Wednesday 12 Shrawn, 2073 |
Menu

अर्थ

republica-headerdiscount-subscribe1

istl

पूर्वाधारको अर्को ध्रुव

(0 votes)
शनिबार बेइजिङमा भव्य उद्घाटन गरिएको एसियाली पूर्वाधार लगानी बैंकले शीतयुद्धको समाप्तिपछि एकध्रुवीय भएको विश्व शक्ति सन्तुलनमा महत्वपूर्ण भूमिका खेल्ने अपेक्षा गरिएको छ। सञ्चालक समिति सदस्यमा नेपालजस्ता विकासोन्मुख राष्ट्र पनि रहेको बैंकको परिकल्पना सन् २०१३ मा चिनियाँ राष्ट्रपति सी जिनपिङले गरेेका थिए।
सम्पादकीय

Email This email address is being protected from spambots. You need JavaScript enabled to view it.
nepali-patro-june
एसियाली देशको पूर्वाधार निर्माणमा लगानी गर्ने उद्देश्यले चीनको पहलमा स्थापना भएको अन्तर्राष्ट्रिय विकास बैंकले शीतयुद्धपछि विश्व बजारमा एकाधिकार रहेको अमेरिकी प्रभुत्वलाई चुनौतीमात्र दिएको छ। यसले समग्र विश्वको सन्तुलनमा व्यापक परिवर्तन गर्ने अपेक्षा गर्नु अचम्मलाग्दो पक्ष होइन। यसले चीनको बढ्दो सामरिक मात्र होइन, आर्थिक प्रभावको पनि पुनर्पुष्टि गर्छ। अबको विश्वमा आर्थिक दबाब सैनिक हस्तक्षेपभन्दा कठोर हुन्छ। नयाँ संविधान जारी भएयता भारतले गरेको नाकाबन्दीको असरले दिएको धक्का हामीले महसुस गरिसकेका छौं। टाढा जानै पर्दैन, अमेरिकाले इरानमाथि १० वर्षदेखि लगाएको आर्थिक नाकाबन्दीले कुन हदसम्मको असर पार्यो भन्ने बुझ्न। त्यो नाकाबन्दी आइतबार हट्दा र फेरि नयाँ नाकाबन्दी लाग्दा अहिले संसारभरिका सञ्चार माध्यमको मुख्य शीर्षक बनिरहेको छ।

विश्वको दोस्रो आर्थिक शक्ति भइसकेको चीनको पहलमा विश्व बैंकको प्रतिस्पर्धी संस्थाका रुपमा उदाएको यस बैंकको ७५ प्रतिशत सेयर एसिया र ओसेयनियन देशमा राखिएको छ भने २५ प्रतिशत एसियाबाहिरका मुलुकलाई छुट्याइएको छ। क्रमशः ३०.३४ प्रतिशत, ८.५२ प्रतिशत र ६.६६ प्रतिशत सेयर हिस्सा ओगटेर चीन, भारत र रुस ठूला लगानीकर्ता भएका छन्। यसरी एसियाबाहिरका प्रभावशाली देशलाई पनि आफ्नो मातहतमा ल्याउन सक्नु चीनको अर्को कूटनीतिक सफलताका रुपमा हेरिएको छ। यसले चीन अब सम्पूर्ण विश्वका निम्ति अपरिहार्य शक्तिका रुपमा उदाएको स्पष्ट संकेत पनि गरेको छ। बैंक उद्घाटन समारोहमा चिनियाँ राष्ट्रपति सीले चीनले पाँच करोड डलर लगानी थप्ने घोषणा गरेर चीनको बढ्दो आर्थिक प्रभाव प्रस्ट्याएका थिए। अर्थात यसको अर्थ हो– अबको चीन विश्वको प्रथम आर्थिक शक्ति हुने दौडमा छ।

