Tuesday 14 Bhadra, 2073 |
Menu

अर्थ

republica-headerdiscount-subscribe1

istl

आन्तरिक विमानस्थल दस्तुर अब टिकटमै

(0 votes)
आन्तरिक विमानस्थल दस्तुर अब टिकटमै
काठमाडौं - आन्तरिक गन्तव्य जान जहाज चढ्नुअघि विमानस्थलमै कर तिर्दै आएका यात्रुले अब त्यसो गर्नुपर्दैन। जहाजको टिकट खरिद गर्दा 'विमानस्थल दस्तुर' टिकटमै गाभिएर आउने नयाँ व्यवस्था लागु हुँदैछ। देशभरका विमानस्थलको नियामक निकाय तथा सञ्चालक नेपाल नागरिक उड्डयन प्राधिकरणले आगामी साउन १ बाट आन्तरिक विमानस्थल दस्तुर हवाई टिकट खरिदमै गाभ्ने निर्णय गरेको छ।
nepali-patro-june
'हवाई यात्रुलाई सजिलो, समयको बचत र विमानस्थलमा यात्रुको लाइन नहोस् भनेर अबदेखि दस्तुर टिकट किन्दा नै तिर्नुपर्ने नियम ल्याएका हौं,' प्राधिकरणका नायब महानिर्देशक सञ्जीम गौतमले बिहीबार नागरिकसँग भने, 'यात्रुले टिकटमा तिरेको दस्तुर हामी सम्बद्ध आन्तरिक वायुसेवा कम्पनीबाट असुल गर्छौं। यसका लागि सबै वायुसेवासँग छलफलपछि सहमति भइसकेको छ।'

उनका अनुसार यसको सुरुवात त्रिभुवन अन्तर्राष्ट्रिय विमानस्थलबाट गरिने छ। त्यसपछि विस्तारै देशभरका विमानस्थलमा यो नियम कार्यान्वयन गराउँदै लगिने छ। त्रिभुवनबाहेक अन्य विमानस्थलका लागि चरण–चरणमा वायुसेवा कम्पनी र सरोकारवालासँग छलफल गरी काम अगाडि बढाइने छ। तत्कालका लागि त्रिभुवनबाहेक अन्य विमास्थलमै दस्तुर तिर्नुपर्छ।

प्राधिकरणको विमानस्थल दस्तुर नियमावलीअनुसार प्रत्येक विमानस्थलमा दस्तुर दर फरक–फरक छ। त्रिभुवन विमानस्थलमा प्रत्येक यात्रुले २ सय रुपैयाँ दस्तुर तिर्नुपर्छ। यही दर पोखरा, विराटनगर, नेपालगन्जलगायत ठूला सहरी विमानस्थलमा पनि छ। प्राधिकरणले केही वर्षदेखि अन्तर्राष्ट्रिय हवाई यात्रुलाई भने विमानस्थल दस्तुर टिकटमै लिने व्यवस्था गरेको छ। 

त्यसै गरी कुनै विमानस्थलमा १ सय ५०, कुनैमा १ सय रुपैयाँ दस्तुर तिर्नुपर्छ। हुम्लाको सिमिकोट, मुगुको रारालगायत केही दुर्गम भेगका विमानस्थलमा भने यस्तो दस्तुरवापत ५ रुपैयाँमात्र तिरे पुग्छ। 

प्राधिकरणअन्तर्गत कुल ५१ विमानस्थलमध्ये हाल एक अन्तर्राष्ट्रियसहित ३४ विमानस्थल सञ्चालनमा छन्। यात्रु अभावलगायत विविध कारण वर्षौंदेखि १४ वटा बन्द छन्। पाँचवटा भने निर्माणाधीन छन्।

प्रतिक्रिया

सुरुङ सकिनेबित्तिकै मेलम्ची पानी

सुरुङ सकिनेबित्तिकै मेलम्ची पानी

काठमाडौं- दुई दशकदेखि मेलम्ची पानी पर्खिरहेका उपत्यकाबासीले सुरुङ खन्ने काम सकिँदाबित्तिकै पानी उपभोग गर्न पाउने भएका छन्। मुख्य कामको रुपमा रहेको सुरुङसहित अन्य कामको प्रगतिमा सुधार भएपछि उपत्यकाबासीको मेलम्ची प्रतीक्षा...

