Sunday 4 Bhadra, 2074 |
Menu

republica-headerdiscount-subscribe1

istl

उपभोक्ता 'लुटेर' ९० करोड बोनस बाँड्ने तयारी

  • शुक्रबार १ माघ, २०७२
  • कुबेर चालिसे/सुजन ढुंगाना
  • Be the first to comment!
(0 votes)
उपभोक्ता 'लुटेर' ९० करोड बोनस बाँड्ने तयारी
काठमाडौं- उपभोक्ताले इन्धनका लागि चर्को मूल्य तिर्दै गर्दा अघिल्ला आर्थिक वर्षमा सञ्चित घाटामा रहेको नेपाल आयल निगमले गएको आर्थिक वर्षको नाफाबाट ९० करोड रुपैयाँ बोनस बाँड्ने तयारी गरेको छ।अन्तर्राष्ट्रिय बजारमा गिर्दो मूल्यअनुरुप समायोजन गरिए उपभोक्ताले नेपालमा ८० रुपैयाँ प्रतिलिटर पाउनुपर्थ्यो। अभावबीच उपभोक्ताले महँगो मूल्य मात्र होइन, कालोबजारीको भर पर्नुपरेको अवस्था छ।
nepali-patro-june
विभिन्न बैंक तथा वित्तीय संस्था तथा सरकारसँगको जम्मा ऋण ३६ अर्ब रुपैयाँ रहेको निगमले पछिल्लो समय अन्तर्राष्ट्रिय बजारमा कच्चा तेल मूल्य व्यापक गिरावटसँगै नाफामा जान थालेपछि ऋण तिर्दै थियो। सरकारसँग लिएको ऋणमध्ये अझै १२ अर्ब तिर्न बाँकी छ।

यस्तै, आर्थिक सर्वेक्षणका अनुसार आर्थिक वर्ष २०७१/७२ मा २७ अर्ब सञ्चित घाटामा रहेको तथा प्राविधिक रुपमा टाट पल्टेको निगमले चार महिनायता अन्तर्राष्ट्रिय बजारमा तेलको मूल्य धेरै घट्दा पनि नेपाली उपभोक्तालाई महँगोमा तेल बेचेर नाफा कमाएको हो।

अन्तर्राष्ट्रिय बजारमा कच्चा तेलको मूल्य हाल प्रतिब्यारल गत वर्षको भन्दा आधा अर्थात् ३० अमेरिकी डलर हाराहारी झरिसकेको छ भने अर्कातिर निगमले आपूर्ति व्यवस्था अझै सहज बनाउन सकेको छैन। एक ब्यारलमा करिब १ सय ५९ लिटर तेल हुन्छ। स्वचालित मूल्य लागू गर्दै पछिल्लोपटक निगमले असोजमा मूल्य घटाएको थियो।

निगमका अनुसार हाल पेट्रोलमा प्रतिलिटर १२ रुपैयाँ ६६ पैसा नाफा छ। यसरी प्रतिमहिना ७६ करोड ९३ लाख नाफा कमाइरहेको निगमले अन्तर्राष्ट्रिय बजार मूल्यअनुसार नेपालमा मूल्य घटाउँदा प्रतिलिटर पेट्रोल ८० रुपैयाँ पर्न आउने निगमकै कर्मचारी बताउँछन्।

तर, अन्तर्राष्ट्रिय बजारमा घटेको मूल्यअनुसार तेलको मूल्य नेपालमा घटाउन छाडेर निगम भने प्रतिकर्मचारी करिब १४ लाख ७२ हजार औसतको दरमा बोनस खानेबारे बुधबार बसेको बोर्ड बैठकमा छलफल भएको निगम स्रोतले बतायो। आर्थिक सर्वेक्षणअनुसार निगममा करारका ८९ तथा स्थायी ५ सय २२ गरेर ६ सय ११ कर्मचारी छन्।

अन्तर्राष्ट्रिय बजारमा कच्चा तेलको मूल्य घटेर गत आर्थिक वर्षमा १५ अर्ब रुपैयाँ नाफा भएकाले ९० करोड रुपैयाँ बोनस खाने तयारी गरिएको स्रोतले जनायो।

