Wednesday 28 Kartik, 2075 |
Menu

अर्थ

republica-headerdiscount-subscribe1

istl

महँगी दोहोरो अंकमै

(0 votes)
काठमाडौं- सरकारले मूल्यवृद्धि वाञ्छित सीमाभित्रै रहेको दाबी गरिरहँदा नेपाल राष्ट्र बैकको तथ्यांकले सरकारलाई दरो झापड दिएको छ। नेपाल राष्ट्र बैंकले सार्वजनिक गरेको वैशाख महिनासम्मको मुलुकको आर्थिक तथा वित्तीय प्रतिवेदनले महँगी अझै दोहोरो अंकमै रहेको देखाएको छ। राष्ट्र बैंकले गत पुसमा १२.१ प्रतिशतको उच्च बिन्दुमा पुगेको मूल्यवृद्धि दर घट्दै गएको भने तापनि बजारमा अचाक्ली बढेको दलहन तथा तरकारीको भाउले महँगी बढेको देखिएको हो। राष्ट्र बैंकका अनुसार गत वैशाखसम्मको मूल्य वृद्धिदर अर्थात १० प्रतिशत छ।


nepali-patro-june
वैशाखसम्मा खाद्य तथा पेय पदार्थ समूहको मूल्य सूचकांक ९.६ प्रतिशतले बढेको छ। गैर–खाद्य तथा सेवा समूहको मूल्य १०.४ प्रतिशतले बढेको छ भने घर भाडा तथा शिक्षा सम्बन्धी खर्च बढेकाले उपभोक्ता मुद्रास्पि्कती (महँगी) पुनः केही बढ्न गएको केन्द्रीय बैंकको प्रतिवेदनमा छ।

सबैभन्दा बढी २३.४ प्रतिशत दलहन तथा गेडागुडीको मूल्य बढेको प्रतिवेदनमा छ। तरकारीको मूल्य २०.१ प्रतिशतले बढेको छ। लत्ता कपडा तथा जुत्ता, घरायसी सामान तथा सेवा र मदिराजन्य पेय पदार्थको मूल्य क्रमशः १७, १६.४ र १५.९ प्रतिशतले बढेको छ।

केन्द्रीय बैंकका अनुसार क्षेत्रगत आधारमा काठमाडौंमा बसोबास गर्नेलाई महँगीको सबैभन्दा ठूलो भारीले थिचेको छ। काठमाडौंमा वैशाखमा ११.५ प्रतिशतले महँगी बढेको छ। अघिल्लो वर्ष यो ६.८ प्रतिशतमात्रै थियो। अघिल्लो वर्ष पहाडमा ११ प्रतिशत रहेको महँगी दर यो वर्ष घटेर ७.७ प्रतिशतमा सीमित छ। तर, तराईको मूल्य वृद्धिदर पोहोरको ६.९ बाट बढेर ८.६ प्रतिशत पुगेको छ।

तराई–मधेसमा चलेको लामो आन्दोलन र भारतीय नाकाबन्दीले आपूर्ति व्यवस्था असहज भएको बेला काठमाडौंमा महँगी चुलिएको प्रतिवेदनले उजागर गरेको छ।

घट्दो आयात–निर्यात

आयात घटेको भए पनि चालु आर्थिक वर्षको राजस्व भने लक्षित ४ खर्ब ७५ अर्बभन्दा बढी संकलन हुने प्रतिवेदनमा उल्लेख छ। केन्द्रीय बैंकले चालु आर्थिक वर्ष २०७२/०७३ को १० महिनाको तथ्यांकका आधारमा आर्थिक परिदृश्यमा क्रमिक सुधार आएको निष्कर्ष निकालेको छ। तैपनि आयात र निर्यात दुवैमा कमी आएको छ।

वैशाखसम्ममा कुल वस्तु निर्यात २१.७ प्रतिशतले घटेको छ। सो अवधिमा नेपालको निर्यात जम्मा ५५ अर्ब ६० करोड रुपैयामा सीमित भएको छ भने कुल वस्तु आयात ४.६ प्रतिशतले घटको छ। सो अवधिमा ५ सय ९९ अर्ब ३६ करोड रुपैयाँको आयात भएको छ।

प्रतिवेदन अनुसार अघिल्लो वर्ष सोही अवधिमा निर्यात ५.५ प्रतिशतले घटेको थियो। वैशाखसम्ममा भारततर्फको निर्यातमा ३३.४ प्रतिशत र चीनतर्फकोमा ३५.६ प्रतिशतले गिरावट आएको छ। अन्य मुलुकतर्फको निर्यात भने ४.१ प्रतिशतले बढेको बताइएको छ।

भारततर्फ जिंक सिट, जिआई पाइप, जुस, पोलिस्टर यार्न लगायत वस्तु र चीनतर्फ प्रशोधित छाला, चाउचाउ, तयारी पोसाक जस्ता वस्तुहरूको निर्यात घटेको छ। अन्य मुलुकतर्फ ऊनी गलैंचा, तयारी पोसाक, पस्मिना, चिया लगायत वस्तुको निर्यात बढेको प्रतिवेदनले जनाएको छ।

वैशाखसम्ममा कुल वस्तु व्यापार घाटा २.४ प्रतिशतले घटेर ५ सय ४३ अर्ब ७६ करोड रुपैयाँमा सीमित भएको छ। अघिल्लो वर्षको सोही अवधिमा यस्तो व्यापार घाटा १०.१ प्रतिशतले बढेको थियो। यस्तै, निर्यात–आयात अनुपात ९.३ प्रतिशत रहेको भन्दै प्रतिवेदनले अघिल्लो वर्षको सोही अवधिमा यस्तो अनुपात ११.३ प्रतिशत रहेको बताएको छ।

मुलुकको दक्षिणी भन्सार नाकामा भएको अवरोध हटेसँगै बैंक तथा वित्तीय संस्थाको कर्जा प्रवाह, सरकारी राजस्व संकलन एवं पुँजीगत खर्चमा भएको वृद्धिबाट आर्थिक क्रियाकलाप सुधारोन्मुख रहेको पनि केन्द्रीय बैंकले निष्कर्ष निकालेको छ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...