×

Warning

JLIB_APPLICATION_ERROR_COMPONENT_NOT_LOADING

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Monday 10 Ashwin, 2073 |
Menu

अर्थ

republica-headerdiscount-subscribe1

istl

दश हजारको लोभमा पर्दा...

(0 votes)
ललितपुर–तपाइँको जायजेथा अदालत वा त्यस्तै कुनै निकायमा राखे बापत् केही दिनमै हजारौं कमाउने प्रलोभन कसैले दिए होसियार हुनुहोस्। अदालत र न्यायिक निकायमा यस्तै प्रलोभनमा धरौटी बापत तपाइँले राखेको जायजेथा केही हजारकै लोभमा लिलाम हुनसक्छ।
nepali-patro-june
अदालत, न्यायाधिकरण तथा प्रशासनले मागेको धरौटी रकम बापत सोझा गाँउले र सहरीया समेतका जग्गा केही हजारको प्रलोभनमा पारेर धरौटी राखी फरार हुनेको सुचि लामो छ। छानबिन र लिलाम प्रक्रिया सुरु भएसँगै यस्तो गिरोहको प्रलोभनमा परी सर्वसाधारण पीडित भएका घटना सार्वजनिक भएका छन्।

ललितपुर जिल्ला अदालतले धरौटी बापत राखिएका जायजेथाका प्रतिवादीले म्याद गुजारेसँगै पहिलो पटक लिलाम गरी असुल उपर गर्न सुरु गर्दा यस्तो यथार्थता भेटिएको हो। अदालतले २०६४ सालमा फैसला भएको घटनाका प्रतिवादी धरौटीपछि फरार रहेका कारण उनले राखेको जमिनको लिलाम गर्दा जायजेथा राख्ने ब्यक्ति केही हजारमा फस्दा घटना भएको सार्वजनिक भएको छ।

अदालतका अनुसार वैदेशिक रोजगार न्यायधिकरणले २०६४ साउन २४ मा दोषी ठहर गरेका आरोपी अशोक सुनवार हाल फरार छन्। सुनवारका लागि न्यायधिकरणले १२ लाख ८० हजार वापत जायजेथा धरौटी राख्न माग गरेको थियो। त्यसमा सिन्धुपाल्चोक सिन्धुकोटका दिलबहादुर तामाङ सहित तीन जनाको जायजेथा धरौटी राखेर उनी थुनामुक्त भएका थिए। अहिले सम्पत्ति लिलामी प्रक्रियामा जान लागेको थाहा पाएपछि उनीहरु जायजेथा बचाउन अदालत धाइरहेका छन्।

ललितपुर जिल्ला अदालतमा बुधबार भेट भएका सानो दिलबहादुरका छोरा प्रकाश लामाले बाबुलाई १० हजार दिँदै ३५ दिनमा जग्गा पाउने प्रलोभनमा गाउँकै केही बिचौलियाले फसाएको बताए। 'जग्गा राखेपछि पैसा पाइन्छ, ३५ दिनमा फुकुवा हुन्छ भनेछन्', छोरा प्रकाशले भने।

लामाले भुकम्प पछि मात्र अदालतको पत्र पाएपछि घटना थाह पाएको बताए। 'भुकम्पले घर भत्किएको छ, बनाउन सरकारी ऋण लिन जाउँ कागज अदालतमा छ', उनले भने।

अदालतका श्रेष्तेदार बाबुराम दाहालका अनुसार पहिलो प्राथमिकतामा नगद र परिवारकै जग्गा जमिन भएपछि अन्यको समेत सहमतिमा धरौटी बापत जायजेथा राख्ने गरिन्छ। धरौटी राख्ने समय प्रलोभनमा परेर सहमति जनाउने र पछि प्रतिवादी भागेपछि गुनासो गर्ने एकदुई घटना अदालतमा आएका छन्।

अदालतले पहिलो पटक आफु मातहत धरौटी जमानीमा रहेका करिब एकसय पचास रोपनी जग्गाको लिलामी प्रकृया सुरु गरेपछि तामाङ त्रयको घटना सार्वजनिक भएको हो।

अदालतका तहसिलदार कौशल ज्ञवालीका अनुसार गोरखा, धादिङ, तनँहु, सिन्धुपाल्चोक, काभ्रेपलाञ्चोक, ललितपुर र काठमाडौंमा विभिन्न ब्यक्ति र प्रतिवादी समेतका नाममा रहेको एकसय ५० रोपनी जग्गा असुलउपरका लागि लिलाम प्रक्रिया अघि बढाइएको हो। उनका अनुसार २०४१ देखि २०६२ सम्म विभिन्न समयमा राखिएका २४ जना व्यक्तिको जायजेथा लिलाम प्रक्रियामा गएको हो।

धरौटी जुटाउन एजेण्ट

वैदेशिक रोजगार ठगी र बैंकिङ ठगीका घटनामा अदालत र अर्ध न्यायिक निकायले माग्ने धरौटी बापतको ठुलो रकम जुटाउन केही एजेण्ट ब्यवसायिक रुपमै सक्रिय हुने गरेका छन्। अदालतमा धरौटी बापत तत्काल रकम जुटाउन सहयोग गरेबापत यस्तो समुहले निश्चित प्रतिशत रकम कमिसन लिने गर्छ। स्रोतका अनुसार विभिन्न अवरणमा रहेका यस्ता गिरोहको पहिलो प्राथमिकतामा केही हजारको प्रलोभनमा सजिलै जायजेथा बुझाउने विपन्न र सोझा गाउँले पर्ने गर्छन्। अदालतमा प्रतिवादीका तर्फबाट मुद्दा लडिरहेका केही कानुन व्यवसायीले नै यस्ता गिरोहलाई कानुनको जानकारी दिँदै सहयोग गरेका कारण यस्ता एजेण्टको मनोबल बढेको बताइन्छ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...