15 Shrawn, 2073 |
Menu

अर्थ

republica-headerdiscount-subscribe1

istl

औद्योगिक करिडोर अध्ययन समिति गठन मात्रै

(0 votes)
काडमाडौं-सरकारले देशका विभिन्न ठाउँमा रहेका औद्योगिक करिडोरहरु अध्ययन गर्न बनेको समितिले एक वर्ष हँुदा पनि काम सुरु गर्न सकेको छैन । देशका विभिन्न ठाउँमा सञ्चालन भएका औद्योगिक करिडोरमा रहेका समस्या पहिल्याई त्यसको समाधान गर्ने उद्देश्यले समिति गठन भएको थियो ।


nepali-patro-june
उद्योग मन्त्रालयले गत आर्थिक वर्षमा औद्योगिक करिडोरको विशेष अध्ययन गर्न बनेको समितिले काम सुरु गर्न नसकेको मन्त्रालयलले जनाएको छ । 'करिडोरको अध्ययन गर्न समिति बनेको थियो तर काम भने सुरु हुन सकेन,' मन्त्रालयकी प्रवक्ता यामकुमारी खतिवडाले भनिन्, 'आवश्यक बजेटको अभावले समितिले काम सुरु गर्न सकेको छैन ।'

मन्त्रालयले सुनसरी–मोरङ, वीरगन्ज–सिमरा, भैरहवा–बुटवल र नेपालगन्ज–कोहलपुर क्षेत्रमा रहेका उद्योगको अवस्था र समस्याबारे अध्ययन गर्न समिति गठन गरेको थियो । मन्त्रीस्तरीय निर्णयबाट उक्त क्षेत्रमा रहेका उद्योगबारे अध्ययन गर्न समिति गठन गरेपछि आवश्यक रकम निकासा गर्न अर्थ मन्त्रालयलाई आग्रह गरेको थियो । अर्थबाट आवश्यक बजेट नआएपछि काम सुरु हुन नसकेको खतिवडाले बताइन् ।

उक्त अनुगमन समितिको संयोजकमा मन्त्रालयका सह–सचिव ऋषिराज कोइरालासहित मन्त्रालयका प्राविधिक निर्देशक, उद्योग विभाग, उद्योग वाणिज्य महासंघ र उद्योग परिसंघका प्रतिनिधि थिए ।

धेरै पहिलेदेखि उक्त क्षेत्रमा स्थापना भएका उद्योगहरू राम्रोसँग सञ्चालन हुन नसकेको गुनासो छ । विद्युत, आवश्यक सुविधा, स्थानीयसँगको समन्वय, पुँजी, रोजगारीलगायत विभिन्न समस्या आइरहेका छन् । कतिपय उद्योग बन्द हुने र चलेका पनि राम्रोसँग सञ्चालन हुन नसकेको अवस्था छ । उक्त क्षेत्रबाट विभिन्न खालका समस्या आइरहेकाले सो करिडोर क्षेत्रका उद्योगको अवस्था अवलोकन गर्न समिति बनेको हो ।

समितिले सो क्षेत्रमा रहेका उद्योगको अनुगमन प्रतिवेदन तयार गर्न दुई महिना पाएको थियो । समितिले स्थलगत भ्रमण गरेर, स्थानीय र उद्योगी, व्यवसायीसँग छलफल गरेर प्रतिवेदन तयार गर्ने योजना बनाएको थियो । करिडोरमा रहेका उद्योगमा के के समस्या छन्, कति उद्योग छन्, कसरी सञ्चालन भइरहेका छन्, विद्युतको अवस्था कस्तो छ, स्थानीयको समस्या के के हुन, वातावरणीय अवस्था कस्तो छ ? लगायत विषयमा समितिले अध्ययन गर्ने तयारी गरेको थियो ।

वैशाख १२ को भूकम्प र त्यसपछिको भारतीय नाकाबन्दीले तराई क्षेत्रको उद्योगलाई नराम्री असर गरेकाले तिनको अध्ययन गर्न आवश्यक रहेको व्यवसायीको भनाइ छ । जति पनि औद्योगिक करिडोरमा उद्योग छन् ती उद्योगबाट क्षमता अनुसारको प्रतिफल आउन सकेको छैन ।

औद्योगिक करिडोरमा रहेका उद्योगबारे औद्योगिक व्यवसाय ऐनले पनि विभिन्न प्रावधान समेटेको छ । उक्त ऐनमा औद्योगिक ग्राम, क्लस्टर जस्ता शब्द प्रयोग गरिएको छ । विभिन्न सुविधा पाउने सो कोरिडोरका उद्योगबारे विस्तृत प्रतिवेदन तयार गर्न सरकारले अध्ययन गर्न समिति गठन गरेको थियो । औद्योगिक करिडोर स्थापना र यसको विकासको लागि औद्योगिक व्यवसाय ऐन महत्वपूर्ण भएको मन्त्रालयले जनाएको छ ।

देशको अर्थतन्त्रको समुचित विकासका लागि औद्योगिक लगानीको वातावरण बनाउने, उत्पादन र रोजगारीको अवसर बढाउने, उपलब्ध स्रोत अधिकतम उपयोग गरी आयात प्रतिस्थापन तथा निर्यात प्रवद्र्धन गर्न औद्योगिक करिडोर स्थापना महत्वपूर्ण भएकोे मन्त्रालयको भनाइ छ ।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...