Monday 13 Bhadra, 2073 |
Menu

अर्थ

republica-headerdiscount-subscribe1

istl

'नयाँ शक्ति' को तरंग

(0 votes)

एमाओवादी पार्टी परित्याग गरी नयाँ शक्ति निर्माण अभियानमा लागेका नेता डा. बाबुराम भट्टराईको नेतृत्वमा अन्तरिम केन्द्रीय परिषद सार्वजनिक भएको छ। एक हिसाबले भट्टराईको यो अभियानमा राष्ट्रिय जीवनका विविध क्षेत्रमा क्रियाशील व्यक्तिहरूको ३५ सदस्यीय परिषद सार्वजनिक हुँदा जमेको तलाउमा ढुंगा हान्दाको जस्तो तरंग पैदा भएको छ।

सम्पादकीय

Email This email address is being protected from spambots. You need JavaScript enabled to view it.
nepali-patro-june
संविधान जारी हुने बेला भट्टराईले पार्टी परित्याग गरेदेखि नै उनका गतिविधिमा सबैको ध्यान गइरहेकै छ । एमाओवादी बन्नुअघि तत्कालीन माओवादी पार्टीलाई नेतृत्व गरी 'दीर्घकालीन जनयुद्ध' को मार्गमा मुलुकलाई लैजानेमध्येका एक हुन् उनी । संविधान जारी भएपछि एउटा चरण पूरा भएको ठान्ने उनले मुलुकलाई अब कुनै सिद्धान्त वा वादमा नअल्झिएको राजनीतिक शक्तिको आवश्यकता महसुस गरेको पटक–पटक बताउँदै आएका छन् । सायद उनका यी भनाइमा विश्वास गर्दै हिजो स्वतन्त्र रुपमा पेसा गर्दै आएका, निजामती, प्रहरी र अन्य सार्वजनिक क्षेत्रमा क्रियाशील भएका व्यक्तिसमेत अभियानमा सरिक भएको देखिएको छ । कुनै राजनीतिक वादको दलदलमा यो शक्ति फस्दैन भन्ने आशा दिन एकहदसम्म यो सफल भएको छ ।

मुलुकमा प्रजातन्त्र हुँदै गणतन्त्रसम्म आइपुग्दा सर्वसाधारणले जुन सुखको परिकल्पना गरेका थिए, त्यो अहिलेसम्म उदाउन सकेको छैन । राजाको शासन गएपछि जनताका छोराछोरीले गर्ने शासनबाट साँच्चिकै यो मुलुकमा कायाकल्प हुन्छ भन्ने सपनामा पनि तुषारापात भयो । अझ दलका तर्फबाट आसेपासे र कार्यकर्ता पोस्ने पद्धति यो मुलुकमा अवलम्बन भएको प्रस्ट भइसकेको छ । राज्यका कुनै निकायमा नियुक्ति पाउन, ठेक्कापट्टा लिन वा काम गर्न गर्न कुनै न कुनै दल र त्यसका नेताको आशीर्वाद लिनै परेपछि पुराना राजाका अभ्यास अहिलेका 'छोटे राजा' हरूबाट भइरहेको अनुभूत हुन्छ । प्रजातन्त्र भनेको गुणवत्ताका आधारमा निर्णय हुने र योग्यताअनुरुपको जिम्मेवारी पाउने शासन हो । हामीकहाँ प्रजातन्त्रको एउटा विकृत अभ्यास भइरहेको छ । यसले आम जनमानसमा निराशाबाहेक केही दिएको छैन । त्यसमा पनि मुलुकमा आएका परिवर्तनसँगै सर्वसाधारणले चैयनको सास फेर्न पाएका छैनन् । भ्रष्टाचार, अनाचार, नातावाद, कृपावादको नांगो नृत्य भइरहेको छ । यस्तो बेला बेलगाम भइरहेकालाई धक्का दिन सक्ने कुनै नयाँ राजनीतिक शक्तिको उदय होस् भन्ने अपेक्षा सर्वसाधारणमा छ । शान्तिपूर्ण प्रतिस्पर्धा गर्ने र मुलुकमा परिवर्तनको आभास दिने शक्तिबीच प्रतिस्पर्धा नहुने हो भने अहिलेको निराशाले निकास पाउँदैन ।

त्यही भएर समाजमा राम्रा व्यक्तिहरू राजनीतिमा आऊन् भन्ने अपेक्षा चौतर्फी छ । अबको नेपालले प्रजातन्त्र मासेर तानाशाही व्यवस्थातर्फ पाइला चाल्न सक्दैन । प्रजातन्त्रमा देखिएको विकृति फाल्न सक्ने आँट बोकेर कोही आउँछ भने सर्वसाधारणले नाइँ भन्न नसक्ने स्थिति आउँछ । भट्टराईको नयाँ शक्तिले अहिल्यै आशा दिइनहाले पनि त्यसले नागरिक जीवनमा प्रभावकारी भूमिका निर्वाह गरेका व्यक्तिलाई आकर्षित गरेको छ । अहिले शासनसत्तामा रहेका एमाले, एमाओवादी, विपक्षमा रहेको कांग्रेस र तराई–मधेस केन्द्रित दल सबैले कुनै न कुनै रुपमा आम जनमानसको अपेक्षामा कुठाराघात गरेका छन् । तिनले अहिल्यैदेखि बदलिन र जनतालाई सन्तुष्ट पार्न कोसिस थालेनन् भने नयाँ आउने शक्तिहरूले उछिन्न पनि सक्छन् । यो धर्तीमा निर्विकल्प कोही पनि छैन । अहिलेसम्म मुख्य दलहरूलाई हामीले गरेपछि जे पनि हुन्छ भन्ने लागिरहेको छ । परिस्थिति अहिलेजस्तै रहिरहन सक्दैन । भारतको नयाँदिल्लीमा उदाएको अरबिन्द केजरीवालको आम आदमी पार्टी यसको उदाहरण हो । र, मुख्य दलहरूले सर्वसाधारणको चित्त धेरै दुखाइसकेका हुनाले राम्रो नीति तथा कार्यक्रम लिएर आउने र काम गर्न सक्ने अन्य दलका निम्ति पनि मार्गप्रशस्त भइरहेको समय हो यो । भट्टराईले हिजो आफूले हिँडेको बाटोभन्दा भिन्न मुलुकको आर्थिक समृद्धिका निम्ति अघि बढ्ने बाटो तय गरे भने पक्कै पनि त्यसले उनीप्रति आकर्षण थप्नेछ। त्यति मात्र होइन, नयाँ राजनीतिक मार्गचित्र लिएर हिँड्न अरू पनि धेरै समूह तयार हुँदै गएको देखिन्छ। असल मानिस मुलुकलाई समृद्ध बनाउन अघि बढे भने राजनीति 'फोहरी खेल' नभई मूल नीति बन्न पुग्छ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...