Friday 13 Shrawn, 2074 |
Menu

शुक्रबार

republica-headerdiscount-subscribe1

istl

'म पनि सेलिब्रिटी भइसकिछु!'

(3 votes)
नम्रता सापकोटा/अभिनेत्री नम्रता सापकोटा/अभिनेत्री
उपत्यकाबाहिरको यात्रा कस्तो रह्यो?
असाध्यै रमाइलो। धेरै नयाँ ठाउँमा घुमियो। फरक सोच भएका मान्छेहरूसँग भेटियो।
यसअघि काठमाडौँ बाहिर गइएको थिएन?
पश्चिममा त एकचोटि प्रोग्राम टुरमा गएकी थिएँ, साल्सा डान्स देखाउन। तर, पूर्वका धेरै ठाउँ गएको थिइनँ।

nepali-patro-june
तपाईंप्रति त्यहाँका दर्शकको दृष्टिकोण कस्तो पाउनुभयो?
वाह! हाम्रो कामको मूल्यांकन गर्ने दर्शक त उपत्यकाबाहिरै रहेछन्। म पनि सेलिब्रिटी भइसकेछु भन्ने महसुस बल्ल भएको छ। काम गर्ने ऊर्जा पनि थपिएको छ। 
म्युजिक भिडियोमा हेरेर मात्रै पनि त्यस्तो रेस्पोन्स पाउनुभएछ। फिल्म रिलिज भएपछि कस्तो होला?
त्यही त, ६० वटा म्युजिक भिडियो खेलिसकेँ। केही उपलब्धि छैन जस्तो लागेर मन खिन्न हुन्थ्यो। काठमाडौँमा प्रशंसकले धेरै प्रशंसा गरे भने 'राम्रो छ' भन्थे। तर, बाहिर त हामीसँग तस्बिर खिचाउन पाएकैमा गर्व गर्ने दर्शक पनि रहेछन्। फिल्म रिलिज भएपछि गएको भए अझै बढ्थे होलान्।
रिलिज हुन लागेको फिल्म 'अन्तराल'मा प्रशंसक बढ्ने खालको रोल छ कि छैन?
गज्जबले छ। आफ्नै खुट्टामा उभिएकी, हेल्पफुल र सकारात्मक सोच भएकी खुला विचारकी केटीको भूमिका छ। यस्तो मान्छेलाई सबैले मन पराउँछन्। 
फिल्मकी 'त्यो केटी' र तपाईंबीच कत्तिको समानता छ?
छन्, थुप्रै समानता छन्। एक्काइसौँ शताब्दीका प्रायः केटी खुला विचारका हुन्छन्, म पनि छु। मोडलिङ र अभिनयसँगै बुटिक पनि सञ्चालन गरिरहेकी छु।
बुटिकमा बस्न भ्याइन्छ?
अहिले त्यति भ्याएकी छैन। अब समय दिने कोसिस गर्दैछु। 
यो क्षेत्रमा गरिखान गाह्रो भएर व्यवसायतिर लागेको हो?
म मोडल/हिरोइनमात्रै होइन, त्योभन्दा राम्रो साल्सा परफर्मर हो। त्यसैले मलाई त्यस्तो गाह्रो छैन। तर, भविष्यका बारेमा पनि अहिल्यै सोचिराख्नुपर्छ भनेर व्यवसाय पनि थालेकी हुँ।
नेपालमा साल्सा परफर्मरको डिमान्ड राम्रै छ त?
परफर्मरको कमी भएकाले डिमान्ड हाई छ। विशेष गरेर ठूला व्यावसायिक कम्पनीले आफ्नो उत्पादनको प्रवर्द्धनका लागि साल्सा परफर्मरलाई प्रयोग गर्न थालेका छन्। 
फिल्म र म्युजिक भिडियोमा तपाईंको त्यो कला देखिएको खोइ?
त्यो अवसर पाएकै छैन। फिल्ममा पनि साल्सा नाच्ने रोल पाएँ भने अझै बेटर गर्न सक्छु। भिडियोमा पनि आफूलाई जमाउन सक्छु जस्तो लाग्छ। 
अहिलेसम्म एउटा मात्रै फिल्ममा अफर आएको हो?
दुइटा फिल्म गरिसकेँ। यसअघि 'सिग्नेचर' भन्ने फिल्म गरेकी थिएँ। तर, दर्शमाझ आउने चाहिँ 'अन्तराल' पहिलो हो। अरू धेरै फिल्मका अफर आइसके, तर हिरोसँग लभ गर्ने, अघिपछि लाग्ने खालका रोलमात्रै छन्। त्यो त सबैले गरेकै कुरा भयो नि। त्यसैले अलि फरक, अझ नेगेटिभ क्यारेक्टरमा अभिनय गर्न मन छ। अहिलेसम्म मेरो अनुहारमात्रै देखिएको छ, त्यस्तो रोल पाए क्षमता देखाउने अवसर पनि मिल्थ्यो। 
लभ फिल्मबाहिरै गरेको राम्रो भनेर फिल्ममा गर्न मन नपरेको हो?
अहिलेको युगमा लभ गर्नु नर्मल कुरा हो।

Leave a comment

जवानी केले सेलाउँछ?

