×

Warning

JLIB_APPLICATION_ERROR_COMPONENT_NOT_LOADING

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Friday 15 Baishak, 2074 |
Menu

अर्थ

republica-headerdiscount-subscribe1

istl

सुनको मूल्य एकै दिन १४ सयले घट्यो

(0 votes)
सुनको मूल्य एकै दिन १४ सयले घट्यो
काठमाडौं – करिब साढे आठ महिनाअघि सबैभन्दा माथि पुगेर ओरालो लाग्न थालेको सुनको भाउ शुक्रबार प्रतितोला १४ सय रुपैयाँले घटेर ४८ हजार एक सय २ रुपैयाँमा कारोबार भएको छ।
nepali-patro-june

अन्तर्राष्ट्रिय बजारमै बहुमूल्य धातुको भाउ ओरालो लाग्दा शुक्रबार घरेलु बजारमा २३ महिनायताकै सबैभन्दा सस्तो दरमा यसको किनबेच भयो।

२०६८ साउन २४ गते पहिलोपटक ४९ हजार रुपैयाँको सीमा नाघेर उकालो लागेको छापावाल सुन शुक्रबार त्योभन्दा १२ सय रुपैयाँ कममा किनबेच भएको नेपाल सुनचाँदी व्यवसायी संघले जनाएको छ। बिहीबार ४९ हजार ५ सय २ रुपैयाँ प्रतितोलामा सुन बेचेका सुनचाँदी व्यापारीले शुक्रबार त्योभन्दा १४ सय रुपैयाँ कममा बेचे। छिमेकी मुलुक भारतमा १८ सय ४० रुपैयाँले सुनको मूल्य घटे पनि नेपालमा भने १४ सय मात्रैले घटेको छ।

विश्व बजारमा सुनको मूल्य खस्किरहेकै बेला स्टकिस्ट र लगानीकर्ताले आफूसँग भएको सुन बेच्न थाल्दा मूल्य झन् ओरालो लागेको एजेन्सीहरुले उल्लेख गरेका छन्। बजारमा सुनको आपूर्ति बढ्नु र लगानीकर्ता इक्विटीतर्फ आकर्षित हुनु मूल्य घट्नुको अर्को कारण हो। चाँदीको मूल्य भने थोरै मात्र घटेको छ। बिहीबार प्रति १० ग्राम चाँदी ६८६ रुपैयाँमा बेचेका व्यापारीले शुक्रबार ६८१ मा बेचे।

तथ्यांकहरुले विश्वकै सबैभन्दा ठूलो अमेरिकी अर्थतन्त्र सुधारको दिशामा गइरहेको देखाउँदा एसियाली बजार सिंगापुरमा शुक्रबार सुनको मूल्य प्रतिऔंस १२ सय अमेरिकी डलर (करिब १ लाख १६ हजार रुपैयाँ) भन्दा तल ओर्लेको व्यापारीहरुले बताएका छन्। एक औंसमा २८ दशमलव ३५० ग्राम हुन्छ। शुक्रबार समुद्रपारीको बजारमा सुनको भाउ प्रतिऔंस २४ डलर ४० सेन्टले घटेर १२ सय डलर ८० मा किनबेच भएको थियो। 

लगानीकर्ताले आफूसँग भएको पैसा सुन छाडेर सेयर बजारतिर लगाउँदा त्यसको प्रभाव बस्तु बजारमा परेको हो। 

बुधबार पँहेलो धातुको मूल्य अघिल्लो दिनको तुलनामा ८ सय ५० रुपैयाँ घटेर ४९ हजार ३ सय ५० कायम भएको थियो।

गत मंसिर १० गते सुनको मूल्यमा नयाँ कीर्तिमान कायम भएको थियो। त्यस दिन कायम भएको प्रतितोला मूल्य ६१ हजार ८ सय ४८ रुपैयाँमा तीन दिनसम्म सुन किनबेच भएको थियो।

एक महिनाअघि ४८ हजार ७ सय रुपैयाँसम्म ओर्लेको सुनको मूल्य त्यसपछि उकालो चढ्दै फेरि ५३ हजार रुपैयाँ पुगेको थियो। अन्तर्राष्ट्रिय बजारमा कुनै बेला १९ सय अमेरिकी डलर हाराहारी पुगिसकेको सुनको प्रतिऔंस मूल्यमा करिब सात सय डलर (६७ हजारभन्दा बढी) को गिरावट आउँदा पनि पछिल्लो समयमा नेपाली मुद्रा कमजोर बन्दा अझै कम मूल्यमा सुन किन्न पाउने अवसरबाट भने नेपाली उपभोक्ता बञ्चित छन्। करिब दुई महिनाको अन्तरालमा अमेरिकी डलरको मूल्य ११ रुपैयाँभन्दा बढीले माथि जाँदा अन्तर्राष्ट्रिय बजारमा आएको गिरावटअनुसार नेपालमा सुन सस्तिन सकेन।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...