Friday 14 Ashwin, 2073 |
Menu

अर्थ

republica-headerdiscount-subscribe1

istl

पर्थमा ब्याट्सम्यान हाबी

(0 votes)
पर्थमा ब्याट्सम्यान हाबी
पर्थ– बलमाथि ब्याट हाबी हुने क्रमले चौथो दिन पनि निरन्तरता पाउँदा घरेलु टोली अस्ट्रेलियाले दोस्रो टेस्टमा न्युजिल्यान्डमाथि सोमबार १ सय ९३ रनको अग्रता लिएको छ ।
nepali-patro-june
पर्थमा जारी टेस्टमा रोज टेलरले करिअरकै उच्च प्रदर्शन गर्दै २ सय ९० रन बनाएका थिए । भ्रमणकारी टोलीका ब्याट्सम्यानले अस्ट्रेलियामा बनाएको योे सबैभन्दा ठूलो व्यक्तिगत स्कोर हो । ५१‌०/६ को स्थितिबाट दिनको खेल सुरु गरेको न्युजिल्यान्डले टेलरको उच्च प्रदर्शनमा पहिलो इनिङमा ६ सय २४ रन बनाउँदै ६५ रनको अग्रता लिएको थियो । व्यक्तिगत २ सय ३५ रनमा सोमबार खेल सुरु गरेका टेलरले सोमबार ५५ रन थपे ।

तर, स्टिभ स्मिथ र एडम भोग्सले शतक बनाएपछि कमजोर सुरुआतका बाबजुद अस्ट्रेलिया पुनरागमन जनाउन सफल भयो ।

सोमबार चौथो दिनको खेल सकिँदा घरेलु टोलीले आफ्नो दोस्रो इनिङमा २ विकेट गुमाउँदै २ सय ५८ रन बनाइसकेको छ । ओपनर जोए बर्नसलाई शून्य तथा डेविड वार्नरलाई २४ रनमा गुमाएको अस्ट्रेलियाका लागि कप्तान स्मिथले करिअरको १२ औं तथा वर्षको पाँचौं शतक प्रहार गर्ने क्रममा अविजित १ सय ३१ रनको योगदान गरे । भोग्सले अविजित १ सय १ रन बनाए । यसक्रममा स्मिथले १ सय ७० बलमा १७ तथा भोग्सले १ सय ८९ बलमा १५ चौका प्रहार गरे ।

भोग्सले सोमबार अन्तिमभन्दा अघिल्लो ओभरमा शतक पूरा गरेका थिए । स्मिथले भने ९६ रनमा महŒवपूर्ण जीवनदान पाए । तीब्र गतिका बलर म्याट हेनरीको बलमा विकेटकिपर बिजे वाट्लिङले लेगसाइडमा आएको बलमा क्याचको अवसर खेर फाल्दा स्मिथले जीवनदान पाएका हुन् ।

ब्याटिङमैत्री पिचमा खेल बराबरी हुने प्रस्ट संकेत देखिए पनि अस्ट्रेलियाले मंगलबार पाँचौं दिन बिहानै इनिङ समाप्तिको घोषणा गरेर न्युजिल्यान्डलाई सस्तैमा समेट्दै जित हासिलको प्रयास गर्ने सम्भावना छ ।

तीन टेस्टको शृंखलामा अस्ट्रेलिया १–० ले अघि लागिसकेको छ । गावामा सम्पन्न पहिलो टेस्टमा घरेलु टोलीले न्युजिल्यान्डमाथि २ सय ८ रनको विजय पाएको थियो । तेस्रो टेस्ट नोभेम्बर २७ देखि एडिलेडमा हुनेछ ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...