कुखुराबाट ३३ अर्ब ७२ करोड रूपैयाँ आम्दानी !

कुखुराबाट ३३ अर्ब ७२ करोड रूपैयाँ आम्दानी !

चितवन– नेपालमा व्यावसायिक कुखुरा पालन फार्महरुले मासु, अन्डा र चल्ला बिक्रीबाट एक वर्षमा रु. ३३ अर्ब ७२ करोड ४० लाख २३ हजार आम्दानी गर्ने गरेका छन्।

रोजगारपीडितलाई क्षतिपूर्ति पाउन सकस

रोजगारपीडितलाई क्षतिपूर्ति पाउन सकस

काठमाडौं- मोरङ, उर्लाबारी–८ सुनझोडाका झमकबहादुर थापा अचेल बेचैन छन्। निड इम्प्लोइमेन्ट सर्भिस प्रालिले मलेसियाको सेङ इप फर्निचर उद्योगका लागि पठाएका थापा साढे एक महिनामै घर फर्र्किएपछि निराश हुन पुगेका हुन्।

सेयर परिसूचक उक्लेको उक्ल्यै

सेयर परिसूचक उक्लेको उक्ल्यै

काठमाडौं–सेयर बजारको तथ्यांकीय मापक नेप्सेले लगातार तेस्रो दिन नयाँ कीर्तिमान बनाएको छ । मंगलबार परिसूचक र कारोबार रकम दुवैमा कीर्तिमान बनेको हो । एक साता अघिदेखि लगातार दोहोरो अंकले बढ्दै...

चन्द्रागिरिमा केबलकार सरर‍‍‍‍‍...(भिडियो)

चन्द्रागिरिमा केबलकार सरर‍‍‍‍‍...(भिडियो)

काठमाडौं– धुलोको साम्राज्यमा पसेजस्तो लाग्ने कुइरीमण्डल सडक। एकसाथ गुड्छन्– लरी, ट्रिपर, बस, मोटरसाइकल र कारहरु। त्रिपुरेश्वरदेखि थानकोटसम्म पुग्दा लाग्छ नेपालमा फोक्सो बिगार्ने धुँवा एवं हिलो, भत्किएका सडकबाहेक अरु केही छैन।

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

नयाँ गभर्नरको हस्ताक्षरित नोट आयो, दृष्टिविहीनले छामेर पत्ता लगाउन सक्ने

काठमाडौं- नेपाल राष्ट्र बैंकका नयाँ गभर्नर चिरञ्जीवी नेपालले हस्ताक्षर गरेको नोट पहिलोपटक बजारमा आएको छ। नयाँ गभर्नरको हस्ताक्षरसहित पहिलोपटक बजारमा आएको नोट सय दरको हो। उक्त नोटमा दुइटा गैंडाको चित्र...

अलैचीको अस्थीर मूल्यले किसान चिन्तित

अलैचीको अस्थीर मूल्यले किसान चिन्तित

पाँचथर-सिदिन–७ का एकुका टेकवहादुर केरुङले गत मंसिरमा अलैचीको मूल्य प्रतिमन (४० केजी) ९० हजार रुपैयाँ पुगेपनि थप बढ्ने आस गरे। अघिल्लो सिजनमा प्रतिमन एक लाख १६ हजार रुपैयाँसम्ममा बिक्रि भएको...

एकै दिन २ अर्बको सेयर किनबेच

एकै दिन २ अर्बको सेयर किनबेच

काठमाडौं- पछिल्लो समय क्रमशः बढ्दै आएको सेयर कारोबार आइतबार दुई अर्ब रुपैयाँ नजिक पुगेको छ। यस दिन नेपाल स्टक एक्सचेन्ज (नेप्से) मा एक अर्ब ९६ करोड ४७ लाख रुपैयाँको सेयर...