मुख्यालय चीनको राजधानी बेइजिङमा रहेको बंैकले २५ डिसेम्बर २०१५ बाट सेवा सुरु गरेको भए पनि औपचारिक रुपमा शनिबारबाट थालनी भएको हो। ५७ सदस्य देश रहेको एसियाली पूर्वाधार लगानी बैंकमा अमेरिकी चेतावनीका बावजुद बैंकको आशावादी भविष्यलाई आत्मसात गर्दै बेलायत र जर्मनी जस्ता गैर एसियाली तर शक्तिशाली राष्ट्र पनि संस्थापक सदस्य छन्। सञ्चालक समितिमा एसियाका ९ र एसियाबाहिर २ गरी ११ सदस्यमध्ये एसियाबाट चीन, नेपाल, युएई, इन्डोनेसिया, अस्ट्रेलिया, रसिया, भारत, दक्षिण कोरिया र टर्की तथा एसियाबाहिरबाट बेलायत र जर्मनी सञ्चालक समितिमा छनोट भइसकेका छन्। पूर्वाधार निर्माणमा लगानी गर्ने उद्देश्यले एक खर्ब डलर चुक्ता पुँजी रहने गरी स्थापना भएको बैंक सुरुमा ५० अर्ब डलर लगानीमा सञ्चालनमा आएको हो।

सय अर्ब डलरलाई सदस्य देशको कुल गार्हस्थ उत्पादनका आधारमा सेयर हिस्सा छुट्याउँदा नेपालको भागमा ०.०८ प्रतिशत पर्न आउँछ। त्यसअनुसार नेपालले आफ्नो ८ सय ९ कित्ता सेयर बराबर ८ करोड ९ लाख डलर (करिब ८ अर्ब २७ करोड रुपैयाँ) लगानी गर्नुपर्नेछ। सम्झौता अनुसार नेपालले वर्षको २० प्रतिशत (करिब १ अर्ब ६५ करोड) को दरले ५ वर्षमा यो रकम तिर्नेछ। नेपालजस्ता भौतिक पूर्वाधार अत्यावश्यक रहेका देशका लागि विश्व बैंकका विभिन्नखाले सर्त मानेर ऋण लिनुपर्ने बाध्यता नरहने भनिएको बैंक सञ्चालनमा आएपछि नेपालले भूकम्पपछिको पुनर्निर्माणमा नयाँ लगानी पाउने आशा पनि थपिएको छ। हामीलाई अत्यावश्यक भनेकै पूर्वाधार विकासका निम्ति रकम जुटाउनु हो। नेपालले जसबाट ऋण लिँदा अनावश्यक सर्त पालना गर्नुपर्दैन, त्यसैबाट लिने हो। त्यसैले नेपालले आफू संस्थागत सदस्यसमेत रहेको पूर्वाधार बैंकको भर गर्नु अन्यथा हुनेछैन।

प्रारम्भिक चरणमा चीनले यो बैंकबाट वित्तीय सहयोग नलिने घोषणा गरेर आफ्नो देशको विकासका लागि आन्तरिक स्रोतसाधनको कमी नभएको तर एसियाली भौतिक पूर्वाधार निर्माणमा यो बैंकले काम गर्ने संकेत पनि दिइसकेको छ। एसियाली विकास बैंक (एडिबी) का अनुसार सन् २०१० देखि सन् २०२० सम्ममा एसियाली क्षेत्रका देशका भौतिक पूर्वाधार निर्माणका लागि ८० खर्ब अमेरिकी डलर आवश्यक पर्छ। एडिबीले मात्र यति ठूलो परिमाणमा विकास सहयोग जुटाउन नसक्ने भन्दै चिनियाँ राष्ट्रपति सीले सन् २०१३ मा यस्तो बैंक स्थापनाको प्रस्ताव गरेका थिए। बेइजिङमा मुख्य कार्यालय रहेको यो बैंकले एसिया क्षेत्रको विकासमा ठूलो योगदान गर्ने अपेक्षा गरिएको छ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...