×

Warning

JLIB_APPLICATION_ERROR_COMPONENT_NOT_LOADING

JLIB_APPLICATION_ERROR_COMPONENT_NOT_LOADING

JLIB_APPLICATION_ERROR_COMPONENT_NOT_LOADING

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Tuesday 7 Kartik, 2074 |
Menu

कला

republica-headerdiscount-subscribe1

istl

'बिहेमा ड्रामा गर्ने सोच छैन'

  • बिहीबार २० असार, २०७०
  • सामीप्य तिमल्सेना
  • Be the first to comment!
(0 votes)
'बिहेमा ड्रामा गर्ने सोच छैन'
काठमाडौं - बुधबार मध्यान्ह अभिनेता राजेश हमाल कुपण्डोलस्थित उत्तम क्रिएसनमा शरीरको नाप दिँदै गरेका भेटिए। कालो हाफ सर्ट र निलो जिन्समा इसिमोड प्रिन्टेड क्यापका साथ उपस्थित राजेश ड्रेस डिजाइनर उत्तम बनेपालीले भनेझैं कहिले हात त कहिले खुट्टा फैलाएर नाप दिइरहेका थिए। केही दिनमै फ्लोरमा जाने फिल्म 'हँसिया'को ड्रेस डिजाइनका लागि त्यहाँ उपस्थित राजेश हालका दिनमा बिहे गर्ने खबरका कारण चर्चामा छन्।
nepali-patro-june
नागरिकले उनीसँग बिहेबाटै कुराकानी थाल्यो।

अब चाहिँ तपाईंको बिहे खान पाइन्छ?
कुनै भवितव्य भएन भने पाइन्छ।

कहिलेसम्म?
हेर्नुस् म त वर्षबाट महिनामा झरिसकेको छु। अब यही महिना भन्न चाहिँ गाह्रो छ।

तर माघमा हो भन्ने हल्ला छ?
एकदमै टुङ्गो भएको त होइन। परिवार सबै मिलेर निर्णय गर्ने हो। तर समस्या के छ भने कसैको कुन महिनामा बिदा मिल्छ, कसैको कुन महिना। छलफलको क्रममा छौं। तर त्यो भन्दा पर लैजाने मनसाय छैन।

अनि मुक्तिनाथमा हुने र तपाईंको बिहे?
खोइ मुक्तिनाथको हल्ला कहाँबाट आयो मलाई थाहा छैन। मैले त्यहाँ गर्छु भनेको पनि छैन।

तर निर्माता राजेन्द्र ठकुरीले त तयारी गर्न थालिसक्नु भयो रे?
मैले पनि त्यो हल्ला सुनेको हुँ। हाँसो पनि लाग्यो। तर कुनै सत्य होइन। राजेन्द्रजी मेरो मित्र हुनुहुन्छ। उहाँले म सहयोग गर्न तयार छु भन्नु भएको हो। तर एकदमै फाइनल भएको होइन।

भनेपछि हुनसक्ने सम्भावना पनि छ?
मैले भनेँ नि, परिवारले बसेर निर्णय गर्न बाँकी नै छ। तर मेरो भित्री इच्छा के हो भने जिन्दगीमा फिल्मभित्र बहुतै ड्रामा गरियो। बिहेमा त्यस्तो ड्रामा गर्ने सोच छैन। म एकान्तप्रेमी मान्छे हुँ। बिहे पनि होहल्ला नगरी तडकभडक बिना गर्न चाहन्छु। मेरो इच्छा मिल्ने गरी मुक्तिनाथ, रारा वा अन्य कुनै ठाउँमा पनि हुनसक्छ। 

बिहेपछि केही स्पेशल योजना छन् कि?
बिहेको डिटेलमा धेरै नजाउँ। केही भयो भने तपाईंहरुलाई थाहा भई नै हाल्छ।

सामाजिक काम र उद्घाटन कार्यक्रममा रिबन काट्दै हिँड्न थाल्नुभएको छ। फिल्मबाट फुर्सद पाउनु भएको हो? 
अलि अलि पाएको र अलिअलि लिएको पनि हुँ। अब पहिलेझैं जस्तो पायो त्यस्तो फिल्म पनि गर्ने पक्षमा छैन। छानेर गर्छु। 

तर राजेश हमालले फिल्म पाउन छोड्यो भन्ने हल्ला छ नि?
हल्ला गर्नेले के के गर्छन्, मलाई थाहा छैन। तर मैले यही 'हँसिया' फिल्म गर्नलाई पाँचवटा फिल्म छाडिदिएँ।

भनेपछि 'हँसिया'मा तपाईंको खास भूमिका देख्न पाइन्छ?
एकदमै एक्स्ट्रा भन्ने पनि होइन। तर प्रस्तुतिमा नयाँपन हुनेछ भन्ने। अनुसन्धान अधिकृतको भूमिकामा छु। निर्देशकले कपाल काट्नुपर्छ भन्नु भएको छ। काट्दैछु। 