भारतले गरेको नाकाबन्दीका कारण आपूर्ति व्यवस्था सहज बनाउन नसकेपछि अन्तर्राष्ट्रिय बजारअनुसार निगमले मूल्य नघटाएको तर्क गर्दै निगम स्रोतले अन्तर्राष्ट्रिय बजारअनुसार मूल्य नघटाएर नाफा कमाएको बतायोे। तर, स्रोतका अनुसार बुधबारको बैठकमा अन्य प्रतिवेदन पास गरे पनि बोनस बाँड्ने निर्णय भने गरेको छैन।

आर्थिक वर्ष २०६५/६६ मा पनि निगमले नाफामा गएको भन्दै १ करोड ७१ लाख ५८ हजार चार सय पाँच रुपैयाँ बोनस बाँड्ने निर्णय गर्दा सञ्चित नोक्सान भएको सरकारी संस्थाले बोनस बाँड्न नपाउने भन्दै अर्थ मन्त्रालयले रोकिदिएको थियो।

यस्तै, कर्मचारी दबाबमा दुई वर्षअघि निगमले अर्थ मन्त्रालयको निर्णयविपरीत बोनस बाँडेको थियो। तर, अख्तियार दुरुपयोग अनुसन्धान आयोगले बोनस वितरण गरी भ्रष्टाचार गरेको अभियोगमा तत्कालीन कार्यकारी निर्देशक सुरेशकुमार अग्रवालसहित २० जना कर्मचारीलाई भ्रष्टाचार गरेको आरोपमा मुद्दा चलाएपछि कर्मचारीले बोनस रकम फिर्ता गरेका थिए।

यसैबीच, बिहीबार व्यवस्थापिका संसदको उद्योग वाणिज्य तथा उपभोक्ता हित सम्बन्ध समितिले खाना पकाउने ग्यासको आपूर्ति बढाउने सबै उपाय लगाउन आपूर्ति मन्त्रालय र सम्बद्ध निकायलाई निर्देशन दिएको छ।

सांसदहरुले अवरोध नरहेका नाकाबाट हुने आयात बढाउन, थप ग्यास बुलेट भाडामा लिन तथा रक्सौलमा रोकिएका बुलेटलाई रिरुट गर्न निर्देशन दिएका हुन्।

समितिको बिहीबार बसेको बैठकले आपूर्ति मन्त्रालयका सचिव विष्णुप्रसाद लम्साल, वाणिज्य विभागका महानिर्देशक शम्भु कोइराला, नेपाल आयल निगमका कार्यकारी निर्देशक गोपालबहादुर खड्का, ग्यास उद्योग संघका अध्यक्ष शिवप्रसाद घिमिरेलगायतसँग छलफल गरी ग्यास आपूर्ति बढाउन निर्देशन दिएको हो।

बैठकमा निगमका कार्यकारी निर्देशक खड्काले साउन महिनामा १६ हजार, भदौमा २० हजार, असोजमा ४ हजार ५ सय, कात्तिक र मंसिरमा ५–५ हजार तथा पुस महिनामा ९ हजार २ सय मेटि्रक टन ग्यास आयात भएको जानकारी दिए।

उनले जोगबनी, सुनौलीलगायत नाकाबाट आपूर्ति बढाउन भारतीय आयल निगमलाई पत्राचार गरिसकेको बताए। यस्तै, उनले रक्सौलमा रोकिएका बुलेटमध्ये ८४ वटा बुलेट रिरुट गरिसकेको र बाँकी १ सय ४३ वटा बुलेट भने रिरुटको प्रक्रियामा रहेको बताए।

आयल निगमका हाकिमले नै कालोबजारियासँग मिलेर तेल बच्दै पैसा कमाउन थालेको भन्दै उपभोक्तको चर्को विरोध हुँदै गर्दा निगम भने निजी सवारीधनीलाई कालो बजारियासँगै भर पर्न सुझाव दिँदै आएको छ। निगमले भने वीरगन्ज नाका नखुलेसम्म निजी सवारीलाई पूर्ववत रुपमा तेल वितरण गर्न नसकिने तर्क गर्दै कालो बजारीलाई प्रोत्साहन गरिरहेको छ।

प्रतिक्रिया

ग्यास सिलिन्डर चुहिएपछि...

ग्यास सिलिन्डर चुहिएपछि...

काठमाडौं– मंगलबार बिहान ९ बजे टेकु सुगम ग्यासका कामदार सुरेन्द्र बलामी सिलिण्डर बोकेर कालीमाटी स्थित चटपटे टहरामा ग्यास जोड्न खोज्दै थिए। त्यही ग्यासबाट एक्कासी आगोको मुस्लो निस्कियो र फैलियो। फैलिएको...

