×

Warning

JLIB_APPLICATION_ERROR_COMPONENT_NOT_LOADING

JLIB_APPLICATION_ERROR_COMPONENT_NOT_LOADING

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Sunday 17 Baishak, 2074 |
Menu

अर्थ

republica-headerdiscount-subscribe1

istl

चिनियाँ जुत्ता नेपाली ब्रान्ड

(0 votes)
काठमाडौं - नेपाली जुत्ता चप्पल व्यवसायीहरुले चीनमा जुत्ता बनाएर नेपाली स्टिकर टाँसी नेपाली बजारमा बिक्री गर्ने गरेका छन्।
nepali-patro-june

नेपाल जुत्ता चप्पलमा आत्मनिर्भर बन्दै गएको र नेपाली जुत्ता चप्पलको बजार हिस्सा ६० प्रतिशतले पुगेको दाबी गर्ने व्यवसायीहरुले चिनियाँ जुत्तामा आफ्नो कम्पनीको नाम राखी नेपाली स्टिकर टाँसेर बजारमा पठाउने गरेका हुन्।
जुत्ता चप्पलमा दशकदेखि स्थापित र भर्खर सुरु गरेका कम्पनीले समेत चीनमा उत्पादन भएका जुत्तालाई नेपाली नाम र स्टिकर राखेर बिक्री गरिरहेका छन्। व्यवसायीहरुले एकले अर्काे कम्पनी र ब्रान्डको नाम लिएर चीनमा जुत्ता बनाउने आरोप लगाउँछन्। नेपाली भनेर चिनियाँ जुत्ता बिक्री गर्ने क्रम बढेपछि छाला जुत्ता तथा वस्तु उत्पादक संघले केही महिनाभित्र सामुहिक व्यापार चिह्नमार्फत नेपालमा उत्पादन भएका जुत्ता चप्पललाई व्यापारक चिह्न प्रदान गर्ने तयारी समेत गरेको छ।
अहिले नेपालमा उत्पादन गरेको भन्दै चिनियाँ जुत्ता आयात हुने क्रम बढेपछि त्यस्तो विकृतिलाई हटाउनका लागि सामुहिक व्यापार चिह्नमार्फत नेपाली जुत्तालाई प्रमाण्ीाकरण गर्ने लागिएको संघका अध्यक्ष होमनाथ उपाध्यायले नागरिकलाई बताए। ' उद्योग विभागअन्तर्गत ट्रेडमार्क रजिस्ट्रेसनमा सामुहिक व्यापार चिह्नको दर्ता प्रक्रियामा छौं,' उनले भने। यो दर्तापछि नेपालमा नै उत्पादन भएका जुत्तालाई चिह्न प्रदान गरेर बजारमा पठाउने काम हुने उपाध्यायले बताए।
उपाध्यायले बजारमा चिनियाँ जुत्ता नेपाली ब्रान्डमा बिक्री भइरहेको स्वीकार गर्दै 'पहुँच' हुने कम्पनीले त्यस्तो काम गरिरहेको बताए। 'केही ब्रान्डले यस्तो काम गरिरहेका छन् तर सबै ब्रान्डले गरेको भन्ने छ, त्यसैले यस्तो विकृतिलाई रोक्न संघले नै पहल सुरु गरिसकेको छ,' उनले भने।
व्यापारीहरु एकले अर्काे कम्पनीलाई चिनियाँ जुत्तामा नेपाली स्टिकर राखेर बेच्ने गरेको आरोप लगाउँछन्। नाम उल्लेख गर्न नचाहने व्यापारीहरुले शिखर, बिएफ, स्काई, लेदरविंग्स, कोसेली, फुटल्यान्ड, सुल्यान्ड, टाकुरा, क्रसजोर, फिटराइट, बोस, रोयल, रनलगायतका ब्रान्डहरुले चीनमा नै  बनाएर बजारमा नेपाली जुत्ता भनेर बेचिरहेको जानकारी दिएका छन्। केही नेपालमा बनाउने र ठूलो परिमाणमा चीनबाट आयात गरी मिसाएर बजारमा पठाउने गरेको खुलासा व्यापारीहरुले गरे।  