तपाईं निर्देशकको 'डार्लिङ एक्टर' हो है, निर्देशकले जे भन्यो त्यो मान्दिने?
मलाई अरुको काममा दख्खल दिन मन लाग्दैन। निर्देशकको आफ्नै सोचाइ हुन्छ, भिजन हुन्छ। उसले फिल्मको बारेमा हामी सबैले भन्दा ज्यादा सोचेको हुन्छ। त्यसैले कति कुरा गलत जस्तो लागे पनि म शंकाको सुविधा दिन्छु।

त्यही भएर तपाईंलाई आजभोलि आरोप पनि छ नि, तपाईंको कारणले फिल्म उद्योग यो अवस्थामा आयो?
हो र, कसरी?

तपाईंले जहिलै पनि संख्यालाई महŒव दिनुभो, फिल्मको गुणस्तरलाई होइन। तपाईंले चाहेको भए फिल्मको दिशा अर्कै हुनसक्थ्यो?
यो पक्षपाती विश्लेषण हो। विगतलाई तपाईंले वर्तमानको कसीमा राखेर हेर्नुभयो भने सबै गल्ती भेट्नुहुन्छ। तर त्यही बेलाकै समयमा रहेर विश्लेषण गर्नुभयो भने अर्कै सत्य देखा पर्छ। हिजोका दिनमा जतिबेला म फिल्ममा आएँ, त्यतिबेला फिल्म बन्न नै जरुरी थियो। संख्या महत्वपूर्ण थियो। बल्ल उद्योगको एउटा खाका तयार भइरहेको छ। आज जसले पुराना फिल्मकर्मीमाथि दोष थोपरिरहनुभएको छ, उहाँहरु राम्रा फिल्म बनाएर अगाडि बढ्नुहुन्छ भने त्यसको श्रेय पुरानालाई पनि जान्छ। 

पूराना फिल्मकर्मीहरु त नयाँ धार भनाउँदाले फिल्म उद्योग बिगारे भन्छन्। तपाईं कसको पक्षमा?
म नेपाली फिल्मको पक्षमा। मलाई त यो धार–सार भन्ने कुरामा विश्वास छैन। फिल्म भनेको दर्शकका लागि बनाउने हो र त्यो फिल्म हेरेर दर्शकले दुई–तीन घन्टाका लागि आफूलाई बिर्सनुपर्यो। मेरा लागि त फिल्म राम्रा नराम्रा छुट्टयाउने दुइटा मात्र आधार छन्। दर्शकले रुचाएका फिल्म राम्रा र नरुचाएका नराम्रा।

तपाईं पनि चाँडै निर्देशनमा आउने सोचमा हुनुहुन्छ, कस्तो फिल्मलाई प्राथमिकता दिनुहुन्छ?
मनोरञ्जन दिने जस्तोसुकै फिल्म हुनसक्छ। तर प्रेमकथा र सामाजिक मुद्दामा ज्यादा रुचि रहनेछ।

कहिलेबाट सुरु गर्दै हुनुहुन्छ?
चाँडै नै गर्छु। माहोल ठिक भएको भए आजभोलि नै पनि सुरु गर्ने सोच थियो। तर अहिले वातावरण ठिक नभएकाले रोकिएको छु।

तपाईं त राजनीतिमा जान पनि इच्छुक हुनुहुन्छ होइन?
अवश्य छु। तर तत्कालै होइन। मेरो पहिलो प्राथमिकता त फिल्म नै हो। अनुकुल वातावरण बन्यो भने राजनीतिमा पनि सहभागी हुन सक्छु।

पछि भनेको बिहेपछि नै त होइन?
निश्चय नै होइन। बिहे गर्नेबित्तिकै मेरो जीवनको धारनै परिवर्तन हुन्छ भन्ने होइन। मेरो जे नियमित काम छ, त्यसैमा निरन्तर रहनेछु।

प्रतिक्रिया

धुर्मुस–सुन्तलीको नयाँ रुप, पञ्चरत्ने र पार्वती (फाेटाे)

धुर्मुस–सुन्तलीको नयाँ रुप, पञ्चरत्ने र पार्वती (फाेटाे)

काठमाडौं– हास्यकलाकार सिताराम कट्टेल (धुर्मुस) र कुञ्जना घिमिरे (सुन्तली)को नयाँ रुप सार्वजनिक भएको छ। सर्ट मुभी 'ज्योति'(द पावर अफ लाइट)मा पञ्चरत्ने र पार्वतीको भूमिकामा उनीहरुको नयाँ रुप देखिएको हो।  

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...