जवानी केले सेलाउँछ?

जानकी तारामी मगर लोकगायिकाका रूपमा चिनिन्छन्। अस्तिको तीजमा 'कार किनेर ल्याऊ' भन्ने गीत गाएर चर्चाको दायरा फराकिलो पारेकी उनले यस पटक भने अर्कै खालको गीत ल्याएकी छिन्। उमेरले जवानीकै स्वाद...

आत्मकथा हाबी

आत्मकथा हाबी

२०७१ सालमा नेपाली साहित्य बजारमा आत्मकथा खूब बिके। साहित्यका रचनात्मक किताबको चर्चा निकै कम भयो। ठूला मान्छेका 'आत्मश्लाघाुले भरिएका 'आत्मकथाुले साहित्यको बजार कब्जा गर्योक। 'तपाईं कथा सुनाउनुस्, हामी लेखिदिन्छौँु भन्दै...

'फिल्मको 'नियत' बुझेरमात्रै खेल्छु'

'फिल्मको 'नियत' बुझेरमात्रै खेल्छु'

बेनिशा हमालले केही फिल्म र थुप्रै म्युजिक भिडियोमा अभिनय गरेकी छिन्। 'सफल', 'हिट', 'चर्चित' जस्ता कुनै फुँदा उनका नामका पछाडि झुन्डिन सकेका छैनन्। आफू 'आफन्त र छिमेकीका अगाडि मुख देखाउन...

राजमार्ग लाइभ : थानकोटदेखि नारायणगढसम्म

लोकमार्ग पनि भन्न थालिएको छ राजमार्गलाई। त्यसो त यसले ठगीमार्गको नाम पाएको पनि धेरै भइसक्यो। मान्छेसँग मान्छे, संस्कृतिसँग संस्कृति जोड्दै राजमार्गले नेपालको विकासमा सघाउ नपुर्‍याएको होइन। तर, राजमार्गकेन्द्रित व्यापारका नकारात्मक...

व्यङ्ग्य : बग्गी

थापा काजीको बग्गीले सर्वत्र चर्चा पायो। व्यस्त सहरहरूमा दौडिएको बग्गी चर्चित हुनु पनि स्वाभाविक हो। बग्गी जस्तो होस् वा त्यो दौडनुको अभिप्राय जेसुकै होस्, यसको लेखाजोखा गर्न हामी 'राष्ट्रभक्त'हरूलाई फुर्सद...

पूर्वमा नयाँ वर्ष उत्सव

पूर्वमा नयाँ वर्ष उत्सव

नयाँ वर्षमा फुल्ने फूलसिराहास्थित ऐतिहासिक महत्वको सलहेश फूलबारीमा हरेक वैशाख १ गते मालाजस्तो देखिने सुनाखरी फुल्ने गर्छ। स्थानीयहरू यो फूललाई राजा जयवर्द्धन सलहेश र दौना मालिनीको प्रेम प्रतीकका रूपमा लिन्छन्।...

कोरियामा नेपालीको बेहाल

कोरियामा नेपालीको बेहाल

रोजगारीका लागि दक्षिण कोरिया जान नेपालबाट हजारौँ युवा तछाडमछाड गरिरहेको समयमा एम्नेस्टी इन्टरनेसनलले सोमवार कोरियामा रहेका आप्रवासी कामदारको अँध्यारो पाटोलाई सार्वजनिक गरेको छ।

भन्न खोजेको के?

भन्न खोजेको के?

विवाह नगरे पनि श्रीकृष्ण श्रेष्ठ र श्वेता खड्का 'जोडी'कै रूपमा चिनिन्छन्। फिल्मदेखि व्यवसायसम्म सहकार्य गरिरहेका उनीहरूले सम्बन्धलाई औपचारिकता मात्रै दिन बाँकी रहेको बताइन्छ। शनिवार एक कार्यक्रममा यो जोडी सँगै देखियो।...