व्यवसायीहरुले नेपाली ब्रान्डको जुत्ता चप्पलको बजार हिस्सा बढेको बताएपनि राष्ट्र बैंकको तथ्यांकसँग मेल खादैन। राष्ट्र बैंकले बिहीबार सार्वजनिक गरेको चालु आर्थिक वर्षको ११ महिनाको तथ्यांकमा ४ सय ३३ प्रतिशतले जुत्ता चप्पलको आयात बढेको उल्लेख छ । राष्ट्र बैंकको तथ्यांकअनुसार ११ महिनामा २ अर्ब २६ करोड ४८ लाख रुपैयाँको जुत्ताचप्पल नेपाल भित्रिएका छन्। अघिल्लो वर्ष सोही अवधीमा जम्मा ४२ करोड ४६ लाख बराबरको जुत्ता चप्पल आयात भएको राष्ट्र बैंकको तथ्यांक छ। व्यवसायीले भने तथ्यांक डलरको मूल्य बढेपछि भएको असर र क्याजुअल जुत्ताको भएको बताएका छन्।
शिखर सुका प्रबन्ध निर्देशक तथा संघका पूर्वअध्यक्ष रामकृष्ण प्रसाईले नेपाली बजारमा यस्तो प्रवृत्ति एक वर्षअगाडि रहेको बताउँदै अहिले त्यस्तो नभएको दाबी गरे। सबै कम्पनीले जुत्ताका लागि आवश्यक कच्चा पदार्थ चिनबाट आयात गर्ने हो। सोलदेखी अप्परसम्म चिनबाट आयात हुने बताउँदै नेपालमा सिलाउने मात्र काम हुने उनले बताए। 'नेपालमा आवश्यक कच्चा पदार्थको उत्पादन छैन त्यसैले आयात गर्नुपरेको हा,' उनले भने। साथै उनले उपभोक्ताको मागअनुसार केही जुत्ता चीनमा नै  बनेर आउने बताए। 'उपभोक्ताको मागअनुरुपको परिमाणमा यहाँ उत्पादन हुन सक्दैन, त्यसैले कतिपय अवस्थामा चीनमा नै बनाएर यहाँ ल्याउनुपर्ने हुन्छ,' उनले भने।
संघले केही महिनामा लागु गर्ने लागेको सामुहिक व्यापार चिह्नकै कारण चिनियाँ जुत्ता नेपाली ब्रान्डमा बिक्री हुने पुष्टी भएको व्यवसायीकै भनाइ छ। रोयल सुजका बजार प्रबन्धक तुलसीप्रसाद कोइरालाले व्यवसायीले चीनमा उत्पादन गरेको छैन भन्ने तर संघले सामुहिक व्यापार चिह्नको तयारी गर्ने गर्नु नै आफैमा विरोधाभाषपूर्ण रहेको बताए। आफ्नो कम्पनीको उत्पादन बजारमा आउन लागेको ६ महिना भएको बताउँदै उनले चिनियाँ जुत्ता नेपाली भनेर बेचेको सुनेको तर आफुहरुले त्यस्तो नगरेको बताए।
'नेपालमा दक्ष कामदारको अभाव, कच्चापदार्थको अभाव र महँगो पर्ने भएकाले पनि चीनमा जुत्ता उत्पादन गरेर नेपाली भनेर बेच्ने गरेको पाइन्छ,'  चिनको ग्वान्जाओ पुगेर फर्केका फेन्सी व्यवसायी सुमित क्षेत्रीले बताए। 'हामी सामान लिन जाँदा जुत्ता व्यवसायी पनि जुत्ता अर्डर गरिरहेको पाएका छौं,' त्यही जुत्ता हामीले पनि बेचिरहेका छौं,' उनले भने।
रन सुजका प्रवन्ध निर्देशक रुद्र न्यौपानेले जुत्ताका लागि आवश्यक सबै सामग्री चिनबाट आयात गरिने बताए। 'नेपालमा सिलाउनेसम्मको काम हुन्छ तर, केही प्राविधिक कुरा मिलेन र नयाँ मोडेल आवश्यक परे सबै कम्पनीले चिनमा नै जुत्ता बनाउने गर्छन,' उनले भने।
वार्षिक १० अर्बको जुत्ता चप्पल कारोबार हुने नेपालमा हाल ३ करोड ५० लाख जोर जुत्ता–चप्पलको माग रहेको संघको अनुनमान गरेको छ। नेपाली बजारमा ब्रान्डिङ गर्ने कम्पनीले वार्षिक २ लाखदेखी ४ लाख जोर जुत्ता चप्पल बिक्री गर्ने व्यवसायी बताउँछन्। घरेलु तथा साना उद्योग विभागमा जुत्ता चप्पल उत्पादन गर्ने कम्पनी ५ सय दर्ता भइसकेको छ। त्यस्तै ३ करोडभन्दा माथि लगानी गरेर उद्योग विभागमा दर्ता भएका १७ वटा उद्योग छन्। ब्रान्ड राखेर व्यवसाय गर्ने उद्योग संघ अन्तर्गत ७० वटा सदस्य भइसकेका छन्।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...