×

Warning

JLIB_APPLICATION_ERROR_COMPONENT_NOT_LOADING

JLIB_APPLICATION_ERROR_COMPONENT_NOT_LOADING

JFile: :read: Unable to open file: /data/nagariknews/components/com_k2/js/k2.js?v2.7.0&sitepath=/

Thursday 2 Kartik, 2074 |
Menu

कला

republica-headerdiscount-subscribe1

istl

फेसबुकमा हरिवंश र नम्रता अगाडि

  • शुक्रबार १८ श्रावण, २०७०
  • सामीप्य तिमल्सेना
  • Be the first to comment!
(0 votes)
फेसबुकमा हरिवंश र नम्रता अगाडि
काठमाडौं - अभिनेता हरिवंश आचार्यलाई फेसबुक चलाउने फुर्सद छैन होला, जबकि उनी नेपालमा सबैभन्दा ज्यादा फेसबुक फ्यान भएका सेलिब्रेटी भएका छन्। १९ लाख नेपालका फेसबुक प्रयोगकर्तामध्ये फेसबुकमा उनको पेज लाइक गर्ने संख्या २ लाख ७२ हजार रहेको छ। नेपालीले मन पराउने समग्र देशीविदेशी सेलिब्रेटीको सूचीमा भने हरिवंश चौथो नम्बरमा रहेका छन्।
nepali-patro-june
कोलम्बियन गायिका सकिरा, अमेरिकी गायिका टेलर स्विफ्ट र भारतीय अभिनेता सलमान खान क्रमशः पहिलो, दोस्रो र तेस्रो स्थानमा रहेको फेसबुक तथ्यांक राख्ने वेवसाइट सोसल बेकरले देखाएको छ। 
पछिल्लो समय आत्मसंस्मरणात्क कृति 'चिना हराएको मान्छे'का कारण साहित्य सेलिब्रेटीका रुपमा स्थापित आचार्यको पेज लाइक गर्ने संख्या निरन्तर बढ्दो छ। हरिवंशले पनि पुस्तकको बिक्री संख्या ६० हजारको हाराहारीमा पुग्नुमा फेसबुकको भूमिकालाई नकार्दैनन्। 'फेसबुकमा व्यक्त भएका क्रिया प्रतिक्रियाले पुस्तकको बिक्रीमा धेरै प्रभाव पारेको अनुभव गरेको छु। धेरै बेर चलाएर बस्ने फुर्सद त हुँदैन तर हप्तामा एक दिन भए पनि फेसबुकमा बस्ने योजना बनाएको छु,' आचार्यले भने। आचार्यले फेसबुक साथीले गरेका टिप्पणीले पुस्तकका हरेक संस्करण सुधार्न मद्दत पुगेको पनि बताए।
हरिवंशपछि नेपाली फेसबुक प्रयोगकर्ताबीच र्या पर यम बुद्ध लोकप्रिय रहेका छन्। उनलाई नेपालमा मात्र मन पराउने फ्यानको संख्या १ लाख ३५ हजार रहेको छ। तर विदेशमा समेत गरी उनको पेज लाइक गर्ने संख्या भने १ लाख ७० हजार छ। र्या पर यम बुद्ध टिनेजरका बिच लोकप्रिय मानिन्छन्। 
सार्वजनिक रुपमा खासै नचिनिएका यम बुद्धलाई फेसबुकमा यति धेरैले मन पराउनुले फेसबुक प्रयोगकर्ताको भिन्न चरित्र झल्काउँछ। नेपालीहरुले रुचाउनेमा यम बुद्ध अगाडि भए पनि विदेशी प्रयोगकर्ताको समेत लाइक जोड्दा भने अभिनेत्री नम्रता श्रेष्ठ हरिवंशपछि सबैभन्दा बढी फेसबुक फ्यान भएकी सेलिब्रेटी हुन्। उनको पेजलाई लाइक गर्ने संख्या १ लाख ७१ हजार छ। नेपालबाट मात्र भने उनलाई १ लाख २७ हजार फ्यानले लाइक गरेका छन्। तर नम्रता आफैं यो पेजकी एडमिन भने होइनन्। उनका सहयोगी भाइ प्रदीपले पेज रेखदेख गर्ने गरेका छन्। २००९ देखि फेसबुकमा सक्रिय नम्रता आफैंले भने प्रोफाइल पेज मात्र हेर्ने गरेकी छिन्। जहाँ उनका ५ सय जति फ्रेन्ड छन्।