फेरियो प्रणाली, फेरिएन उपलब्धि

फेरियो प्रणाली, फेरिएन उपलब्धि

काठमाडौं- दस कक्षामा एसएलसी परीक्षा गराउने प्रणालीलाई बिट मार्दै सरकारले यसको अन्तिम संस्करणको नतिजा बिहीबार सार्वजनिक गरेको छ। कक्षा १२ सम्मलाई विद्यालयतह निर्क्योल गरेको दुई साता नबित्दै सरकारले एसएलसी परीक्षा–२०७२...

सिलिन्डर विस्फोटबाट ३ को मृत्यु भएपछि एचपी ग्यासमाथि प्रतिबन्ध

सिलिन्डर विस्फोटबाट ३ को मृत्यु भएपछि एचपी ग्यासमाथि प्रतिबन्ध

काठमाडौं- ग्यास बिस्फोटमा परी तीन जनाको मृत्यु भएपछि सरकारले एचपी ग्यासको बिक्री वितरणमा प्रतिबन्ध लगाएको छ। जेठ ७ गते ललितपुर मंगलबजारमा 'एचपी ब्राण्ड'को ग्यास बिस्फोटमा परी धनजनको क्षती भएपछि सरकारले...

प्रधानमन्त्री अचानक विमानस्थल छिर्दा

प्रधानमन्त्री अचानक विमानस्थल छिर्दा

काठमाडौं-सधैं भिडभाड भइरहने मुलुकको एकमात्र अन्तर्राष्ट्रिय विमानस्थलमा मंगलबार दिउँसो प्रधानमन्त्री केपी शर्मा ओली मन्त्रीहरूसहित अकस्मात पुग्दा कर्मचारीदेखि सुरक्षा अधिकारीसम्म अकमक्क परे।

बेनिजिर भुट्टो र म रातभर खित्का छाडेर हास्यौं अनि रोयौंः मीना (अडियो)

बेनिजिर भुट्टो र म रातभर खित्का छाडेर हास्यौं अनि रोयौंः मीना (अडियो)

काठमाडाैं-नेपालका अति धनी क्रिश्चियन परिवारको एक विवाह समारोहमा सहभागी हुन तात्कालिन पाकिस्तानी प्रधानमन्त्री बेनिजिर भुट्टो नेपाल आउँदा आफ्नो कोठामा भुट्टोले रात बिताएको मीन सिं खड्कको दावी छ।

जाजरकोटवासीलाई चामल छैन

जाजरकोटवासीलाई चामल छैन

जाजरकोट- चामल सकिँदा जाजरकोटवासी छाक टार्ने समस्याले पिरोलिएका छन् तर खाद्य संस्थानको सदरमुकामस्थित गोदाम भने भरिभराउ छ। जाजरकोटका दुर्गम गाउँका लागि सरकारले छुट्ट्याएको नियमित कोटाको चामल ठेकेदार लापरवाहीले समयमा ढुवानी...

एक महिलाकाे झुटको खेती : मिसेल ओबामाको फाेनदेखि मध्यरातमा बेनिजिर भुट्टोसम्म [भिडियाे]

एक महिलाकाे झुटको खेती : मिसेल ओबामाको फाेनदेखि मध्यरातमा बेनिजिर भुट्टोसम्म [भिडियाे]

काठमाडौं–काठमाडौंस्थित एक कलेजको ल्याण्डलाईन नम्बरमा अमेरिकी राष्ट्रपति बाराक अाेबामा पत्नी मिसेल आफैँले फोन गरेर सोध्छिन्, 'इज मीना देअर ?' (मीनाजी त्यहाँ हुनुहुन्छ...?) पाकिस्तानी प्रधानमन्त्री बेनिजिर भुट्टो प्रधानमन्त्रीकै हैसियतमा नेपाल आउँदा उनै...

नयाँ शक्तिको 'समृद्धि सपना'

नयाँ शक्तिको 'समृद्धि सपना'

काठमाडौं- काभ्रे बनेपाका संदीप घोरसाइने पेशाले सवारी चालक हुन्। राजनीतिमा खासै चासो नराख्ने उनी आइतबार दशरथ रंगशालामा नयाँ शक्ति नेपाल पार्टीको घोषणा कार्यक्रममा चर्को घाम सहेर बसे। पार्टी संयोजक डा.बाबुराम...