बार्सिलोनासँग दुई अंकको दुरी कायम राख्न सफल भयो। शनिबारै चाढोगरी सम्पन्न खेलमा युरोपियन च्याम्पियन बार्सिलोनाले लियोनेल मेसीको ह्याट्रिक प्रेरणामा ग्रानाडालाई ४–० को नतिजामा पराजित गरेको थियो।

केही दिनअघि बर्खास्गतीमा परेका प्रशिक्षक राफेल बेनिटेजलाई स्थानान्तरण गर्दै रियालको नेतृत्व लिएका जिदानलाई शनिबार घरेलु सान्टियागो बेर्नाबेउ रंगशालामा समर्थकले आत्मीय स्वागत गरेका थिए। आफ्नो समयका सुपरस्टार खेलाडी जिदानको पहिलो खेलमै करिम बेन्जामाले १५ औं मिनेटमा अग्रता दिलाएपछि रियाल कुनै पनि बेला खेलमा पछाडि फर्किनु परेन। बेन्जामाले गोल गरेको आठ मिनेटपछि बेलले टोलीको अग्रता मध्यान्तरसम्मका लागि दोव्वर पारे।

दोस्रो हाफ सुरु भएको चौथो मिनेटमा बेलले दोस्रो व्यक्तिगत गोल गरे भने ६३ औं मिनेटमा उनले ह्याट्रिक पूरा गरे। बेन्जामाले इन्जुरी समयमा दोस्रो व्यक्तिगत गोल गर्दै जिदानको रियाल प्रशिक्षकको हैसियतमा पहिलो खेलमा फराकिलो जित दिलाए।

'जित्दा खुसी हुनैपर्छ,' फ्रान्सेली फुटबलका महान हस्ती जिदानले भने, 'मलाई आज टोलीले मैदानमा देखाएको जुझारुपना सबभन्दा मन पर्योछ। डेर्पोटिभो ला कोरुनाजस्तो टोलीलाई पाँच गोल गर्नु सजिलो पक्कै हुन्न।'

स्पेनिस राजधानीको खराव मौसमका बीच पनि जिदानको स्वागतका लागि रियाल समर्थकले उत्साहजनक उपस्थिती जनाएका थिए। बेनिटेजको निराशाजनक सात महिने कार्यकालपछि आएका जिदानको नाममा खेल सुरु हुनुभन्दा धेरै अघिदेखि समर्थकले रंगशाला गुन्जायमान बनाइरहेका थिए।

बेन्जामाले रियाललाई अग्रता दिलाउनुभन्दा दुई मिनेटअघि लुकास पेरेजले झन्डै जिदानको सुरुआत खल्लो बनाइसकेका थिए। तर केलर नाभासले उत्कृष्ट बचाउ गरेपछि पेरेज जारी सिजनको १३ औं लिग गोल गर्नमा असफल भए।

उता पाँचौं पटक विश्व वर्ष खेलाडीको पुरस्कार जित्ने आशामा रहेका मेसीले क्याम्प नोउमा जारी सिजनको ह्याट्रिक गरे। सोमबार जुरिचमा हुने समारोहमा आफ्नै टोलीका सहयात्री नेइमार र अघिल्लो वर्षका विजेता क्रिस्टियानो रोनाल्डोलाई पछि पार्दै मेसीले यसपाली बालन डी अरको पुरस्कार जित्ने अनुमान गरिएको छ। गत सिजन बार्सिलोनालाई स्पेनिस ला लिगा, च्याम्पियन्स लिग र कोपा डेल रे गरी तीन उपाधि जिताउन महत्वपूर्ण योगदान गरेवापत उनलाई बालन डी अरको मु्ख्य दावेदारका रुपमा लिइएको छ।

दुई महिना मेसी अनुपस्थित रहँदा नेइमार र लुइस स्वारेजले उच्च फर्म प्रदर्शन गर्नाका बावजुद मेसीले लुइस इनरिकेको टोलीमा आफू नै मुख्य खेलाडी भएको प्रमाणित गरेका छन्। ला लिगाका पछिल्ला चार खेलमा तीन बराबरीमा सिमित टोलीलाई उनले विजयी लयमा फर्काएका छन्।

'मेसी भनेको एउटा असाधारण खेलाडी हुन्। यस्तो खेलाडी विश्व फुटबलले फेरी पाउन गाह्रो हुन्छ,' उत्कृष्ट प्रशिक्षकको मनोनयनमा परे पनि सोमबार जुरिचको समारोहमा उपस्थिती नजनाउने बार्सिलोनाका प्रशिक्षक इनरिकेले भने, 'उनले विश्व फुटबलमा सबैखाले कीर्तिमान तोडिसकेका छन् र यसलाई निरन्तरता पनि दिनेछन्।'

फिफाबाट लागेको एक वर्षसम्म नयाँ खेलाडी अनुबन्ध गर्न नपाउने प्रतिवन्ध अवधि सकिएको केही दिनमै भएको खेलमा टर्कीका अन्तर्राष्ट्रिय खेलाडी आद्रा टुरानले बार्सिलोनाका लागि लिगमा डेब्यु गरे। उनले त्यही खेलमा मेसीका लागि आठौं मिनेटमा आकर्षक थ्रुबलमार्फत बार्सिलोनाको गोलमा पहिलो पास मिलाए।

मेसीले आठौं मिनेटमा खोलेको खातामा ६ मिनेटपछि दोस्रो गोल गरे। मेसीले ५८ औं मिनेटमा ह्याट्रिक पूरा गरे भने नेइमारले समय सकिन सात मिनेट बाँकी रहँदा टोलीका लागि चौथो गोल गरे।

शनिबारको नतिजापछि १८ खेलको समाप्तीमा बार्सिलोना एट्लेटिको मड्रिडलाई १ अंकले पछि पार्दै ४२ अंकका साथ शीर्ष स्थानमा उक्लिएको छ। एक खेल बढि खेलेको रियालको खातामा ४० अंक छ। रियाल तेस्रो स्थानमा छ।

स्पेनिस ला लिगामा शनिबारै सम्पन्न अन्य खेलमा गेटाफेले रियाल बेटिसमाथि १–० को जित हासिल गर्योय भने सेभियाले एथलेटिक बिल्बाउलाई २–० ले हरायो। यसैगरी लेभान्टेले रायो भाल्कानोमाथि २–१ को विजय हासिल गर्यो ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...