आधा दर्जनभन्दा फेक आइडीबाट पीडित नम्रतासँग पनि फेसबुकले प्रमोसनमा निकै फाइदा पुर्याजएको अनुभव छ। '१ लाखभन्दा बढी फ्यान हुनु भनेको गौरवको कुरा हो। तपाईं एकैचोटि १ लाख मानिसलाई आफ्नो कामको बारेमा सूचित गर्न सक्नुहुन्छ। तपाईंले गरेको कामको प्रतिक्रिया क्षणभरमै प्राप्त गर्न सक्नुहुन्छ,' नम्रताले भनिन्। हाल 'मौन' तथा 'मेघा'को काममा व्यस्त नम्रताले यी फिल्मलाई पनि फेसबुकबाटैै प्रमोट गरिरहेकी छिन्।
पूर्व मिस नेपाल माल्भिका सुब्बाको पेजलाई मन पराउनेको संख्या १ लाख ६९ हजार छ। सुब्बालाई नेपालबाट लगभग १ लाख २८ हजार प्रयोगकर्ताले मन पराएका छन् भने बाहिरी देशका ४१ हजारले उनको पेज फलो गर्ने गरेका छन्। त्यसो त सुब्बा फेसबुकमा सक्रिय रहने थोरै सेलिब्रेटीमध्ये पर्छिन्। फेसबुकबाट तितामिठा दुवैखाले अनुभव सँगालेकी सुब्बा २०१० देखि फेसबुकमा सक्रिय छिन्। सुरुसुरुमा पुरुष फ्यानका अश्लील सन्देश तथा कमेन्टबाट आजित सुब्बा त्यस्ता फ्यानलाई निकालेपछि भने सामाजिक सञ्जालले फाइदै पुर्यानएको अनुभव सुनाउँछिन्।
'फेसन र ग्ल्यामरभन्दा सामाजिक काम सम्बन्धी स्ट्याटसमा फ्यानको लाइक बढी हुन्छ। यसले सार्थक काम गरिरहेको अनुभूति हुँदोरहेछ,' सुब्बाले भनिन्। माल्भिकाले आजभोलि फेसबुक फोरमबाटै 'चाइल्ड रिच नेपाल' र 'हाम्री बहिनी' नामक सामाजिक अभियानलाई प्रमोट गरिरहेकी छिन्।
समग्र फेसबुक प्रयोगकर्ताबीच नेपालका संगीतिक ब्यान्डहरु लोकप्रिय रहेको पनि तथ्यांकले देखाएको छ। दि एज ब्यान्डको पेजलाई १ लाख ५१ हजार लाइक गर्नुले यस्तै चित्र प्रस्तुत गर्छ। कुटुम्ब, अल्बाट्रस, नेप्साइडज नेपाली फेसबुक प्रयोगकर्ताले लाइक गरेका ब्यान्डहरु हुन्। कुटुम्बलाई लगभग १ लाख ६ हजार फ्यानले लाइक गरेका छन् भने अल्बाट्रसलाई १ लाख १ हजारले मन पराएका छन्। नेप्साइडजलाई लाइक गर्नेको संख्या लगभग ६८ हजार छ।
फेसबुक प्रयोगकर्ताले धेरै लाइक गर्ने पेजमा रेडियो जक्की तथा गायिका सबिना कार्कीको पेज पनि अटाएको छ। उनको फेसबुक पेजमा ७५ हजारले लाइक दिएका छन्। उनलाई नेपालबाट लाइक गर्नेको संख्या ५६ हजार छ भने बाँकीका फ्यानले अमेरिका, भारत, कतार जस्ता देशबाट लाइक गरेका छन्।
कुनै पनि सेलिब्रेटीको लोकप्रियता सामाजिक सञ्जालमा हुने फ्रेन्डस् र फलोअरले तय गर्ने प्रचलन बढ्दो क्रममा छ। यस्तोमा नेपाली सेलिब्रेटीले पनि फेसबुक फ्यान बढाउन प्रयत्न थाल्ने हो कि? नत्र त आफू लोकप्रिय छु भन्ने डम्फु आफैंले मात्र बजाए जस्तो होला कि?

