Sunday 12 Bhadra, 2073 |
Menu

अर्थ

republica-headerdiscount-subscribe1

istl

एट्लेटिकोलाई फाइदा

(0 votes)
बार्सिलोना- एल क्लासिकोमा रियाल मड्रिडको पराजयले सहरी प्रतिद्वन्द्वी एट्लेटिको मड्रिडलाई फाइदा पुगेको छ। एट्लेटिको आइतबार रियाल बेटिसलाई १–० ले हराउँदै दोस्रो स्थानमा उक्लिएको छ।
nepali-patro-june
फर्नान्डो टोरेजले हानेको बल विपक्षी गोलकिपर एन्टोनियो एडनले राम्रो नियन्त्रणमा लिन नसकेको बललाई सातौं मिनेटमा जोर्गे कोेकेले पोस्टको दिशा दिएका हुन्। त्यसपछि भ्रमणकारी टोलीले थुप्रै अवसर सिर्जना गरेपनि गोल भने गर्न सकेनन्।

एट्लेटिकोले रियाललाई प्रतिस्थापन गर्दै दोस्रो स्थानमा उक्लिएको हो। साथै, शीर्ष बार्सिलोनासँग ४ अंकको दुरीमा रहेको एट्लेटिकोले उपाधि भिडन्तमा राम्रो चुनौती प्रस्तुत गर्ने देखिएको छ। बार्सिलोनाले बेर्नाबेउ रंगशालामा शनिबार रियाललाई ४–० को अन्तरमा निराश पारेको थियो।

एट्लेटिकोको जितले रियालका प्रशिक्षक राफेल बेनिटेजमा माथि दबाब सिर्जना गरेको छ। बेनिटेजको टोली बार्सिलोनाभन्दा ६ अंकले पछि छ भने डिएगो सिमोनीको टोलीभन्दा २ अंकले पछि छ।

'प्रत्येक खेलमा हामीले राम्रो गर्दै गइरहेका छौं। हेरौं, हामी कति अघि बढ्छौं,' एट्लेटिकोका प्रशिक्षक सिमोनीले भने।

२०१४ को लिग विजेता एट्लेटिकोले त्यसयता कुनै उपाधि उठाउन सकेको छैन। बार्सिलोना र रियालको दाँजोमा एट्लेटिकोको बजेट निकै कम छ। यद्यपि कोके टोलीमा यथावत छन्।

'दोस्रोमा उक्लिँदा हामी खुसी छौं तर, यो यात्रा यही सकिएको छैन,' कोकेले भने, 'हामीले जितलाई निरन्तरता दिनुपर्छ। संचारमाध्यममा हामीलाई उपाधिसँग जोडिएको छ। तर, हाम्रो लक्ष्य तेस्रो स्थान हो। त्योभन्दा माथि भयो भने हाम्रा लागि थप हुनेछ।'

लगातार चार हार बेहोरेको बेटिस १२ औं स्थानमा छ। दायाँ खुट्टामा लागेको चोटका कारण बेटिसले गोलकिपर एडनलाई गुमाएको छ।

अन्तिम समयमा गरेको गोलमा भिल्लारियालले इवरसँग १–१ को बराबरी खेलेको छ। तथापि भिल्लारियाल चौथो स्थान उक्लिएको छ। भ्रमणकारी टोली इबरले १० खेलाडीमा समेटिँदै खेलअन्त्य गरेको थियो। रक्षक जउमे कोस्टाले डेनिस स्वारेजलाई थ्रोमा बलले हानेपछि ७५औं मिनेटमा उनले दोहोरो पहेँलोसहित रातो कार्ड पाए। त्यसको पाँच मिनेट बित्न नपाउँदै घरेलु टोलीले बराबरी गोल गरेको थियो।

सेर्गी इनरिचले २७औं मिनेटमा गरेको गोलमा इवरले अग्रता लिएको हो। खेलअघि दुवै टोलीले पेरिस आक्रमणप्रति श्रद्धान्जली व्यक्त गरेका थिए। फ्रान्सको राष्ट्रिय धुन बजाइएको थियो भने रंगशालाको ठुलो स्त्रि्कनमा 'हामी सबै फ्रान्स हौं' लेखिएको थियो।

जित्न नसके पनि भिल्लारियालले सेल्टाभिगोलाई पछि पार्दै चौथो स्थानमा उक्लिएको हो। चौथो स्थानसम्म पुग्ने टोली च्याम्पियन्स लिग खेल्नपाउँछन्।

ब्राजिलियन फरवार्ड डेभर्सनको दुई गोलप्रेरित लेभान्टेले स्पोर्टिङ गिजोनलाई ३–० ले पराजित गर्योी। पुछारबाट दोस्रो स्थानको लेभान्टेका नयाँ प्रशिक्षक जोन फेर्रेरको तीन खेलमा पहिलो जित हो।

ग्रानाडाले पनि घरेलु मैदानमा सिजनको पहिलो जित निकाल्यो। एथलेटिक बिल्बाओलाई २-० ले पराजित गरेको ग्रानाडाको पछिल्लो १० खेलमा पहिलो जित हो। रक्षक एमेरिक लापोर्टेको गल्तीमा बिल्बाओको ७ खेलसम्मको अपराजित यात्रामा पूर्णविराम लागको छ। पाँचौं मिनेमा आत्मघाती गोल गरेका लापोर्टेले ५९ औं मिनेटमा गल्तीमा विपक्षी फरवार्ड सक्सेस इकासले गोल गरे। खुट्टामा लागेको चोटका कारण उनले मैदान छाडेका थिए।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...