प्रतिक्रिया

धुर्मुस–सुन्तलीको नयाँ रुप, पञ्चरत्ने र पार्वती (फाेटाे)

धुर्मुस–सुन्तलीको नयाँ रुप, पञ्चरत्ने र पार्वती (फाेटाे)

काठमाडौं– हास्यकलाकार सिताराम कट्टेल (धुर्मुस) र कुञ्जना घिमिरे (सुन्तली)को नयाँ रुप सार्वजनिक भएको छ। सर्ट मुभी 'ज्योति'(द पावर अफ लाइट)मा पञ्चरत्ने र पार्वतीको भूमिकामा उनीहरुको नयाँ रुप देखिएको हो।  

पचास वर्ष धकेलिए नारायण!

पचास वर्ष धकेलिए नारायण!

काठमाडौं– भूकम्पका कारण लेखक नारायण ढकालको नयाँ उपन्यास ‘वृषभ वध' विमोचन नगरीकनै बजारमा आएको छ। प्रकाशक फाइन प्रिन्टले विमोचनको तयारी गर्दै गर्दा भूकम्प आएको थियो। पाठकको मागका कारण पुस्तकलाई ढिलो...

सिनेमा हलमा दर्शक फर्कंदै

सिनेमा हलमा दर्शक फर्कंदै

काठमाडौं-महाभूकम्पको पराकम्पनले तर्साइरहे पनि सामान्य मर्मतसम्भारपछि केही सिनेमा हलहरु सुचारु हुन थालेका छन्। राजधानीका विश्वज्योति, गोपीकृष्ण मुभिज, पुष्पाञ्जली, क्युएफएक्स अन्तर्गतका जयनेपाल र कुमारी, बिग सिनेमा, राइजिङ मलस्थित क्युज सिनेमाज् लगायत...

परदेशिनेहरुका ‘जिम्दा सपना’

परदेशिनेहरुका ‘जिम्दा सपना’

काठमाडौं– राजधानीको कालिकास्थानस्थित सर्वनाम रंगमञ्चमा राज शाह लिखित–निर्देशित ‘जिम्दा सपना’ मञ्चन भइरहेको छ। नाटकले बोकेको कथाका कारण दर्शकहरुले यसलाई रुचाइरहेको निर्देशक राजले बताएका छन्। ‘हामीले भारी–भरकम कुनै विषय उठाएका छैनौँ,’...

‘अझै पनि' र ईशाको जम्काभेट

‘अझै पनि' र ईशाको जम्काभेट

काठमाडौं– नेपाली फिल्म ‘अझै पनि' युनिटले बलिउड अभिनेत्री ईशा देवललाई भेटेको छ। प्रचारप्रसारका लागि भ्रमणमा रहेको फिल्म टोलीले पोखराबाट फर्कने क्रममा कुरिनटारमा रहेकी ईशालाई सोमबार भेटेको हो। भेटमा ईशाले नेपाली...

मलिना बन्ने भो ‘झम्की'

मलिना बन्ने भो ‘झम्की'

काठमाडौं– पूर्व मिस नेपाल मलिना जोशी ‘ऋतु'पछि फेरि अर्को फिल्म ‘झुम्की'मा नायिका बन्ने भएकी छन्। सोमबार काठमाडौंको मण्डला थियटरमा निर्माण घोषणा भएको ‘झुम्की'बाट ‘ऋतु' फिल्मका एक निर्माता अपिल विष्ट निर्देशनमा...

सिम्पल र स्वीट 'जेरी'

सिम्पल र स्वीट 'जेरी'

यात्राले मान्छेलाई धेरै थोक सिकाउँछ। जेरीले पनि सिक्छ। मुस्ताङसम्म तन्किएको घुमफिरमा उसले थुप्रै हन्डर खान्छ र आफूलाई चिन्ने अवसर पाउँछ।मुस्ताङलाई फन्को लगाउने क्रममा जेरी (अनमोल केसी) र काठमाडौंकी किशोरी आकांक्षा...

रत्‍नजीत र सरादेवी च्याम्पियन

काठमाडौं- साविक विजेता रत्‍नजीत तामाङले चौथो पुष्पलाल स्मृति राष्ट्रिय र्याशङकिङ ब्याडमिन्टन प्रतियोगितामा उपाधि रक्षा गरेका छन्। आर्मीका रत्नजीतले आइतबारको फाइनलमा त्रिपुरेश्वरस्थित राष्ट्रिय खेलकुद परिषदको कभर्ड हलमा आफ्नै क्लबका विकास श्रेष्ठलाई...